పరలోక దర్శనములు మరియు అందుగల మహిమలు

పరలోక దర్శనములు మరియు అందుగల మహిమలు

నా మార్గదర్శి చెప్పిన మాటలు కొన్ని క్షణాల తర్వాత నిజమని ఋజువు అయ్యాయి. ఎందుకనగా కాసేపటి తర్వాత నేను పరలోక మహిమా గృహాలలోనికి ప్రవేశించాను. నేను చూసిన దృశ్యాలను మానవ మాటలతో నేను వివరించడం అసాధ్యం. నేను విన్న శ్రావ్యమైన సంగీతనాదాలను నేను నా నోటితో ఎన్నటికీ వ్యక్తీకరించలేను. ఆ విషయాన్ని అపొస్తలుడైన పౌలు చాలా బాగా చెప్పాడు : “ఇప్పుడు మనము దేవుని పిల్లలమైయున్నాము. మనమిక ఏమవుదుమో అది ఇంకను ప్రత్యక్షపరచబడలేదు (1 యోహాను 3:2).

ఎవరైతే దానిని ఇంకను చూడలేదో వారు దానిని గురించి పరిపూర్ణముగా చెప్పలేరు. ఎవరైతే దానిని చూశారో వారు దానిలో వెయ్యవభాగంకూడ చెప్పలేరు. కావున, తాను పరదైసుకు కొనిపోబడినట్లును, అక్కడ వచింప శక్యము కానివియు మనుష్యుడు పలుకకూడనివియునైన మాటలను తాను వినినట్లును అన్యులకు అపొస్తలుడుగా నియమింపబడిన పౌలు తెలిపాడు (2 కొరింథీ 12:4).

అందుకే తాను కనినవియు వినినవియునైన సంగతులను గురించి అతడు ఏమియు వ్రాయలేదుగాని, “దేవుడు తన్ను ప్రేమించువారికొరకు ఏవి సిద్ధపరచెనో అవి కంటికి కనబడలేదు, చెవికి వినబడలేదు, మనుష్య హృదయమునకు గోచరము కాలేదు” అని మాత్రమే వ్రాశాడు (1 కొరింథీ. 2:9). అయితే, నేను కన్నవాటిని గూర్చియు, విన్నవాటిని గూర్చియు, అక్కడున్న కొందరు ఆశీర్వాదకరమైన వ్యక్తులను గూర్చియు, నేను మీకు సవివరంగా తెలుపుతాను.

సమస్తమైన వెలుగుకు మూలము

ఆ మహిమకరమైన ప్రదేశానికి నేను సమీపించినప్పుడు, ప్రకాశిస్తున్న లెక్కలేనంతమంది దేవదూతలను నేను చూశాను. వారు నన్ను ఆ అద్భుతమైన ప్రదేశంలోనికి సాదరంగా ఆహ్వానించారు. వారందరి ముఖాల్లో పరిపూర్ణమైన వెలుగులు విరజిమ్మే వజ్రాలుగాని, కాంతివంతమైన ముత్యాలు రత్నాలు వైఢూర్యాలుగాని ఆ మహిమా వెలుగు ముందు కేవలం జీవంలేని బొగ్గులే.

ఆనందం మరియు పరిపూర్ణమైన సంతృప్తిని నేను చూడగలిగాను. అక్కడ సమీపించరాని పరిపూర్ణమైన వెలుగు ప్రతి ఒక్కరినీ తన స్వభావములోనికి ఇముడ్చుకొని ఉండటాన్ని నేను చూశాను. మహిమపరచబడిన పరిశు దుల ఆత్మల అంతర్భాగంకూడ అతి స్పష్టంగా అద్దంలో చూసినట్లుగా కనిపిస్తోంది. సూర్యుడు లేదా వేరొక వస్తువుద్వారా ఆ వెలుగు అక్కడ ప్రసరించబడటం లేదుగాని, దైవిక మహిమా వెలుగు ప్రతి ఒక్కరిపైనను ప్రతి ఒక్క వస్తువుపైనను ప్రతి గృహంలోను ప్రతి ఆత్మయొక్క అంతర్భాగంలోను ప్రసరిస్తోంది. ఆ దైవిక వెలుగుతో పోల్చినప్పుడు సూర్యుని వెలుగు కేవలం చీకటే.

వెలుగులు విరజిమ్మే వజ్రాలుగాని, కాంతివంతమైన ముత్యాలు రత్నాలు వైఢూర్యాలుగాని ఆ మహిమా వెలుగు ముందు కేవలం జీవంలేని బొగ్గులే.

దేవుని మహిమా సింహాసనంగా పిలువబడే ఆ అద్భుతమైన స్థలమునుండి ప్రసరించబడే ఆ మహిమా వెలుగునుండి దైవిక అధికారము మరియు ఆధిపత్యము అత్యద్భు తంగా బయలుపరచబడుతున్నాయి.

దేవదూతలు మరియు పరిశుద్ధులు ఆలపించే హల్లెలూయ పాటలనూ స్తుతి గీతాలనూ వింటూ, వారుచేసే ఆరాధనలను స్వీకరిస్తూ, తన మహిమా సింహా సనంపై ఆసీనుడైయున్న సర్వోన్నతుని దైవత్వాన్ని వీక్షించడం మానవులమైన మనకు ఒక అత్యద్భుతమైన దృశ్యం. కావున, ఆయన మహిమగల దేవునిగా పిలువబడేందుకు ఎంతైనా అర్హుడు. ఎందుకనగా ఆయన మహిమా ప్రసన్నత ద్వారా పరలోకం ఒక మహిమా ప్రదేశంగా విలసిల్లుతోంది. ఆ దైవిక ప్రసన్నత నుండి పరలోకంలో ఉన్న నివాసులందరివద్దకూ ఆనందకరమైన నదులు ప్రవహి స్తున్నాయి. ఆయన మహిమ పరలోకంలోని అన్నివైపులకూ వెదజల్లబడుతోంది.

నావరకైతే, సింహాసనాసీనుడైన దేవుని మహిమావెలుగుయొక్క ఒక్క కిరణాన్ని చూసేందుకుకూడ శక్తిలేనంత బలహీనంగా నా కనుదృష్టి ఉంది. నేను నా ప్రక్క నున్న నా మార్గదర్శి అయిన దేవదూతను చూస్తూ ఇలా గట్టిగా అరిచాను : “ఇంతటి గొప్ప వెలుగును ఏ మానవనేత్రమూ చూసి భరించజాలదు. అయినప్ప టికీ, ఇది ఆత్మలను సేదదీర్చి వాటిని ఆనందోత్సాహాలతో నింపేదిగా ఉంది. ఈ మహిమా వెలుగును చూసినట్లయితే ఒకవేళ నేను మరణిస్తానేమో! అలా నేను మరణించవలసి వచ్చినప్పటికీ, దీనిని వీక్షించేందుకే నేను ఇష్టపడతాను.”

పాపానికిగాని, దుఃఖానికిగాని తావులేదు

దేవదూత : మరణాన్ని గురించి నీవు ఇక్కడ మాట్లాడకూడదు. ఎందుకనగా, ఈ ఆశీర్వాదకరమైన స్థలంలో మరణానికి ఏమాత్రం చోటులేదు. ఇక్కడ జీవము మరియు నిత్యత్వములకు మాత్రమే చోటుంది. ఎందుకనగా ప్రతివిధమైన చెడుగు నుండి ఈ స్థలము ప్రత్యేకించబడింది. అలా లేనట్లయితే, మహికరమైన ఈ స్థలము అసంపూర్ణమైనదే. ఇప్పుడు నేను నీకు నీలానే శరీరంతోనే ఇక్కడకు ప్రవేశించిన ఒక వ్యక్తిని పాపానికిగాని దుఃఖానికిగాని ఇక్కడ ఏమాత్రం చోటులేదు.

ఇక్కడ జీవము మరియు నిత్యత్వములకు మాత్రమే చోటుంది.పాపానికిగాని దుఃఖానికిగాని ఇక్కడ ఏమాత్రం చోటులేదు. 

పరిచర్యచేయు వేరొక ఆత్మను నేను నీవద్దకు పంపునంతవరకు నీవు అతనితో సంభాషిస్తూ ఉండు.

ఎపెనెటస్ : దానికిబదులు నన్ను ఇక్కడే ఉండనివ్వకూడదూ? ఎందుకంటే, పరలోక గృహాలు ఈపాటికే నిర్మించబడి సిద్ధంగా ఉన్నాయి గనుక, ఇక్కడ ఎలాంటి గుడారాలూ వేసుకోనవసరం లేదు.

అందుకు ఆ దేవదూత నాకు ఇలా జవాబిచ్చాడు- “కొంతకాలము తరువాత నీవు తప్పక ఇక్కడ శాశ్వతంగా నిలిచి ఉండబోతున్నావు. అయితే, మొట్టమొదట దైవచిత్తానికి మనము విధేయత చూపించాలి.”

ఏలీయాతో సంభాషణ

క్షణంలో అతడు నన్ను ప్రకాశమానమైన వేలాది దూతల సమూహంద్వారా అత్యంత వేగంగా తీసుకెళుతూ చివరిగా సుపరిచితుడును గొప్ప ప్రవక్తయునైన పరిశుద్ధుడగు ఏలీయా వద్దకు తీసుకెళ్ళాడు. అతడు భూమిమీద ఎన్నో సంవత్స రాలకు ముందు జీవించినప్పటికీ నా మొదటి చూపులోనే నేను అతనిని నాకు సుపరిచితుడైన వ్యక్తిగా దృష్టించాను.

దేవదూత : (ఏలీయాతో) పరలోక మహిమను వీక్షించేందుకు దేవుని అనుమతిని పొందిన ఒక వ్యక్తిని నేను నీవద్దకు తీసుకొచ్చాను. ఇందులోని మహిమాసంతోషాలు ఎక్కడనుండి వచ్చాయో అతడు తెలుసుకొనేందుకు అతనికి నీవు సహాయం చెయ్యి.

ఏలీయా : నేను దానిని సంతోషంగా చేస్తాను. ఎందుకంటే, దేవుని యొక్కయు గొఱ్ఱపిల్ల యొక్కయు చిత్తము నెరవేర్చుటయు, ఆయనకు స్తుతిగీతాలు ఆల పించుటయు, వినయముతో ఆయనను ఆరాధించుటయు, “సింహాసనాసీనుడై యున్నవానికిని గొఱ్ఱపిల్లకును స్తోత్రమును ఘనతయు మహిమయు ప్రభావమును యుగయుగములు కలుగునుగాక” (ప్రకటన 5:13) అని పలుకుటయు ఇక్కడ మన ఆహారమును పానీయమును అయియున్నది. (యోహాను 4:34 చూడుము).

ఆయన “వధింపబడినవా(డై), (తన) రక్త మిచ్చి ప్రతి వంశములోను ఆయా భాషలు మాటలాడువారిలోను, ప్రతి ప్రజలోను, ప్రతి జనములోను, దేవునికొరకు మనుష్యులను కొని, మా దేవునికి వారిని ఒక రాజ్యముగాను యాజకులనుగాను” చేసెను (ప్రకటన 5:9,10). “అవును, ఆమేన్” (ప్రకటన 1:7).

నేనుకూడ పరిశుద్ధుడగు ఆ ప్రవక్తతో కలిసి “ఆమేన్” అని పలికాను. అప్పుడు ఆ ప్రవక్త నావైపు తిరిగి ఇంత గొప్ప అనుమతి మరియు ఆధిక్యత నాకు ఎలా లభించిందని నన్ను ప్రశ్నించాడు.

భూమిమీద ఏం జరుగుతోందో పరలోకంలో నున్న పరిశుద్ధులకు ఏ మాత్రం తెలియదని నేను గ్రహించాను. అలాగైతే ఇక భూమిమీదనున్న మనుష్యులను గురించి ప్రార్థించేందుకు వారు ఎలా నిర్దేశించబడతారు?

ఆ విషయాన్నే నేను నా పరిచయభాగంలో తెలియబరిచాను. ఆ తర్వాత ఆ పరిశుద్ధ ప్రవక్త నాతో ఇలా మాట్లాడటం ప్రారంభించాడు :

ఏలీయా : సింహాసనాసీనుడైన దేవునికిని, వధింపబడిన గొఱ్ఱపిల్లకును, వారి మంచితనమునుబట్టియు, నిరుపేదలకును బలహీనులకును అనుమానితు లగు పాపులకును వారు చూపించిన అవధులులేని ప్రేమ మరియు మంచితనము లనుబట్టి మహిమయు ప్రభావమును యుగయుగములకును కలుగునుగాక. ఇప్పుడు నేను నీకు చెప్పు సంగతులను నీవు జాగ్రత్తగా వినుము.

తన ఆత్మీయ శరీరమును గురించి ఏలీయా వివరణ

ఏలీయా : నీవు ఇంతవరకు చూసిన మరియు వినిన సంగతులను ఇతరులకు అర్థమయ్యే రీతిలో నీవు ఎన్నటికీ వివరించలేవని నేను దృఢంగా నమ్ముతున్నాను.

ఎందుకనగా, “దేవుడు తన్ను ప్రేమించువారికొరకు ఏవి సిద్ధపరచెనో అవి కంటికి కనబడలేదు, చెవికి వినబడలేదు, మనుష్య హృదయము నకు గోచరము కాలేదు”(1 కొరింథీ. 2:9). మహిమకరమైన ఈ స్థితికి ఇంకను మార్చబడనివారిని లేదా తమ భౌతికశరీరములనుండి విడుదల నొందనివారిని గురించి నేను మాట్లాడుతున్నాను. నేను ఇక్కడ శరీరములో ఉండుట అనునది ఇక్కడి విషయాలను గ్రహించుటకు ఏమాత్రం అడ్డుకాదు. ఎందుకనగా, నా శరీరము స్వాభావిక మరణమునొందనప్పటికీ, భౌతిక మరణమునకు సమాన ముగా అది శ్రమనొంది రూపాంతరం చెందింది.

అది ఇప్పుడు దేవుని సింహాస నము చుట్టూ ఉన్న ప్రకాశమానమైన దేవదూతల స్వరూపానికి ఏమాత్రం తీసిపోని విధంగా రూపాంతరం చెందింది. అయినప్పటికీ, ఈ సంతోషకరమైన స్థితిలో నేను అనుభవిస్తున్నవన్నీ నేను నీకు వివరించలేను. ఇంకను నేను అనుభవించనై యున్నవాటినికూడ నేను నీకు వివరించలేను. ఎందుకనగా ఇక్కడ మన సంతోషము ఎప్పటికప్పుడు నూతనపరచబడుతూ ఉంటుంది.

పరలోక సంతోషము పరిపూర్ణమైనది

సంతోషము ఎలా పరిపూర్ణము చేయబడుతుందో, ఆ సంతోషానికి ఇంకను అదనంగా సంతోషము ఎలా చేర్చబడుతుందో నాకు సవివరంగా తెలుపమని నేను ఆ ప్రవక్తను అడిగాను. ఎందుకనగా, పరిపూర్ణమైన సంతోషము ఈపాటికే సమాప్తమైనదని క్రిందున్న ప్రపంచంలో మనము సాధారణంగా భావిస్తుంటాము.

ఎపెనెటస్ : నేను ఏదో వ్యర్థమైన ఆసక్తితో ఇలా ప్రశ్నిస్తున్నానని దయచేసి భావించవద్దు. పరలోక విషయాలను గురించి నాకు ఏమియు తెలియదు. కావున, ఆ సంగతులను గ్రహించేందుకు నా గ్రాహ్యశక్తి అధికము కావాలన్నదే నా ఆశంతా.

ఏలీయా : నీ అనుమానాలను సంతృప్తిపరచేందుకును, ఊగిసలాడే నీ విశ్వాసాన్ని స్థిరపరచేందుకును, ఈ మహిమా ప్రదేశములోనికి త్రియేక దేవుని

పరలోక దర్శనములు మరియు అందుగల మహిమలు ద్వారా నీవు అనుమతించబడ్డావు. కావున, నీ మనస్సులోని అనుమానములన్నిటినీ నేను నివృత్తిచేస్తాను. అయితే, సంతోషము పరిపూర్ణము చేయబడుటను గురిం చియు, అదనముగా సంతోషము చేర్చబడుటను గురించియు నీకున్న సందేహ మును నివృత్తిచేయుటకు, నాలాగా ఆత్మ మరియు శరీరము రెండును సంతోష నేను ముగా ఉన్నప్పుడు దానిని అత్యున్నతమైన సంతోషకరమైన స్థాయిగా అభిప్రాయపడుతున్నాను.

లెక్కించడానికి అసాధ్యమైన గత యుగాలన్నిటిలో ఆత్మ మరియు దేహము ఆశీర్వాదకరమైన పునరుత్థాన స్థితిలో కలిసి ఉన్నప్పుడు అవి ఈ ఆశీర్వాదకరమైన స్థితిలో ఉంటాయి. అయితే, సంతోషము ఎల్లప్పుడూ నూతనపరచబడుతూ ఉండుటే ఈ మహిమా స్థలములోనున్న సంతోషము యొక్క ఉద్దేశము.

దైవిక పరిపూర్ణతలు అనంతమైనవి. ఈ మహిమను నిత్యత్వం మాత్రమే ప్రదర్శించగలదు. నిత్యత్వం మాత్రమే నూతనమైన సంతోషాన్ని అదనంగా చేర్చగలదు. అంతేగాక, అవసరమైనకొలదీ ఈ సంతోషముయొక్క పరిజ్ఞానము నిత్యత్వంలో అభివృద్ధిచెందుతూ ఉంటుంది.

తన పరలోక దర్శనమును గురించి పౌలు ఇచ్చిన జవాబు

ఏలీయా : కావున, అపొస్తలుడైన పౌలు తాను శరీరంతో భూమిమీద జీవించిన కాలంలో నీవలె పరదైసుకు కొనిపోబడినప్పుడు, “దేవుడు తన్ను ప్రేమించువారి కొరకు ఏవి సిద్ధపరచెనో అవి కంటికి కనబడలేదు, చెవికి వినబడలేదు, మనుష్య హృదయమునకు గోచరము కాలేదు” (1 కొరింథీ. 2:9) అని గొప్ప ఉద్దేశంతోనే పలికాడు.

పరలోక దృశ్యాలు వివరణకు అసాధ్యమైనవి

ఏలీయా : ప్రకృతిలో ప్రశంసించదగ్గ అంశాలను ఎన్నింటినో మన కళ్ళు చూశాయి. స్పటికపు కొండల్నీ, వజ్రాల బండల్నీ అవి చూశాయి. బంగారు గనుల్నీ, ముత్యాల తీరాల్నీ, పరిమళ సువాసనల్ని వెదజల్లే మూలికల దీవుల్నీ అవి చూశాయి. అవి భూమిమీద ఎన్నో అద్భుతమైన వాటిని ఆశ్చర్యంతో తిలకించి ఉండవచ్చు. అయితే, అత్యంత ఆశ్చర్యకరమైన ఈ మహిమా ప్రదేశంలోని అద్భుతాల్ని అవి ఎన్నడూ తిలకించి ఉండవు.

శ్రావ్యమైన పరలోక సంగీత సునాణాలు పోలికకు సాటిలేనివి

ఏలీయా : మానవుని చెవులు ఎన్నో శ్రావ్యమైన శబ్దాలను వినియున్నప్పటికీ, సర్వోన్నతుని సింహాసనంవద్ద పరిశుద్ధులును దేవదూతలును చేసే మధురమైన సంగీత సునాదాలను అవి ఎన్నడూ వినివుండవు.

పరలోకము ఊహాతీతమైనది

ఏలీయా . అద్భుతమైన పరలోక దృశ్యాలను మానవనేత్రాలు ఎలా చూడలేవో, అక్కడి శ్రావ్యమైన శబ్దాలను మానవుని చెవులు ఎలా వినలేవో, అలానే పరలోక మహిమలను మానవ హృదయం ఏమాత్రం గ్రహించలేదు (1 కొరింథీ. 2:9). సృష్టి కర్తయొక్క అత్యద్భుతమైన సృష్టియగు మానవ హృదయం భూలోకంలో గతంలో ఉన్నవాటినీ, ఇప్పుడు ఉన్నవాటినీ, భవిష్యత్తులో ఉండబోవువాటినీ పరిపూర్ణంగా గ్రహించగలదు. అయితే, పరలోక సంగతులను అది ఏమాత్రం గ్రహించలేదు.

భూమిపైనున్న ప్రతి రాయీ ధగధగలాడు వజ్రంగా మారడాన్ని మానవుడు గ్రహించగలడు. కంటికి కనబడే ప్రతి గడ్డిపోచా ఒక అందమైన మణిహారంగా మారడాన్నికూడా అతడు ఊహించగలడు. భూమిపైనున్న మట్టి అంతా వెండి గాను, భూమి అంతా స్వచ్ఛమైన బంగారముగాను మారడాన్ని అతడు ఊహించ గలడు. కళ్ళకు కనిపించని గాలి ముత్యాలహారాలుగాను, ఆకాశంలో కనిపించే ప్రతి చిన్న తారా ఒక పెద్ద సూర్యునిగాను, సూర్యుడు ఇప్పుడున్న పరిమాణంకన్నా వెయ్యిరెట్లు పెద్దదిగాను అతడు ఊహించగలడు. అయితే, తన అనుచరులకోసం సర్వాధికారియగు దేవుడు సిద్ధపరచిన వాటిని మానవుడు ఏమాత్రం ఊహించ లేడు (1 కొరింథీ 2:9).

ఏలీయా : మేము ఈ పరలోక మహిమలో అనుభవించే అద్భుతమైన ఆనందాన్ని నీవు స్పష్టంగా గ్రహించేందుకుగాను దేవునిచే ఆశీర్వదించబడిన ఆత్మలు వేటినుండి విడిపించబడ్డారో నేను నీకు క్లుప్తంగా తెలుపుతాను. ఆ ఆనందాన్ని గురించి నేను నీకు సవివరంగా తెలపాలంటే యుగాలు పడుతుంది. అయితే, నీవు ఆ ఆనందాన్ని గురించి సరైనవిధంగా గ్రహించునట్లుగా భూమిమీద నీవు చూసిన వాటితో పరలోకంలో ఉన్నవాటిని పోల్చుతూ నేను నీకు వివరిస్తాను.

దయనీయమైన పాపపు స్థితినుండి విడిపించబడ్డారు

దేవునిచే ఆశీర్వదించబడిన ఆయన ప్రజలు మొట్టమొదట దౌర్భాగ్యకరమైన స్థితి అంతటినుండి విడిపించబడ్డారు. ఆ స్థితిలో అత్యంత ప్రాముఖ్యమైనది పాపపుస్థితి. ఇదియే మానవుణ్ణి అత్యంత దయనీయమైన స్థితిలోనికి నెట్టి వేస్తుంది. ప్రారంభంలో దేవుడు సమస్తాన్నీ సంతోషకరమైన విధంగా సృజించాడు.

పాపము గనుక అందమైన ఆ పరలోక సంతోషాన్ని హరించివేయక ఉండినట్ల యితే, మానవుడుగాని దేవదూతలుగాని దుఃఖమంటే ఏంటో ఎరిగివుండేవారు కారు. అయితే, తిరుగుబాటుచేసిన దేవదూతలను కేవలం వారి పాపమే నరకము లోనికి పడద్రోసి, సృష్టి అందాన్ని సర్వనాశనం చేసింది. ఆ తర్వాత మానవుడు చేసిన పాపము వాని ఆత్మలోని దేవుని స్వరూపాన్ని చెరిపివేసి సృష్టికి రాజుగా నుండిన అతణ్ణి తన స్వంత ఆశలకు బానిసగా చేసింది. ఆ విధంగా అతడు ఇక ఏమాత్రం విమోచింపబడుటకు వీలులేని నిత్యనాశన సముద్రంలోకి తన్నుతాను త్రోసివేసుకొన్నాడు.

పాప శరీరములోనున్న పరిశుద్దులు తమ శరీరములను విడిచిన వెంటనే, పంజరముల నుండి విడుదలనొందిన పక్షులవలె వారు స్వేచ్ఛనొంది విహరిస్తారు.

ఈ సంతోషకరమైన స్థలంలోనున్న ప్రతి ఒక్కరినీ విడిపించింది విలువ కట్టలేని దేవుని కృపయే. విమోచించు యేసు రక్తముద్వారా వారు పాపంనుండి శాశ్వతంగా విడిపించబడ్డారు. ఆయనకు ఘనత మహిమా ప్రభావములు నిరంతరం కలుగునుగాక!

భూమిమీద అతి పరిశుద్ధమైన ఆత్మలు కూడ పాపభారముచే మూల్గుచున్నాయి. వారు చేసే ప్రతి పనిలో పాపం వారిని వెంటాడుతూ ఉంటుంది. అనేకసార్లు వారు తమ స్వంత పరిశుద్దులు తమ శరీరములను విడిచిన వెంటనే, పంజరములనుండి విడుదలనొందిన పక్షులవలె వారు స్వేచ్ఛనొంది విహరిస్తారు.

చిత్తమునకు బానిసలవుతుంటారు. “అయ్యో, నేనెంత దౌర్భాగ్యుడను? ఇట్టి మరణమునకు లోనగు శరీరమునుండి నన్నెవడు విడిపించును?” (రోమా 7:24) అనునది ప్రభువైన యేసుకు అత్యంత ప్రియముగానున్న అనేకులగు దేవుని పిల్లల ఆర్తనాదంగా ఉంది. పాపశరీరములో నున్న పరిశు దులకు పాపము అనునది గొప్ప అవరోధముగా ఉన్నది.

భూమిమీద ఒక ప్పుడు తమతో పోరాడుతూ వచ్చిన పాపము ఇప్పుడు తమ్మును వెంటాడక పోవుటనుబట్టి వారు శాశ్వతంగా పాపమునుండి విడుదల పొందినవారై, విజయోత్సాహంతో పైపైకి ఎగురుతూ ఈ ఆనందకరమైన స్థలానికి వారు ఇక్కడ వారి ఆత్మలు పాపరహితమైనవై “కళంకమైనను ముడతయైనను” లేనివిగా యేసుక్రీస్తు ద్వారా నిత్యుడగు తండ్రికి ప్రత్యక్షపరచబడతాయి.

పాపపు శోధనలనుండి విడిపించబడ్డారు

ఏలీయా : రెండవదిగా, ఆశీర్వాదకరమైన వారి ఆత్మలు పాపమునుండి ఎలా విడిపించబడ్డాయో అలానే వారు పాపపు అవకాశములనుండికూడా విడిపించబడ్డారు. ఇది వారి సంతోషాన్ని మరింత అధికం చేస్తుంది. ఆదాము పరదైసులో ఉన్నప్పుడు, తాను నిష్కళంకుడననీ పాపమునుండి పూర్తిగా విడి పించబడ్డాననీ తలంచాడు. అయితే, అతడు పాపపు శోధననుండి విడిపించ బడలేదు. అది అతనికి ఒక గొప్ప దుఃఖకరమైన విషయం. సాతానుడు అతనిని శోధించేందుకు పరదైసుకు వచ్చినప్పుడు అతడు పూర్తిగా సాతానుని శోధనలకు లొంగిపోయాడు. నిషేధింపబడిన ఫలాన్ని అతడు భుజించి పాపంలో పడిపోయాడు. అతడు అలా పాపంలో పడిపోవుటద్వారా అతని మానవ స్వభావము పూర్తిగా అవినీతిమయమైంది.

ఏ పాపమూ ఏ వ్యక్తినీ ఏ పాపమూ ఇక్కడ ప్రవేశించలేదు. పరిశుద్ధతకు మాత్రమే ఇక్కడ చోటుంది. దురాత్మల శోధనలకు ఇక్కడ ఏమాత్రం చోటులేదు.

కుళ్ళులాంటి పాపము మానవుని స్వభావంలో ప్రవేశించి మానవాళి నంతటినీ చెరిపివేసింది. ఆ పాపస్వభావము పదేపదే శోధకుడైన సాతానుని శోధనలద్వారా శోధించబడుతూ పదేపదే పాపం చేస్తోంది. అయితే, ఇక్కడ ప్రతి ఆత్మా దానినుండి పూర్తిగా విడుదలనొందింది. ఏ పాపమూ ఏ వ్యక్తినీ ఇక్కడ ముట్టలేదు.

ఏ పాపమూ ఇక్కడ ప్రవేశించలేదు. పరిశుద్ధతకు మాత్రమే ఇక్కడ చోటుంది. దురాత్మల శోధనలకు ఇక్కడ ఏ మాత్రం చోటులేదు. భూమిమీద “గర్జించు సింహము”గానున్న సాతానుడు, “ఎవరిని మ్రింగుదునా అని” అటూ ఇటూ తిరిగే శోధకుడు (1 పేతురు 5:8), ఇక్కడ ఏమాత్రం ఇక్కడ ముట్టలేదు.

ప్రవేశింపలేడు. వాడు త్వరలో నిత్యసంకెళ్ళచే బంధించబడి నరకపు నిత్యాగ్నిలో పడద్రోయబడేందుకు సిద్ధంగా ఉన్నాడు.

అంతేగాక, తమ “విశ్వాసము మరియు ఓర్పు”ల (హెబ్రీ. 6:12) ద్వారా ఇక్కడకు చేరుకొన్నవారిపై మానవుని పతనంద్వారా తన సౌందర్యాన్ని కోల్పోయిన భూమియొక్క శూన్యత మరియు వ్యర్థతలు ఏమాత్రం ప్రభావము చూపలేవు.

క్రిందున్న లోకంలోని పరిశుద్ధులు నిరంతరం శోధనలూ మరియు పరీక్షలతో వేధించబడుతూ తీవ్రమైన సంఘర్షణను అనుభవిస్తుంటారు. అయితే పరలోక మహిమలోనికి ప్రవేశించిన మేము పాపపు శోధనలన్నిటినుండి విడిపించ బడ్డాము. మమ్మల్ని అమితంగా శోధించిన ప్రాపంచిక ఆకర్షణలన్నిటినుండీ మేము విజయాన్ని పొందాము.

జయకరమైన యేసు రక్తంద్వారా మేము వాటన్నిటిపై విజయాన్ని సాధించాము (ప్రకటన 7:9). ఇక్కడ మా శాంతిని దొంగిలించేది ఏదీలేదు. మేము పాపమునుండియు శోధనలనుండియు విడిపించబడినందున మా శాంతిని ఇక్కడ ఏదియు దొంగిలించలేదు.

పాపపు ప్రభావము నుండి విడిపించబడ్డారు

ఏలీయా : మూడవదిగా, ఏమాత్రం భరించలేని నిత్యనరకాగ్నికి వారసులుగా నిర్ధారించబడి నిత్యనాశనానికై ఎదురుచూస్తూ నిరంతరం మూల్గుచున్న అభాగ్యులు లోనైన పాపపు ప్రభావమంతటినుండి ఇక్కడ మేము పూర్తిగా విడిపించబడ్డాము. ఆ పాపపు ప్రభావమే క్రిందున్న లోకాన్ని పూర్తిగా ప్రభావితంచేసి దానిని ఏలుతోంది. మరణము అనునది కేవలం పరలోకపు సర్వోన్నతునిచే ఇవ్వబడిన పాపపు జీతము ( రోమా 6:23). పాపము, మరణము, నరకము అనునవి ప్రస్తుతము మేము అనుభవిస్తున్న పరలోక మహిమనుండి శాశ్వతంగా బహిష్కరించ బడ్డాయి. క్రీస్తుయేసు తన మరణముద్వారా మరణాన్నీ, మరణముపై అధికారము కలిగిన సాతానునీ జయించాడు (హెబ్రీ. 2:14).

క్రీస్తుయేసు తన మరణముద్వారా మరణాన్నీ, మరణముపై అధికారము కలిగిన సాతానునీ జయించాడు. పాపము, మరణము, నరకములపై ఆయన విజయము పొందాడు.

పాపము, మరణము, నరకములపై ఆయన విజయము పొందాడు. అందుకే ఆయన నిత్యత్వపు విజయస్తుతి గీతాలు తన నామమునకు ఆలపించబడుటకు శాశ్వతంగా అర్హుడు.

ఆశీర్వదించబడిన పరలోక ప్రజలు

అనుభవించి,ఆనందించునవి

ఏలీయా : ఈ ఆశీర్వాదకరమైన స్థితిలోనున్న మేము వీటన్నిటినుండి విడిపించబడ్డాము. అయితే, ఇలా ఐహిక శ్రమలన్నిటినుండి విడిపించబడుట అనే ఆనందము పరలోక మహిమలోగల ఆనందములన్నింటిలోకెల్ల చాల చిన్నది. ఇక్కడ పరలోక మహిమలో మేమనుభవించు సంతోషాలు అనుకూలమైనవి మరియు వ్యక్తిగతమైనవి. నీవు గ్రహించగలిగేకొద్దీ నేను వాటిని నీకు వివరిస్తాను.

దేవుని ముఖాముఖిగా చూచుట

ఏలీయా : ఇక్కడ మేము మా ఆనందమంతటికీ మూలమైన ఒక అందమైన స్వప్నాన్నీ ఆశీర్వాదకరమైన ఊటనూ అనుభవిస్తున్నాము. అవధులులేని ఈ ఆనందాన్ని అనిత్యులగు మానవులు తమ పరిమితమైన జ్ఞానంతో ఏమాత్రం గ్రహించలేరు. ఈ పరలోక ఆనందం మా గ్రాహ్యశక్తిని నిరంతరం ప్రభావితంచేసి వెలిగిస్తూ, మా హృదయాలను “చెప్పనశక్యమును మహిమాయుక్తమునైన సంతోషము”తో (1 పేతురు 1:8) నింపుతుంది. ఆయన ప్రేమ నిత్యత్వమంతటిలో తరిగిపోనిదిగా ఉంటుంది. అది శాశ్వతంగా నిత్యత్వంలో నిలిచియుండునది.

ఆ ప్రేమను సృజించిన సృష్టికర్త తానే మాలో ప్రతిఒక్కరికీ ఆ ప్రేమను వ్యక్తిగతంగా పంచి పెడతాడు. ఆయన దైవిక ప్రసన్నత మరియు మంచితనం ఇక్కడ మా జీవములకు జీవ మును, మా ఆత్మలకు ఆత్మయు, మా పర లోకమునకు పరలోకమునైయున్నది. ఆ ప్రేమే మమ్ములను ఇక్కడ జీవింపజేస్తూ, ఆయనను ప్రేమించేందుకు పురికొల్పుతూ, ఆయనకు స్తుతిగానాలను ఆలపించేందుకు నిరంతరం ప్రేరేపిస్తూ ఉంది. అంతేగాక, అది మా ఆత్మలను ఆశీర్వాదకరమైన ఆయన సారూప్యంలోనికి మార్చివేస్తోంది.

దేవుని ప్రసన్నత మరియు మంచితనం ఇక్కడ మా జీవములకు జీవమును, మా ఆత్మలకు ఆత్మయు, మా పరలోకమునకు పరలోకమునైయున్నది.

క్రిందవున్న పరిశుద్ధులు ఆశీర్వాదకరమైన ఈ దేశమువైపుకు పయనిస్తున్న సమయంలో ఆయన “నిత్యముగనుండు బాహువులచే” (ద్వితీ. 33:27) బలపరచబడి నడిపించబడుతుంటారు. దాని ద్వారానే వారు కృపనుండి కృపకు దాటిపోతుంటారు. అయితే, నిత్యసంతోషంలోనికి క్షేమంగా చేరుకొన్న మేము “ముసుగులేని ముఖముతో ప్రభువుయొక్క మహిమను అద్దమువలె ప్రతిఫలింపజేయుచు, మహిమనుండి అధిక మహిమను పొందుచు, ప్రభువగు ఆత్మచేత ఆ పోలికగానే మార్చబడుచున్నాము” (2 కొరింథీ.3:18).

అయితే, విషయాలను నీ గ్రాహ్యానికి దగ్గరగా తీసుకొచ్చేందుకు, ఈ విషయాన్ని నీకు మరింత విపులంగా వివరించాలని నేను ఆశిస్తున్నాను. నిరంతరం దేవుని ముఖకాంతివైపు మేము చూచుటద్వారా, ఆయన ప్రేమలో నిజమైన పాలుపొందుతూ అందులో ఆనందిస్తాము. ఆయన చిరునవ్వు మా క్రింది లోకంలో ఉన్న పరిశుద్దులు ఆయన ఆజ్ఞలను ఆయన కట్టడలను అనుభవించుటద్వారా వాస్తవముగా ఆయనను అనుభవిస్తున్నప్పటికీ, ఇక్కడ మేము ఆయనను ముఖాముఖిగా అనుభవిస్తుంటాము.

ఆత్మలను సంతోషభరితుల్ని చేస్తుంది. ఆయన మంచితనాన్నీ ఆయన ప్రేమనూ ఆయన దయనూ మేము నిరంతరం అనుభవించి ఆనందిస్తుంటాము. ఎందుకనగా, ఆయన దయ మా జీవమైయున్నది (కీర్తనలు 30:5). అంతేగాక, ఆశీర్వాదకరమైన ఆయన ముఖ దర్శనముద్వారా మేము క్రిందున్నవారికంటే ఎక్కువగా తెలుసుకొనగలము. ఎందుకనగా, ఆయనను మేము నిరంతరం దృష్టించుట అనునది మా గ్రాహ్యశక్తిని అధికంచేసి, ఆయన “మహిమను గూర్చిన జ్ఞానము యేసు క్రీస్తునందు వెల్లడిపరచు టకు మా హృదయములలో ప్రకాశించెను” (2 కొరింథీ. 4:6).

దైవిక అధికారాన్నీ ఆధిపత్యాన్నీ గ్రహించుట అసాధ్యమైనప్పటికీ, ఇక్కడ మేము ఆయన స్వభావాన్నీ ఆయన దైవిక లక్షణములనూ పరిపూర్ణంగా గ్రహించగలము. ఎందు కనగా సర్వోన్నతుడైన దేవుని పరిపూర్ణతను ఎవరు తెలిసికొనగలరు?

దేవునితో సహవాసము

ఏలీయా : ఇక్కడ మేము ఆయనను ముఖాముఖిగా చూచుట మాత్రమేగాక, ఆయనను వాస్తవంగా అనుభవించగలము. తద్వారా మేము ఆయనలో ఐక్య పరచబడి ఆయనలో మేము, మాలో ఆయన నివసిస్తూ (1 యోహాను 4:13), ఆయన “దేవ స్వభావమునందు పాలివారము” గా (2 పేతురు 1:4) ఉంటాము. ఆ స్వభావము మాలో అత్యధిక ప్రకాశముతో వెలుగొందుతూ ఉంటుంది. క్రింది లోకంలో ఉన్న పరిశుద్ధులు ఆయన ఆజ్ఞలను ఆయన కట్టడలను

అనుభవించుటద్వారా వాస్తవముగా ఆయనను అనుభవిస్తున్నప్పటికీ, ఇక్కడ మేము ఆయనను ముఖాముఖిగా అనుభవిస్తుంటాము. క్రింది లోకంలో ఉన్న పరిశుద్ధులు ఆయనను పాక్షికంగా అనుభవిస్తుంటారు. కాని, ఇక్కడ మేమైతే ఆయనను కొలవలేని విధంగా అనుభవించి ఆయనలో ఆనందిస్తుంటాము.

అక్కడ వారు ఆయన మంచితనాన్ని కొంతవరకే రుచిచూస్తుంటారు. కాని, ఇక్కడ మేము ఆయన మంచితనాన్ని సమృద్ధిగా రుచిచూస్తుంటాము. ఇక్కడ మేము ఆనంద సాగరంలో మునిగితేలుతుంటాము. క్రింద ఉన్న పరిశుద్ధులు ఆయనలోని ఆనందాన్ని కొంతవరకే అనుభవిస్తూ ఉంటారు. వారికి దేవునితోటి తమ సహవాసం అనేకసార్లు తెగిపోతూ ఉంటుంది. అయితే, ఇక్కడ మేము ఆయనతో ఆటంకపరచబడని విధంగా నిరంతర సంబంధబాంధవ్యాలను కలిగి ఉంటాము.

దేవుని కృపావరముల పరిపూర్ణత

ఏలీయా : ఇక్కడ మేము ఆయన కృపను పరిపూర్ణంగా అనుభవిస్తుంటాము. అయితే, క్రిందవున్న ప్రపంచంలోని పరిశుద్ధులు ఆయన కృపను కొంతవరకే అనుభవిస్తుంటారు. ఇక్కడ మేము పరిపూర్ణమైనవాటినే అనుభవిస్తాము. అసంపూర్ణమైనవి విడిచిపెట్టబడతాయి (1 కొరింథీ 13:9,10). క్రింది లోకంలో “దండనతో కూడినది “. ప్రేమ భయముతో మిళితమై ఉంటుంది. ఆ భయము అయితే ఇక్కడ ప్రేమ పరిపూర్ణమైనదిగా క్రింద ఉన్న పరిశుద్ధులకు ఉంటుంది. ఆ “పరిపూర్ణ ప్రేమ భయ మును వెళ్ళగొట్టును” (1 యోహాను 4:18).

ఇక్కడ మేము దేవుని మాకంటే ఎక్కువగా ప్రేమిస్తాము. ఇతరులనుకూడ మాకంటే ఎక్కు వగా మేము ప్రేమిస్తాము. ఇక్కడ మేమంద రము ఒక్క తండ్రి పిల్లలముగాను, ఒకరికి ఒకరము అత్యంత ప్రియమైనవారముగాను ఎంచుకొంటాము. క్రింది లోకంలో ప్రేమ అనేక దేవునితోటి తమ సహవాసం అనేకసార్లు తెగిపోతూ ఉంటుంది.

అయితే, ఇక్కడ మేము ఆయనతో ఆటంకపరచ బడని విధంగా నిరంతర సంబంధబాంధవ్యాలను కలిగి ఉంటాము. విధాలుగా విభజించబడి అనేక మార్గాలలో పయనిస్తూ ఉంటుంది. అయితే, ప్రేమా ఊట అయిన సర్వోన్నతుడగు దేవునిపై మాత్రమే మా ప్రేమ కేంద్రీక రించబడి ఉంటుంది.

ఆయన సామర్థ్యమును మేము తెలిసికొనునట్లుగా మా ప్రియ ప్రభువు ఇక్కడ మా సామర్థ్యమును అధికంచేశాడు.మా ఊహలకు మించిన జ్ఞానాన్ని ఆయన మాకు దయచేశాడు.

అదేవిధంగా, క్రింద ఉన్న లోకంలోని పరిశుద్ధుల జ్ఞానము అసంపూర్ణమైనది. పగిలిపోయిన అద్దంలోనుండి చూచినట్టుగా ఆక్కడ ఉన్న పరిశుద్ధులు దేవుని దృష్టిస్తారు. అయితే, ఇక్కడ ఆయనను మేము ముఖాముఖిగా ఉన్నట్టుగానే చూస్తాము. కావున మేము ఆయనను సంపూర్ణముగా యెరుగుదుము (1 కొరింథీ. 13:12).

ఇక్కడ మా ఆనందము సంపూర్ణమైనది. అయితే క్రింది లోకంలోనున్న పరిశుద్ధుల ఆనందము దుఃఖము మరియు నిట్టూర్పులచే ఆటంకపరచబడుతూ ఉంటుంది. ఎందుకనగా, ఎక్కడ పాపముంటుందో అక్కడ దుఃఖముంటుంది. అయితే, ఇక్కడ దుఃఖమునకు కారణమైన పాపము నిషేధించబడినందున, పాపఫలితమైన దుఃఖము అంతము చేయబడింది. వాస్తవానికి, మేము భూమిపై నున్నప్పుడు మా విమోచకుని ఆశీర్వాదకరమైన ప్రసన్నతలో మేము అనుభవించిన దుఃఖము నకు ప్రతిగా ఇక్కడ మా ఆనందము అధికము చేయబడింది.

పరిమితిలేని సామర్ధ్యము

ఏలీయా : ఇక్కడ మా సామర్థ్యము అధికం చేయబడింది. అయితే, మేము క్రింది ప్రపంచంలో ఉన్నప్పుడు, జ్ఞానేంద్రియాలద్వారా తప్ప మా మనస్సుల్లోకి ఎలాంటి వెలుగూ ప్రసరించబడేదికాదు. అయితే, ఆయన సామర్థ్యమును మేము తెలిసికొను నట్లుగా మా ప్రియ ప్రభువు ఇక్కడ మా సామర్థ్యమును అధికంచేశాడు. మా ఊహలకు మించిన జ్ఞానాన్ని ఆయన మాకు దయచేశాడు. ఆయన దైవిక ప్రత్యక్షత ఇక్కడ మాకు మరింత మహిమకరంగా బయలుపరచబడింది. అంతేగాక, మా మనస్సులు భూసంబంధమైన తలంపులనుండి సంపూర్ణంగా విడిపించబడ్డాయి.

స్పష్టమైన దర్శనం

ఏలీయా : క్రింది లోకంలో దేవుని గురించిన గ్రహింపు చాల సంకుచితమైనది మరియు అసంపూర్ణమైనది. అయితే ఇక్కడ, చెత్త అంతటి నుండి బంగారము వేరుచేయబడింది. ఇక్కడ మన గ్రహింపు సరైనదిగాను, దేవుని స్వచ్ఛతను సరైనవిధంగా గ్రహించేదిగాను చేయబడింది. క్రింది లోకంలో మహిమయొక్క ఉద్దేశములు కేవలం జ్ఞానేంద్రియాలపై ఆధారపడి ఉంటాయి. అయితే, ఇక్కడ దైవిక వెలుగు కిరణాలు నేరుగా మాలోకి ప్రసరించబడుతున్నందున, మా జ్ఞానేంద్రి యాలు పూర్తిగా మెరుగుదిద్దబడ్డాయి గనుక మహిమా ఉద్దేశములను మేము నేరుగా గ్రహించగలము. ఇక్కడ శరీరానికి సంబంధించిన తెరలు తొలగించబడి నందున, ఆత్మ దేవునియొక్క స్పష్టమైన దర్శనాన్ని అనుభవిస్తూ ఉంటుంది.

దేవుడు నిత్యత్వంనుండి ఉనికిలో ఉన్నట్టుగా ఇక్కడ మేము స్పష్టంగా చూస్తున్నాము.

ఇప్పుడు మాలో దేవుని మహిమకరమైన స్వభావము కొనసాగుతుంది. దేవుడు నిత్యత్వంనుండి ఉనికిలో ఉన్నట్టుగా ఇక్కడ మేము స్పష్టంగా చూస్తున్నాము. దైవ త్వము సంఖ్యాపరంగా విభజించబడనట్లునూ, దైవత్వముయొక్క ఐక్యత ఎక్కడా గలిబిలి చెంద నట్లునూ, త్రిత్వములోని వ్యక్తులలో ప్రాముఖ్య తలు గాని విబేధాలుగాని కొద్దిగొప్పలన్న తలంపులుగాని లేవు. వారందరిలో ఒకే దైవత్వం నిలిచి కొనసాగుతోంది.

దేవుని మార్గాలు మాకు అర్థమయినంతగా క్రింద ఉన్న వారికి అర్థంకావు. ఇక్కడ మేము దైవిక జ్ఞానమును కలిగియున్నందున సత్యమును స్పష్టంగా గ్రహించగలుగుతున్నాము. ఇవన్నీ మా ఆనందాన్ని మరింత అధికంచేస్తున్నాయి.

ఆత్మీయ దేహముయొక్క లక్షణములు

ఏలీయా : ఈ విషయాలన్నీ మా ఆత్మకు సంబంధించినవి. అయిన్పటికీ, ఇక్కడున్న వ్యక్తుల శరీరాలు తిరిగిలేచి వారి ఆత్మలతో ఐక్యపరచబడనంతవరకు వారి సంతోషము పరిపూర్ణముకాదు. దేవుని ఉదారత్వమునుబట్టి హనోకు మరియు నేను ఈ విషయంలో ఒక ప్రత్యేకమైన ఆధిక్యతను పొందియున్నాము. మేము ఇరువురము ఇప్పుడు మునుపటి మరియు రానైయున్న దేహములను కలిగినవారమై, దైవకుమారుని యొక్కయు పరిశుద్ధుల యొక్కయు పునరుత్థాన మును ముందుగానే పొందిన ఆధిక్యతను కలిగియున్నాము.

వాస్తవానికి మెస్సీయా మాత్రమే మరణమును గెలిచి సజీవుడుగా తిరిగిలేచాడు. పునరుత్థానము చెందు ఆత్మలలో ఆయన ప్రథమఫలమైయున్నాడు. నేనును హనోకును ఆయన పునరుత్థానమునకు సమానమైన మార్పును పొందినప్పటికీ, మా శరీరములు మరణమును రుచిచూడలేదు. కావున, పునరుత్థానస్థితి అనగానేమో సరైన విధంగా నిర్వచించుట కష్టము. ఆయన సంపూర్ణతను పునరుత్థానమునొందు ప్రతిఒక్కరూ అనుభవించవలెను.

మావి ఆత్మీయ దేహములయినప్పటికీ, ఆయన సంపూర్ణతను నేనుగాని హనోకుగాని అనుభవించలేదు. పునరుత్థానమునొందిన శరీరములయొక్క లక్షణములను నేను నీకు ఇప్పుడు వివరిస్తాను.

అవి ఆత్మీయమైనవి కాని వాస్తవమైనవి

ఏలీయా : పునరుత్థానము తర్వాత, నా శరీరములాగా ఆశీర్వదించబడిన శరీరములన్నియు ఆత్మీయ శరీరములే. నీవు నన్ను చూడటం మాత్రమేకాదుగాని, నన్ను స్పర్శించగలుగుతున్నావు కూడా. (అలా అని ప్రవక్త తన చేతిని నావైపు చాచాడు). ఆత్మీయ శరీరమనగానేమో ఇప్పుడు నీవు సరిగ్గా గ్రహించి ఉంటావని నేను భావిస్తున్నాను. ప్రతివిధమైన పాపస్వభా వమునుండి ప్రత్యేకించబడి పవిత్రపరచబడిన శరీరమే ఆత్మీయ శరీరము. ఆత్మీయ శరీరము అయినప్పటికీ అది సహజసిద్ధమైన వాస్తవ శరీరమువలెనే ఉంటుంది. ఇంకను స్పష్టంగా గ్రహించేందుకు భూమిమీద ఉన్నవారు ఊహించి నట్లుగా దానిని గాలి మరియు వాయువుల మిశ్రమంగా మనము చెప్పుకొనవచ్చును.

పునరుత్థానము తర్వాత, నా శరీరములాగా ఆశీర్వ దించబడిన శరీరము అన్నియు ఆత్మీయ శరీరములే. నీవు నన్ను చూడటం మాత్రమేకాదు గాని, నన్ను స్పర్శించ గలుగుతున్నావు కూడా.

ఈ సమయంలో నా విషయంలో కొంత ఓర్చుకొనమని నేను ఆ పరిశుద్ధు డగు ప్రవక్తకు విన్నవిస్తూ, ఆత్మీయమైనవి శరీర సంబంధమైనవాటికి భిన్నమైన విగా ఉంటాయనీ, ఆత్మీయశరీరం ఒక పదార్థమువలె ఉండదనీ నేను తలం చుచూ వచ్చానని నేను ఆతనితో అన్నాను.

అప్పుడు ఆ ప్రవక్త నాతో, ఆత్మీయ శరీర ములు కేవలం ఆత్మీయమైనవనీ, అవి ప్రతివిధ మైన పాపమునుండి పవిత్రపరచబడి ఉంటా యనీ, అవి భూమిమీద ఉన్న శరీరములు ఆధారపడినరీతిగా ఆహారము, నీరు, నిద్ర, బట్టలు మొదలగు వాటిపై ఆధారపడక కేవలం దేవుని ఆనందముపైననే ఆధారపడివుంటా యనీ నాతో అన్నాడు.

ఆత్మీయ శరీరములు భూమిమీద ఉన్న శరీర ములు ఆధారపడినరీతిగా ఆహారము, నీరు, నిద్ర, బట్టలు మొదలగువాటిపై ఆధారపడక కేవలం దేవుని ఆనందముపైననే ఆధారపడివుంటాయి.

ఏలీయా : ప్రభువైన యేసు తాను పునరుత్థానుడైన తరువాత తన శిష్యులు ఒక గదిలో కూడుకొనివున్నప్పుడు అక్కడ తలుపు మూసియుండినప్పటికీ ఆయన లోనికి ప్రవేశించిన సంగతి నీకు తెలుసుగదా? దీనినిబట్టి పునరుత్థానమైన శరీరము ఒక వస్తురూపంలో ఉండదని మనకు తెలుస్తోంది. అయినప్పటికీ, తన శరీరమును స్పర్శించి చూడమని ఆయన తోమాను ఆహ్వానించినట్టుగా మనకు తెలుసు. కావున ఆత్మీయ శరీరములు ఒక వస్తువులాంటి ఘనపరిమాణ మును కలిగి ఉంటాయని మనకు స్పష్టంగా అర్థమవుతుంది. పునరుత్థానము చెందిన మా శరీరములు ఈ రెండు స్వభావములచే శాశ్వతంగా ఆశీర్వదించబడి ఉంటాయి.

అవి నిత్యమైనవి

ఏలీయా : పునరుత్థానము నొందిన మా శరీరములు శాశ్వతమైనవి, నిత్యమూ జీవించునవి, ఎన్నడూ మరణించనివి. క్రింది లోకంలో ఉన్న జనుల శరీరములన్నీ అనిత్యమైనవి, మరణించి నాశనమయ్యేవి, శాశ్వతంగా మట్టిలో కలిసిపోయేం దుకు సిద్ధంగా ఉండేవి. అయితే, ఇక్కడ మా శరీరములు ఎన్నడూ పాడుకానివి మరియు మరణమునుండి శాశ్వతంగా విడిపించబడినవి. “మర్త్యమైనది జీవముచేత మ్రింగివేయబడునట్లు” మర్త్యమగు మా శరీరములు అమర్త్యతను ధరించుకొన్నాయి. (2 కొరింథీ. 5:4).

ఈ సమయంలో నేను నా విషయంలో కాస్త ఓర్చుకొనుమనీ, నాకున్న మరికొన్ని సందేహాలను నివృత్తి చేయమనీ ఆ ప్రవక్తకు తిరిగి విన్నవించాను.

ఏలీయా : నీకున్న సందేహాలేంటో తెలుపు. నేను వాటిని నివృత్తి చేసేందుకు ప్రయత్నిస్తాను.

దేవుడు మాత్రమే అమర్త్యుడని నీవు లేఖనాలలో చదివిన విషయానికొస్తే అది ముమ్మాటికీ వాస్తవం. సృజించబడినది ఏదైనను, దేవదూతలైనను మానవు లైనను ఆ స్థితిని కలిగియుండలేదు.

ఎపెనెటస్ : అమరత్వమనేది కేవలం దేవునికి మాత్రమే చెందినదనీ, అది మానవులకు చెందినదికాదనీ నేను లేఖనాల్లో చదివాను. ప్రత్యేకించి మానవ శరీరములకు సంబంధించి, అమరత్వమనేది వాటికి సంబంధించినది ఏమాత్రం కాదని నేను చదివాను. కావున, దేవుడు మాత్రమే అమరత్వ మును కలిగియున్నాడని అపొస్తలుడైన పౌలు తిమోతికి తెలిపాడు (1 తిమోతి 6:16).

ఏలీయా : ఆశీర్వదింపబడిన పరిశుద్ధుల శరీరములు అమర్త్యమైనవని నేను ఇక్కడ చెబుతున్నప్పుడు, తిరిగిలేచిన శరీరములను గురించి నేను చెబుతున్నాను. అవి తిరిగి లేచాక, మరణమునకు తిరిగి ఏమాత్రము గురికావు. పాపపుస్థితిలో నున్న మానవుడు మర్త్యుడు మరియు మరణమునకు పాత్రుడు. క్రింది లోకంలో ఉన్న జనులందరి విషయంలో ఇది వాస్తవము.

శిష్యులు ఒక గదిలో కూడుకొనివున్నప్పుడు అక్కడ తలుపు మూసియుండినప్పటికీ మన ప్రభువు లోనికి ప్రవేశించిన సంగతి నీకు తెలుసుగదా? దీనినిబట్టి పునరుత్థానమైన శరీరము ఒక వస్తురూపంలో ఉండదని మనకు తెలుస్తోంది. అయినప్పటికీ, తన శరీరమును స్పర్శించి చూడమని ఆయన తోమాను
ఆహ్వానించినట్టుగా మనకు తెలుసు.

ఈ సమయంలో ఇక్కడ మహిమపరచబడిన ఆత్మల శరీరములుకూడ మరణముయొక్క శక్తి క్రింద ఉంచబడియున్నవి. అయితే, పునరుత్థాన స్థితిలో అవి తిరిగిలేచినప్పుడు, అవి అమర్త్యతను ధరించుకొంటాయి. ఇక దేవుడు మాత్రమే అమర్త్యుడని నీవు లేఖనాలలో చదివిన విషయానికొస్తే అది ముమ్మాటికీ వాస్తవం. సృజించబడినది ఏదై నను, దేవదూతలైనను మానవులైనను ఆ స్థితిని కలిగియుండలేదు. అయితే, మేము దేవుని కృపాకనికరములనుబట్టి అమర్త్యుల మయ్యాము.

అయితే, దేవుడు స్వతహాగా తన స్వభావమునుబట్టి తత్వమంతటిలో అమర్త్యుడు. ఆ విధంగా చూచినట్లయితే, ఆయన మాత్రమే అమర్త్యతను ధరించుకొన్న వాడు. కావున లేఖనములద్వారా నీవు గ్రహిం చిన సంగతి వాస్తవమైనదే. ఆయనను గురించి మనము ఇంకను చెప్పుకొనవలెనంటే, ఆయన మాత్రమే పరిశుద్ధుడు మరియు ఆయన మాత్రమే “మంచివాడు” (మత్తయి 19:17).

ఆయన తప్ప నీతిమంతుడుగాని, దయాకనికర ములు గలవాడుగాని వేరొకడులేడు గనుక, ఆయనకు మాత్రమే “యుగయుగములకు……స్తోత్రమును మహిమయు జ్ఞానమును కృతజ్ఞతాస్తుతియు ఘనతయు శక్తియు బలమును కలుగునుగాక” (ప్రకటన 7:12).

అవి పునరుత్థానమునొందినవి

ఎపెనెటస్ : నాకు ఇంకో సందేహం ఉంది. నీవును హనోకును మాత్రమే మీ శరీరములతో ఇక్కడ ఉండేందుకు అనుమతించబడినట్లునూ, మీరు మరణించక  పోయినప్పటికీ మరణమునకు సమానమైన శ్రమానుభవంద్వారా మీరు వెళ్ళారని మీరు అన్నప్పుడు, మరణము శక్తి క్రిందనున్న పరిశుద్ధుల శరీరములు తిరిగి లేస్తాయని మీరు ఎలా చెప్పగలుగుతున్నారు? ఎందుకనగా ఇక్కడున్న ఆత్మలు తమ శరీరములు లేకుండగనే చాల సంతోషంగాను ఆనందంగాను ఉన్నాయని నేను అభిప్రాయపడుట మాత్రమేగాక నా కళ్ళారా చూస్తున్నాను.

వాస్తవానికి వారి శరీరములు తమ సమాధుల్లో నాశనమైపోయి మట్టిలో కలిసిపోయాయి. నేను ఆలోచించే ఒక గొప్ప విషయమేమనగా పరిశుద్ధుడగు మన ప్రియమైన యేసు, మచ్చలేని దేవుని గొఱ్ఱపిల్ల, నిజంగా మరణించి తిరిగి సజీవుడుగా సమాధినుండి తిరిగిలేచి జీవించుచున్నాడు, నిరంతరం జీవిస్తూనే ఉంటాడు.

నా మాటలకు అంతరాయం కలిగిస్తూ ఆ ప్రవక్త నాతో ఇలా అన్నాడు : “ఆయనను విశ్వసించిన ప్రతి ఒక్కరూ ఆయనవలెనే తిరిగి లేస్తారనేందుకు నీకు ఇంతకంటే మరే ఋజువు కావాలి?

ఎపెనెటస్ : ప్రభువైన యేసు శరీరము కుళ్ళుపట్టలేదు. అయితే, మరణించిన మానవునికి ఆత్మతోబాటు శరీరము ఒక అత్యవసరమైన భాగము. అవి రెండును పనిచేసే విధానంలో ఎంతో వ్యత్యాసము ఉన్నప్పటికీ, ఆ రెండింటి ఐక్యత ఎంతో అవసరము. తరువాత, తమ శరీరాలు కుళ్ళుపట్టిన తరువాత, ఆ కుళ్ళుపట్టిన శరీరాలు తిరిగి లేచిన ఉదంతాలు మనకు ఎక్కడా కనిపించవు కదా?

ఏలీయా : అలాంటి ఉదంతాలు ఎక్కడా మనకు కనిపించని విషయం వాస్తవమే అయి నప్పటికీ, ఇప్పుడు ఆత్మ మహిమపరచబడుట అనునది ఎంత వాస్తవంగా జరిగిందో, శరీరం పునరుత్థానము నొందుట అనునదికూడ అంతే వాస్తవంగా జరుగుతుంది. ఎందుకనగా, ప్రభువైన యేసు బహిరంగంగా సిలువవేయబడి మరణించి తిరిగిలేచినందున పునరుత్థానము చెందే పరిశుద్ధులలో ఆయన ప్రథమఫలమై యున్నాడు. (1 కొరింథీ. 15:20-23), సంఘమునకు ఆయన శిరస్సైయున్నాడు (ఎఫెసీ. 1:22) గనుక, తనవలె తిరిగిలేది తనతోకూడ సదాకాలము జీవించబోవు తన శరీర అవయవములు లేకుండా ఆయన ఏమాత్రము పరిపూర్ణుడు కాలేడు. ఆ శరీరము తన మరణనిద్రనుండి మేల్కొల్పబడి నేను చెబుతున్నవిధంగా అమర్త్యమైన మహిమ శరీరంగా మార్చబడుతుంది.

మహా దినములో అందరి యెదుట నీతికిరీటమును మహిమా కిరీటమును బహూకరించబడు సమయంలో ఆత్మయు శరీరమును ఆ గౌరవములో సమానంగా పాలుపొందుతాయి.

మానవునికి ఆత్మతోబాటు శరీరము ఒక అత్యవసరమైన భాగము. అవి రెండును పనిచేసే విధానంలో ఎంతో వ్యత్యాసము ఉన్నప్పటికీ, ఆ రెండింటి ఐక్యత ఎంతో అవసరము. క్రింది లోకంలో ఆత్మయొక్క సలహా మరియు నిర్ణయముల ద్వారానే సత్రియలు రూపొందించబడతాయి. అయితే, అవి శరీరముద్వారా మాత్రమే జరి గించబడతాయి. ప్రతి విధమైన కృపకూడ దృశ్యములగు క్రియలద్వారా వ్యక్తీకరించబడు తుంది. పశ్చాత్తాపపు దుఃఖంలో కన్నీళ్ళు కళ్ళ  ద్వారా సరఫరా చేయబడతాయి.

కృతజ్ఞతార్ప ణలో దేవునికి స్తుతిగానాలు చెల్లించేటప్పుడు నాలుక ముందుంటుంది. క్రింది లోకంలో శరీరంతో ఏకీభవిస్తూ ఆత్మకూడా బాధలనూ సంతోషాలనూ అనుభవిస్తుంది. ఈ రెండును ఇంతటి అవినాభావ సంబంధము కలిగియుండగా దైవిక ప్రేమ ఆ రెండింటినీ విడదీస్తుందని నీవు అనుకొంటున్నావా? వాటిలో ఒకటి పరలోకంలో మహిమపరచబడి ఇంకొకటి మట్టిలో కలిసిపోతుందా? క్రింది లోకంలో ఆ రెండును జననమునుండి ఒకటిగా పరుగెత్తాయి, ఒకే పరుగుపందెంలో పాలుపొందాయి.

కావున, ఆ రెండును ఒకే బహుమానాన్ని అనుభవిస్తాయి. మహా దినములో అందరి యెదుట నీతికిరీటమును (2 తిమోతి 4:8) మహిమా కిరీటమును బహుకరించబడు సమయంలో ఆత్మయు శరీరమును ఆ గౌరవములో సమానంగా పాలుపొందుతాయి. శరీరపునరుత్థానమును గురించిన నీ సందేహము నివృత్తి చేయబడిందని నేను విశ్వసించుచున్నాను.

ఆ విషయంలో ఇక నా సందేహం తీరిందని నేను అతనితో అన్నాను. ఆ తర్వాత, పునరుత్థాన స్థితిలో శరీరము మహిమపరచబడుటను గురించి ఇంకను కొన్ని విషయాలు నాకు తెలుపమని నేను అతనికి విన్నవించాను. అప్పుడు ఆ ప్రవక్త ఆ విషయంపై ఇలా కొనసాగించాడు :

అవి అమర్త్యమైనవి

ఏలీయా : పరిశుద్ధుల శరీరములు అమర్త్యమైనవని నేను ఈపాటికే నీకు చెప్పాను. అయితే, దేవుడు కలిగియున్న అమర్త్యతను మాత్రము అవి పొందలేవు. శరీరము లేకుండా సృజించబడినవి అయిన దేవదూతలు కలిగియున్న అమర్త్యతనుకూడ అవి పొందలేవు. ప్రభువైన యేసు రక్తము ద్వారా కొనబడినవాడుగా మాత్రమే మానవుడు అమర్త్యతను సంపాదించాడు. అంతేగాక, వారి అమర్త్యత శాపముతో కూడినదై, వారికి ఎలాంటి ఆనందాన్నీ ఇవ్వలేనిదిగా ఉంటుంది.

మా అమర్త్యతను పతనమై నరకాగ్నికి లోనైయున్న వారి అమర్త్యతతోకూడ మనము పోల్చలేము. ఎందుకనగా వారు నరకంలో అమర్త్యులుగా ఉన్నప్పటికీ, అమితమైన వేదనను అనుభవిస్తూ ఉంటారు. వారి అమర్త్యత శాపముతో కూడి నదై, వారికి ఎలాంటి ఆనందాన్నీ ఇవ్వలేనిదిగా ఉంటుంది గనుక, వారి అమర్త్యత కేవలం నరకంలో అమర్త్యులుగా ఉన్నప్పటికీ, అమితమైన వేదనను అనుభవిస్తూ ఉంటారు.

వ్యర్థమైనది. అయితే, మేము అనుభవించే అమర్త్యత పరలోక సంతోషముతో కూడినది గనుక, అది మహిమకరమైన అమర్త్యత. ఈ సంతోషాన్ని మేము శాశ్వతకాలం అనుభవిస్తాము.

అవి చొరబడుటకు వీలుకానివి

ఆశీర్వాదకరమైన పునరుత్థాన స్థితిలో పరిశుద్ధుల శరీరాలు అనుభవించు మరొక ఆనందకరమైన సంగతి ఏదనగా, వారి శరీరాలు నిజమైన సౌందర్యాన్ని కలిగివుంటాయి.

ఏలీయా : పరిశుద్ధులు ఇక్కడ అనుభవిస్తోన్న మరొక ఆనందకరమైన విషయమేమనగా, వారి శరీరములు చొరబడుటకు వీలుకానివి. కావున, అవి ఎలాంటి బాధనూ అనుభవించవు. క్రింద ఉన్న పరిశుద్ధుల శరీరములు అనేక సార్లు బాధల కుటీరాల్లాగానో లేదా అనేక వ్యాధులు బలహీనతలతో నిండిన వైద్యశాల ల్లాగానో ఉంటాయి.

ఒకవేళ ఇవేవీ లేనట్ల యితే, మరణంకన్నా భయంకరమైన బాధను అవి అనుభవిస్తూ ఉంటాయి. అనేకసార్లు ఇన్ని బాధలను అనుభవిస్తూ జీవించేకన్నా తాము మరణించడమే మేలని వారు చింతించేంత తీవ్రమైనవిగా క్రింద భూలోకంలో ఉన్న పరిశు ద్ధులు అనుభవించే బాధలు ఉంటాయి. ఎంత మంది పరిశుద్ధులు కీళ్ళనొప్పులతో బాధపడటం లేదు! ఎంతమంది పరిశుద్ధులు మూత్రపిండాల్లోని రాళ్ళతో బాధపడటం లేదు। క్రింది లోకంలో ఆశీర్వాదాలుగా తలంచబడేవన్నీ వారికి ఉన్నప్పటికీ, వారి శరీరంలోని వ్యాధిబాధలు వారిని నిరంతరం వేధిస్తూనే ఉంటాయి.

ఒకవేళ వారు మంచి ఆరోగ్యవంతులుగా ఉంటూ ఎలాంటి వ్యాధిబాధలకూ గురికాకుండా ఉన్నప్పటికీ, ఆకలి దాహం దిగంబరత్వం మున్నగునవి వారిని బాధిస్తూ ఉంటాయి. అవి వారి జీవితాలను అసౌకర్యంగా ఉంచుతాయి. కొన్నిసార్లు పరిశుద్ధులు చెరసాలల్లో వేయబడతారు లేదా, గాలిదూరని రాతి గోడల మధ్యలో వారు ఉంచబడతారు, లేదా సజీవంగా సమాధిచేయబడతారు. క్రిందిలోకంలో వారు మరువబడినవారుగా ఉంటారు. వీటన్నింటినీ గమనించి నప్పుడు, భూమిమీద వారి జీవితం అత్యంత దుర్భరమైనదిగా స్పష్టమౌతోంది.

అయితే, ఇక్కడున్న ఆనందకరమైన ప్రదేశాల్లో, మాపై ఎలాంటి కీడూ దాడిచేయదు. ఇక్కడున్నవారి పరిస్థితి క్రిందున్నవారి పరిస్థితికి పూర్తిగా భిన్నమైనది.

ఇక్కడ ఎలాంటి శాపమూ ప్రవేశించదు. భూమిమీద నేను పేర్కొన్న వ్యాధిబాధలన్నీ కేవలం సాపఫలితాలే. అయితే, ఇక్కడ మా శరీరాలు ఎలాంటి పాపాన్నీ, దుఃఖాన్నీ, బాధనూ అనుభవించవు. దానికి భిన్నంగా, దేవుని కుమారుని కృపద్వారా, ఇక్కడి పరిశుద్ధుల శరీరాలు పునరుత్థాన స్థితిలో మహిమా వెలుగులను పొందినవై ఆనందకరమైన స్థితిలో ఉంటాయి. నేను అనుభవిస్తున్న ఈ స్థితినిబట్టి మహిమ పరచబడిన పరిశుద్ధుల శరీరములు శాశ్వతంగా ఆశీర్వదించబడినవని నేను ప్రకటించగలను.

అవి సౌందర్యమైనవి

ఏలీయా : ఆశీర్వాదకరమైన పునరుత్థాన స్థితిలో పరిశుద్ధుల శరీరాలు అనుభవించు మరొక ఆనందకరమైన సంగతి ఏదనగా, వారి శరీరాలు నిజమైన సౌందర్యాన్ని కలిగివుంటాయి. అది ఇక్కడున్న పరిశుద్ధులకు ఇవ్వబడిన ఆశీర్వాదాలలో తక్కువైన ఆశీర్వాద మేమీ కాదు. ఎందుకనగా, క్రింద ఉన్న పరిశు ద్ధుల శరీరాలు కేవలం వ్యర్థమైనవి, అవి నాశన మగునవి.

ఇక్కడ మా శరీరాలు ఎలాంటి పాపాన్నీ, దుఃఖాన్నీ, బాధనూ అనుభవించవు. దానికి భిన్నంగా, దేవుని కుమారుని కృపద్వారా, ఇక్కడి పరిశుద్ధుల శరీరాలు పునరుత్థాన వెలుగులను పొందినవై స్థితిలో మహిమా ఆనందకరమైన స్థితిలో ఉంటాయి.

ఆ శరీరాలు సమాధులలో ఉంచ బడినప్పుడు, అవి పురుగులచే తినివేయబడి, కుళ్ళుపట్టి, భయంకరమైన దుర్వాసనను బయటికి రప్పిస్తాయి. చెప్పాలంటే, వాస్తవానికి ఆ భౌతిక శరీరాలు కేవలం మట్టిబొమ్మలే. వాటి పునాది మట్టిలోనే ఉంది.

అయితే, ఇక్కడ దానికి భిన్నంగా ఉంటుంది. ఎందుకనగా, ఇక్కడ పరిశు దుల శరీరాలు ఆదాముద్వారా సంక్రమించిన ప్రతివిధమైన వ్యాధిబాధలనుండి విడిపించబడి ఉంటాయి. వారి ఆత్మలు ప్రకృతిసిద్ధమైనవియు అతి సున్నితమైన జీవితాలు కలిగినవియునైన శరీరాలతో ఐక్యపరచబడి ఉంటాయి. అనిశ్చితితో కూడిన ఆ శరీరాలు నిరంతరం మరమ్మత్తు చేయబడుతూ ఉండాలి.

అయితే, పునరుత్థానముద్వారా మహిమపరచబడిన శరీరములు ఆత్మీయమైన లక్షణము లను కలిగి, బాహ్యపోషణ యొక్క అవసరత లేకుండా మానవాతీతమైన ఆత్మీయ శక్తిచే బలపరచబడి ఉంటాయి.

అంతేకాదు, నాశనమయ్యే లోకగర్వం మరియు శరీరక మహిమవలేకాక, ఏమాత్రం తరిగిపోని మహిమ వాటిలో ప్రకాశిస్తూ ఉంటుంది. అవి క్రీస్తుయొక్క మహిమకరమైన శరీరమువలె తయారుచేయబడతాయి. ఆయన మా వ్యర్థమైన శరీరములను తన మహిమకరమైన శరీరమువలె మార్చుతాడు (ఫిలిప్పీ. 3:21). తన బలమైన శక్తిచేత ఆయన వాటిని అలా తయారుచేస్తాడు (ఎఫెసీ. 1:19-22).

మాలో ఈ అద్భుతమైన సౌందర్యాన్ని ఆయన తన స్వంత చేతులతోనే తయారుచేస్తాడు. సర్వశక్తిమంతుడగు ఆయనకు అసాధ్యమైనది ఏదీ లేదు. పునరుత్థాన శరీరాన్ని, గర్భంలో అది మొదట రూపింపబడినట్టుగా మహిమకర మైన అమర్త్యస్థితిలో అందంగా మలచడం ఆయనకు అంత కష్టమైన పనేంకాదు.

అవి చురుకైనవి

ఏలీయా : ఇక్కడున్న ఇంకొక ఆనందము ఏదనగా, ఇక్కడ మా శరీరాలు ఎంతో చురుకైనవిగా ఉంటూ ఊహించలేనంత వేగంగా కదులుతుంటాయి. అవి క్రింది లోకంలో ఆకాశంలో వేగంగా ఎగిరే క్రింది లోకంలో ఉన్న సమయంలో మా శరీ రాలు ఎంతో అసహ్యంగాను బరువుగాను మా ఆత్మకు భారంగా ఉంటూ వచ్చాయి.

పునరుత్థానముద్వారా మహిమపరచబడిన శరీరములు ఆత్మీయమైన లక్షణములను కలిగి, బాహ్యపోషణయొక్క అవసరత లేకుండా మానవాతీతమైన పరిశుద్ధాత్మ శక్తిచే బలపరచబడి ఉంటాయి.

అయితే, పునరుత్థాన స్థితిలో అవి అందుకు భిన్నంగా ఉంటాయి. ఇక్కడ మా శరీరాలు “ఘనులగు వారి రథములను” పరమగీతము 6:12) పోలినవిగా ఉంటాయి. అవి ఆకాశంలో అత్యంత వేగంగా ఎగిరే పక్షులకన్నా వేగంగా పరుగెడుతాయి.

అవి స్వచ్ఛమైనవి

ఏలీయా : ఇప్పుడు నీవు నన్ను చూస్తున్నట్టుగా ఇక్కడ ఉన్న పరిశుద్ధుల శరీరాలన్నీ ఎంతో స్వచ్ఛమైనవి. అది ఇక్కడున్న మరో ఆనందకరమైన విషయము. ఇది ఒక గొప్ప ఆధిక్యత. ఎందుకనగా, పునరుత్థానము నొందిన శరీరాలు అమర్త్య మైనవి ఆత్మీయమైనవి చొరబడుటకు వీలు లేనివి అందమైనవి చురుకైనవి అయినప్పటికీ, అవి ఇంకను పాపముతో నిండినవిగా ఉన్నట్ల యితే, అవి కేవలము వ్యర్థమైనవి. ఒకవేళ పాపము పరలోకంలో ప్రవేశించగలిగితే, అది ఇక్కడ మేము అనుభవిస్తున్న ఆనందాన్ని సర్వనాశనం చేస్తుంది. అయితే, పాపము పర లోకానికి బహుదూరంలో ఉంది.

ఒకవేళ పాపము పరలోకంలో ప్రవేశించగలిగితే, అది ఇక్కడ మేము అనుభవిస్తున్న ఆనందాన్ని సర్వనాశనం చేస్తుంది. అయితే, పాపము పరలోకానికి బహుదూరంలో ఉంది.

మాకున్న మరో ఆధిక్యత ఏదనగా, మా శరీరాలు ఇక్కడ స్వచ్ఛమైనవిగాను పాపపు మరకలు లేనివిగాను ఉంటాయి. క్రింది లోకంలో పరిశుద్ధుల శరీరాలు పాపభారంచే కృంగి ఉంటాయి. వారిని నిరంతరం పాపపు శోధనలు వెంటాడుతూ ఉంటాయి. ఆ శోధనలు వారిని “అయ్యో, నేనెంత దౌర్భాగ్యుడను! ఇట్టి మరణమునకు లోనగు శరీరమునుండి నన్నెవడు విడిపించును?” అని ఆర్తనాదాలు చేసేలా వేధిస్తాయి (రోమా 7:24). అయితే, ఇక్కడ వారి శరీరాలు ఆశీర్వాదకరమైన విమోచనను అనుభవిస్తూ ఉంటాయి. ఈ విమోచన కోసమే క్రింది లోకంలో ఉన్న పరిశుద్ధులు ఎదురుచూస్తూ ఉంటారు.

అవి మహిమకరమైనవి

ఏలీయా : చివరిగా, పునరుత్థాన స్థితిలోనున్న పరిశుద్ధుల శరీరములు మహిమకరమైన శరీరములు. అవి ఎంతగా మహిమపరచబడి ఉంటాయంటే, అవి దాదాపుగా తమ విమోచకుని మహిమకరమైన శరీరమును పోలి ఉంటాయి. ఇది ఎలా జరుగుతుందో దైవిక లేఖనాలు మనకు తెలుపుతున్నాయి.ఆయన శక్తివలననే పరిశుద్ధుల శరీరములు “క్షయమైనవిగా విత్తబడి అక్షయ మైనవిగా లేపబడును. ఘనహీనమైనవిగా విత్తబడి మహిమగలవిగా లేపబడును” (1 కొరింథీ 15:42,43). ఆశీర్వాద కరమైన ఆ పునరుత్థానస్థితిలో వారు సూర్యుని కన్నా ఎక్కువ ప్రకాశవంతంగా వెలుగుతూ ఉంటారు.

వ్యర్థమైనవియు పాపభూయిష్టమైనవియునైన మన శరీరములను మహిమకరమైన దేవుని గొఱ్ఱపిల్ల అయిన యేసు తన స్వంత శరీరమువలె మార్చుతాడు.

కావున నా కుమారుడా, మేము ఇక్కడ అనుభవించు సంతోషము మరియు మహిమ ఎక్కడనుండి వస్తాయో నేను నీకు క్లుప్తంగా వివరించాను. నేను నీకు వివరించినది మేము
వ్యర్థమైనవి పాపభూయిష్టమైనవినైన మన శరీరములను మహిమకరమైన దేవుని గొఱ్ఱపిల్ల అయిన యేసు తన స్వంత శరీరమువలె మార్చుతాడు.

అనుభవిస్తున్న సంతోషంలో వెయ్యవభాగమే. నేను ఆ ఆనందాన్నిగురించి నీకు పరిపూర్ణంగా వివరించాలని ప్రయత్నించినప్పటికీ నీవు దానిని ఏమాత్రం గ్రహించ లేవు. ఇక్కడ మేము అనుభవించే ఆనందాలు క్రొత్త పేరు చెక్కబడిన తెల్లరాయి వంటివి ఇంకను అనేకములు ఉన్నాయి. పొందినవానికేగాని మరి యెవనికిని వాటినిగూర్చి తెలియదు (ప్రకటన 2:17).

ఆ విధంగా ఆ పరిశుద్ధ ప్రవక్త ముగించగానే, అతడు నాకు తెలిపిన పరలోక సమాచారమంతటికీ నేను ఆతనికి వినయపూర్వకమైన కృతజ్ఞతలు తెలిపాను. నేను పాపభూయిష్టమైన శరీరమును ధరించియున్నప్పటికీ, మహిమకరమైన పరలోక విషయములను గ్రహించేశక్తి నాకు లేనప్పటికీ, విన్నవాటినీ కన్నవాటినీ నేను ఏమాత్రం గ్రహించలేకపోయినప్పటికీ, క్రింది లోకంలో అనేక విధాలుగా ప్రశ్నింపబడుతూ అతికొద్దిమంది మాత్రమే విశ్వసించే పరలోక విషయాలను నేను చాలవరకు గ్రహించగలిగానని నేను అతనితో చెప్పాను.

పరిశుద్ధులను గురించిన పరిపూర్ణ అవగాహన

ఎపెనెటస్ : నాకున్న మరికొన్ని సందేహములను మీరు నివృత్తి చేయాలని నేను ఆశిస్తున్నాను.

ఏలీయా : అడుగు, నేను నీకు తృప్తి కలిగించే విధంగా సమాధానం చెప్పేందుకు ప్రయత్నిస్తాను.

ఎపెనెటస్ : సృజించబడినవారైన ఇక్కడి పరిశుద్ధులు, ప్రస్తుతం మహిమ పరచబడిన స్థితిలో ఉన్నప్పటికీ, ఇంకను వారు పరిమితమైనవారుగానే ఉండగా, అపరిమితమైనవాడైన త్రియేక దేవుని గురించిన పరిపూర్ణమైన అవగాహనను ఎలా కలిగివుండగలరు? మనలను గురించి మనము పూర్తిగా యెరిగినట్టుగా వారు ఆయనను ఎలా యెరుగగలరు? ఆ విషయంలో నేను మీరు చెప్పిన విషయాన్ని తప్పుగా ఆర్థంచేసుకొన్నానా?

ఏలీయా : అలా నేను నీకు చెప్పడంలో లేఖనములలో ఉన్న విషయాలనే నేను నీకు తెలిపాను. అన్యజనులకు అపొస్తలుడైన పౌలు తాను క్రింది లోకంలో ఉన్నప్పుడు మాట్లాడుతూ, పైనున్న పరలోక మహిమలోనున్న సర్వశక్తుడగు దేవుని తాను అక్కడనుండి “అద్దములో చూచి నట్లుగా” చూశాననీ, పైలోకానికి చేరుకొన్న తరువాత “ముఖాముఖిగా” చూడబోతాననీ, అప్పుడు తాను ఆయనను “పూర్తిగా ఎరు గుదున” నీ తెలిపాడు (1 కొరింథీ. 13:12).

క్రింది లోకము అశాశ్వతమైన చిరుదీపము లాంటి సూర్యునిద్వారా వెలిగించబడుతుండగా,మహిమకరమైన ఈ లోకము అనంతుడును అద్వితీయుడును సర్వశక్తుడును సర్వాధికారియునగు దేవునిచే వెలిగించబడుతోంది.

అయితే నా కుమారుడా, ఈ విషయాలన్నీ ఇప్పుడు నీవు పరిపూర్ణంగా గ్రహించడం అసా ధ్యము. ఎందుకనగా, క్రింది లోకము అశాశ్వత మైన చిరుదీపములాంటి సూర్యునిద్వారా వెలిగించబడుతుండగా, మహిమకరమైన ఈ లోకము అనంతుడును అద్వితీయుడును సర్వశక్తుడును సర్వాధికారియునగు దేవునిచే వెలిగించబడుతోంది. గనుక ఈ లోకంలోనున్న జనులవలె క్రింది లోకంలోనున్న జనులు ఆయ నను అర్థంచేసుకొనడం కష్టం.

ఇక్కడున్న పరిశుద్ధులకేగాక, నిరంతరం ఆయన సింహా సనం చుట్టూ ఉండే దేవదూతలకుకూడా ఆయనను గురించిన పరిపూర్ణమైన అవగా హన ఉండదు. ఎందుకంటే, వారందరూకూడ కేవలం ఆయనచే సృజించబడినవారే. మన సృష్టికర్త అయిన ఆయనను అయన సృష్టి అయిన మనము పరిపూర్ణంగా గ్రహించడం అసాధ్యము.

గాఢాంధకారపు అజ్ఞానంలో ఉన్న పరిశుద్ధులకు దేవుని గురించిన జ్ఞానము ఒక చిరుదీపంలా క్రింది లోకంలో బయలు పరచబడుతుంది.

“నేను పూర్తిగా ఎరుగుదును” అని పౌలు పలికిన మాటలను ఒక కోణంనుండే మనము తీసుకోవాలి తప్ప, అతడు దేవునిని పరిపూర్ణంగా తెలిసి కొనబోవునన్న తలంపుతో ఆ మాటను మనము తీసికొనకూడదు. గాఢాంధ కారపు చీకట్లో ఒక చిరుదీపంకూడ దేదీప్యమానమైన వెలుగునిస్తుంది. అయితే, సూర్యుని వెలుగులో ఆ దీపపుకాంతి ఏమాత్రం లెక్కించబడదు.

అదే విధంగా గాఢాంధకారపు అజ్ఞానంలో ఉన్న పరిశుద్ధులకు దేవుని గురించిన జ్ఞానము ఒక చిరుదీపంలా క్రిందిలోకంలో బయలుపరచబడుతుంది. అయితే, వారు పైలోకంలోనికి వచ్చిన తరువాత దేదీప్యమానమైన దేవుని వెలుగులోను ఆయన స్వరూపదర్శనములోను ఆయనను గురించి వారు పూర్తిగా తెలుసుకొంటారు.

కావున, దీనిని గురించి నేను క్లుప్తంగా చెప్పాలంటే, ఈ లోకంలో ఉన్న దేవుని పరిశుద్ధులు, సృజించబడినవారుగా తమకున్న సామర్థ్యము కొలది, లేదా తమ హృదయములు ఆశించుకొలది వారు ఆయనను గ్రహించగలరు.

ఆ తర్వాత నేను ఆ గొప్ప ప్రవక్తకు నా కృతజ్ఞతలను తెలిపి, నా ప్రశ్నలకు ఆయన చెప్పిన జవాబులు నన్ను సంతృప్తిపరచాయని చెప్పాను. నేనేదైనా అతనిని ఇబ్బందిపెట్టి ఉన్నట్లయితే, అది నా గ్రాహ్యలోపంవల్లనే అలా జరిగి ఉంటుందని నేను అతనికి చెప్పాను.

ఏలీయా : నేను ప్రస్తుతం ఉన్న స్థితిని నీవు ఇంకను తప్పుగా అర్థంచేసి కొంటున్నావు. ఎందుకనగా ఇక్కడ నాకుగాని, నాలాంటి ఇతర పరిశుద్ధులకుగాని  ‘ఇబ్బంది’ అనేది అస్సలు ఉండదు. సర్వోన్నతుడగు దేవుని గురించిన జ్ఞానాన్ని ప్రకటించు టయు, ఆయన గొప్పదనాన్ని ప్రచురపరచు టయు, ఆయన మహిమను ప్రదర్శించుటయు మాకు ఇక్కడ గొప్ప సంతృప్తినిస్తుంది. యుగ యుగాలు మా ఆనందము అదే.

ఆయనను మనము ఎంత ఎక్కువగా వీక్షిస్తామో, ఆయనను మనము ఎంత ఎక్కువగా ప్రేమిస్తామో, అంత ఎక్కువగా మన ఆత్మలు ఆయన సారూప్యములోనికి మార్చబడుతుంటాయి. దానిపైననే మన మహిమ ఆధారపడి ఉంటుంది.

ఆ తర్వాత నేను మరలా ఆ ప్రవక్తవైపు తిరిగి అడగవలసిన ఇంకో ప్రశ్న మిగిలివుందని అతనితో చెప్పాను.

ఏలీయా : అడుగు, నేను నీకు తప్పక జవాబిస్తాను.

మహిమయొక్క వివిధ అంతస్తులు

ఎపెనెటస్ : నీ వద్దకు తెచ్చేంతవరకు నా మార్గదర్శి నన్ను ఆయా ప్రదేశాలలో నడిపిస్తున్నప్పుడు నేను వేర్వేరు వ్యక్తులను చూస్తూవచ్చాను. వారిలోని కొంత మంది ఇతరులకంటె ఎక్కువ మహిమ కలిగి ఉన్నట్టుగా నేను కనుగొన్నాను. కావున, ఇక్కడకు వచ్చిన పరిశుద్ధులలో వేర్వేరు స్థాయిలలో మహిమ ఉన్నట్టుగా నాకు కనిపించింది. ఈ విషయం తెలుసుకొనవలెనన్న కుతూహలం నాలో అప్పటినుండి అలానే ఉంది.

ఏలీయా : ఇక్కడున్న పరిశుద్ధులందరూ అనుభవిస్తోన్న ఆనందము మరియు మహిమ, పరిశుద్ధుడగు దేవునితోటి సహవాసము మరియు ప్రేమలపై ఆధారపడి ఉంటుంది. నేను నీకు మునుపు చెప్పినవిధంగా, ఇక్కడ ఆయన దర్శనం నిరంతరం ప్రవహించు నిత్యజీవపు ఊటయైయున్నది. ఆయనను మనము ఎంత ఎక్కువగా వీక్షిస్తామో, ఆయనను మనము ఎంత ఎక్కువగా ప్రేమిస్తామో, అంత ఎక్కువగా మన ఆత్మలు ఆయన సారూప్యములోనికి మార్చబడుతుంటాయి. దానిపైననే మన మహిమ ఆధారపడి ఉంటుంది.

కావున, ఇది ఆయా వ్యక్తుల మధ్య వ్యత్యాసాన్ని కలిగిస్తుంది. ఇక్కడున్నవారిలో దేవునిపట్ల ప్రేమ లేదని కాదు. ఎందుకనగా, ఇక్కడ అలా ఉండుట అసాధ్యము. వాస్తవానికి దేవుని ప్రేమించనివారు ఇక్కడెవరూ ఉండరు. ఇక్కడున్న వారందరూ దేవుని అమితంగా ప్రేమించేవారే. ఆయితే, ఆయనవైపు వారు చూడటంలోనే తేడా ఉంటుంది. దానిపైననే వారిలోని మహిమ ఆధారపడి ఉంటుంది.

అయితే, తమలోనున్న మహిమకంటే ఇతరులలోనున్న మహిమ ఎక్కువగా ఉన్నందుకు ఇక్కడ ఎవరూ అసూయపడరు. ఎందుకనగా తమలో ఒక్కొక్కరిలో నున్న మహిమద్వారా దేవుడు మహిమపరచబడుతున్నందునను అదే తమ ఆనందమైనందునను వారు అలా అసూయపడరు. అసలు అలాంటి ఆలోచన లకుగాని అలాంటి అసూయాద్వేషాలకుగాని ఇక్కడ తావుండదు.

తమలో ప్రతి ఒక్కరూ దేవుని మహిమతో నింపబడి ఉన్నప్పుడు, ఆ మహిమావెలుగుద్వారా తమలో ఒక్కొక్కరూ ఆనందిస్తున్నప్పుడు, ఇక ఫిర్యాదుచేసేవారు ఎవరుంటారు? అవధులులేని వెలుగు మరియు జీవము, ఆనందము మరియు సంతోషములతో మిళితమైన సముద్రములాంటివాడైన పరిశు దుడగు దేవుడు ప్రతి పాత్రనూ పొర్లిపారు నంతగా నింపుతాడు. పాత్రలు వేర్వేరు పరిమా ణములలో ఉన్నప్పటికీ, ప్రతి పాత్రా పూర్తిగా నింపబడుతున్నందున ఇక ఇక్కడ ఎవరూ సణగరు గొణగరు ఫిర్యాదుకూడా చేయరు.

ఆకాశంలో తారలెన్నో వెలుగుతున్నప్పటికీ, ఆవి వేర్వేరు పరిమాణాలలో ఉన్నట్లే, పునరుత్థానము నొందిన దేవుని ప్రజలుకూడ అదేవిధంగా ఉంటారని పరిశుద్ధ లేఖనాలు మనకు బయలుపరుస్తున్నాయి.

ఇక్కడున్న ప్రతి ఆత్మా లోబడే మనస్తత్వాన్ని కలిగి ఉంటుంది. క్రిందిలోకంలోనిఉన్నందున, ఒక తార వెలుగు ఆకాశంలో తారలెన్నో వెలుగుతున్నప్పటికీ, ఆవి వేర్వేరు పరిమాణాలలో మరో తార వెలుగును మించి ఉంటుంది. పునరుత్థానమునొందిన దేవుని ప్రజలుకూడ అదేవిధంగా ఉంటారని లేఖనములు మనకు బయలుపరుస్తు న్నాయి. (1 కొరింథీ. 15:41,42).

కావున, నీ ప్రశ్నకు నా జవాబు ఏదనగా, ఎవరైతే దేవునివైపు ఎక్కువగా దృష్టిస్తారో వారు దేవుని ఎక్కువగా ప్రేమిస్తారు. అలాంటివారు ఎక్కువగా ఆయన సారూప్యం లోనికి మార్చబడతారు. అదే పరలోకంలో అత్యంత మహిమకరమైన స్థితి. నేను నీకు చెప్పే ఇంకో విషయం నీకు వింతగా అనిపించ వచ్చు.

మరణించకనే నీవు ఇక్కడకు ఎలా రాగలిగావో నాకు ఆశ్చర్యంగా ఉంది. మిత్రమా, నీవు ఇక్కడకు ఎలా రాగలిగావో నాకు చెప్పు ? ఈ గొప్ప ఆధిక్యత నీకు ఎలా లభించిందో నాకు తెలుపు?

అగ్నిజ్వాలల్లాంటి పరిచారకులైన (కీర్త నలు 104:4) దేవదూతలుకూడ వివిధ స్థాయిల్లో మహిమను కలిగివుంటారు. నీవు ఇక్కడకు వచ్చినప్పుడు దేవదూతల్లో ఆ తార తమ్యాన్ని బహుఃశా గమనించే ఉంటావు.

అలా నేను ఆ పరిశుద్ధుడగు ప్రవక్తతో సంభాషిస్తూ నా సందేహాలకు సమాధానాలను పొందుతున్న సమయంలో ఉన్నట్టుండి “ఎపెనెటస్ ఇక్కడికెలా వచ్చాడు!” అని ఆశ్చర్యంగా ప్రశ్నిస్తూ ప్రకాశవంతంగా మెరుస్తోన్న ఒక వ్యక్తి నా యెదుట ప్రత్యక్షమయ్యాడు.

ఒక స్నేహితుని తిరిగి కలిసికొనుట

నా పేరు పలుకుతూ నా వద్దకు వచ్చిన ఆ వ్యక్తివైపు నేను ఆశ్చర్యంగా చూశాను. అతణ్ణి నేను నిదానించి చూసినప్పుడు ఆ వ్యక్తి భూలోకంలో మరణిం చిన ఒకప్పటి నా స్నేహితుడైన జూనియస్ గా నేను కనుగొన్నాను.

జూనియస్ : ప్రియమైన ఎపెనెటస్, ఆశీర్వాదకరమైన ఈ పరలోక పట్ట ణంలో నిన్ను చూడటం నాకు మహదానందంగా ఉంది. కాని, మరణించకనే నీవు ఇక్కడకు ఎలా రాగలిగావో నాకు ఆశ్చర్యంగా ఉంది. మిత్రమా, నీవు ఇక్కడకు ఎలా రాగలిగావో నాకు చెప్పు. ఈ గొప్ప ఆధిక్యత నీకు ఎలా లభించిందో నాకు తెలుపు. ఎందుకనగా, ఈ విషయం నన్ను ఆత్యంత ఆశ్చర్యానికి గురిచేస్తోంది.

భూలోకంలో నాకు అత్యంత సన్ని హితుడుగా జీవించిన నా పాత స్నేహితుణ్ణి చూడటంతో నేను అమితానందాన్ని అనుభ వించాను. నాలోని ఆనందాన్ని అణచుకోలేక అతణ్ణి గట్టిగా కౌగలించుకోవాలని నేను ప్రయ త్నించినప్పుడు అతడు అందుకు నిరాకరిం చాడు. తన శరీరాన్ని పునరుత్థానదినం వరకు తాను భూమిమీద వదలి వచ్చాననీ (1 పేతురు 1:3-5 చూడుము), తానిప్పుడు ఒక రూపంలో కనిపిస్తున్నప్పటికీ, ఆ రూపము ఇక ఎన్నటికీ మరణానికి గురికానిదనీ, అది మరణము నొందువారిచే స్పర్శించబడకూడదనీ అతడు నాకు తెలిపాడు.

జూనియస్ : కాని, మరణించని మరియు మార్పునొందని శరీరంతో నీవు ఇక్కడకు ఎలా రాగలిగావు?

అప్పుడు నేను అతనికి నా శోధనను గురించీ, నా విడుదల గురించీ సవివరంగా నేను ఏలీయాతో మాట్లాడటానికి ముందు జరిగిన సంఘటనలన్నీ అతనికి వివరించాను.

వాస్తవానికి నేను మరణించి మహిమకరమైన ఈ ప్రదేశానికి వచ్చాక, దేవుని ఉనికిని గురించీ, పరలోకం మరియు నరకం ఉన్నాయన్న వాస్తవాన్ని గురించీ తెలిపేందుకు ఎవరైనా ఒకరు భూలోకానికి పంపబడాలని నేను చాలా ఆశించాను. దేవుడు, పరలోకం, నరకం, దేవుని తీర్పు మొదలైన విషయాలను ఋజువుచేస్తూ ఇక్కడనుండి వెళ్ళిన ఒక వ్యక్తి భూలోకంలో ప్రకటించి భూలోకంలో ఇంకను జీవిస్తూ ఉన్న ప్రజలను హెచ్చరించ వలసిన అవసరత ఉందని నేను భావించాను.

జూనియస్ : చాల సంతోషం ఎపెనెటస్, వాస్తవానికి నేను మరణించి మహిమకరమైన ఈ ప్రదేశానికి వచ్చాక, దేవుని ఉనికిని గురించీ, పరలోకంమరియు నరకం ఉన్నాయన్న వాస్తవాన్ని గురించీ తెలిపేందుకు ఎవరైనా ఒకరు భూలోకానికి పంపబడాలని నేను చాలా ఆశించాను. దేవుడు, పరలోకం, నరకం, దేవుని తీర్పు మొదలైన విషయాలను ఋజువు చేస్తూ ఇక్కడనుండి వెళ్ళిన ఒక వ్యక్తి భూలోకంలో ప్రకటించి భూ లోకంలో ఇంకను జీవిస్తూ ఉన్న ప్రజలను హెచ్చరించవలసిన అవసరత ఉందని నేను భావించాను.

కేవలం ఉచితమైన కృప మాత్రమే ఆత్మను మహిమలోనికి నడిపించగలదు. ఎందుకనగా పరలోకం విమోచకుని అమూల్యమైన రక్తముద్వారా మాత్రమే కొనబడింది.

కాని నా ప్రియ స్నేహితుడా, దేవుని గురించిన సత్యాన్నీ, ఆయన మంచి తనాన్ని గురించిన వాస్తవాన్నీ బాగుగా ఎరిగిన నీవు ఆయన ఉనికిని గురించి ఎలా ప్రశ్నించగలిగావు? నీవు అలా ప్రశ్నిస్తావని నేను ఎన్నడూ అనుకోలేదు. ఈ విషయాన్ని చూసినప్పుడు, ఆ భయంకరమైన శోధనలనుండియు, శత్రువైన సాతాను ఉరులన్నిటినుండియు నన్ను తప్పించి మహిమకరమైన తన పరలోక రాజ్యము కొరకు నన్ను నిల్వచేసిన కృపామయుడగు దేవుని నేను మనసారా స్తుతించేందుకు నేను తాజాగా ప్రోత్సహించబడుతున్నాను. ఆయన పరిశుద్ధ నామము నిరంతరం స్తుతినొందునుగాక!

ఏలీయా నిష్క్రమించుట

జూనియస్ మాటలను విన్న ఏలీయా నన్ను నా స్నేహితునివద్ద వదలిపెట్టి, నేను అతని నిష్క్రమణను గుర్తించేలోగానే అక్కడ నుండి వెళ్ళిపోయాడు. అతడు అక్కడనుండి వెళ్ళిపోయాక, నేను నా స్నేహితునితో తిరిగి సంభాషించడం ప్రారంభించాను.

జూనియస్తో సంభాషణ

ఎపెనెటస్ : నా ప్రియమైన జూనియస్, ఈ సంతోషకరమైన స్థలంలో నివసిస్తోన్న ఆశీర్వాదకరమైన వ్యక్తులందరిలో నీవుకూడ ఒకడవుగా ఉన్నందుకు నేను అమితంగా సంతోషిస్తున్నాను. భూలోకంలో నీవు జీవించిన కాలంలో అద్వితీయుడగు దేవునిపట్ల నీకుండిన లోతైన ఆశ నిన్ను ఇక్కడకు తీసుకొని వచ్చిందనేందుకు ఎలాంటి అనుమానమూ లేదు.

జూనియస్ : నీవు ఒకవేళ అమర్త్యతను గురించి యెరుగక ఉండినట్లయితే, నీకు ప్రస్తుతం ఉన్న తలంపులను నీవు ఎన్నటికీ కలిగియుండెడివాడివి కావు. క్రింద ఉన్న ప్రపంచంలో ఎంతో భక్తిపరులైనవారు సహితము ఈ మహిమా లోకంలో అతిచిన్న బహుమతినికూడా పొందలేకపోతున్నారు (యెషయా 64:6; రోమా 3:23).

కేవలం ఉచితమైన కృప మాత్రమే ఆత్మను మహిమలోనికి నడిపించగలదు. ఎందుకనగా పరలోకం విమోచకుని అమూల్య మైన రక్తముద్వారా మాత్రమే కొనబడింది. ఆయన ప్రేమ మరియు దయాకనికరాలు చెప్ప నశక్యమైనవి. అవి అనంతమైనవి. నిత్యత్వం మాత్రమే వాటిని వివరించగలదు.

ఎపెనెటస్ : అవును, యోగ్యుడవైన జూని యస్, నీవు చెప్పేది ముమ్మాటికీ వాస్తవం.

జూనియస్: ‘నన్ను ‘యోగ్యుడు’ అని పిలువ వద్దు. ఎందుకనగా సింహాసనాసీనుడైన దేవుడు మరియు దేవుని గొట్టెపిల్లయైన క్రీస్తుయేసు తప్ప మరెవరును యోగ్యులుకారు. ఆయనకు మహిమ ఆరోపించుట మాత్రమే మనకు ఇక్కడ అత్యున్నతమైన ఆనందాన్ని ఇస్తుంది.

సృజింపబడిన ఎవ్వరుకూడ ఘనపరచబడేందుకు వీలులేదు. ఇక్కడ ప్రకాశమానమైన కిరీటములు ధరించేవారు కూడా తమ కిరీటములను దేవుని సింహాసము యెదుట పెట్టి, “ఘనత మహిమ ప్రభావములకు నీవు మాత్రమే అర్హుడవు” అని ఆయనతో అంటారు.

ఎందుకనగా, దేవదూతలు పరిశుద్ధులు కెరూబులు సెరూపులు నిరంతరం ఆయనను యోగ్యునిగా ఆరాధిస్తూ, ఆయనకు స్తుతి గానాలు చేస్తుంటారు. “వధింపబడిన గొఱ్ఱపిల్ల శక్తియు ఐశ్వర్యమును జ్ఞానమును బలమును ఘనతయు మహిమయు స్తోత్రమును పొంద నర్హుడని గొప్ప స్వరముతో” వారు ఆయనకు నిరంతరం స్తుతిగానాలు చేస్తుంటారు (ప్రకటన 5:12). ఎపెనెటస్, సృజింపబడిన ఎవ్వరుకూడా ఘనపరచ బడేందుకు వీలులేదు. ఇక్కడ ప్రకాశమానమైన కిరీటములు ధరించేవారుకూడ తమ కిరీటములను దేవుని సింహాసము యెదుట పెట్టి, “ఘనత మహిమ ప్రభా వములకు నీవు మాత్రమే అర్హుడవు” అని ఆయనను స్తుతిస్తూ ఉంటారు.

ఎపెనెటస్ : ప్రియమైన జూనియస్, నా విషయంలో దయచేసి నీవు కొంత సహించు. ఎందుకనగా, నేను ఇంకను భూలోక స్వభావాన్నే కలిగియున్నాను. అంతేగాక, నేను మర్త్యుడనుగానే ఉన్నాను. నేను వాటినుండి విడుదల పొంది నట్లయితే ఎంత బాగుండును! నేనుకూడ నీలాగా త్రియేక దేవుని కళ్ళారా చూసి, పరిశుద్ధుడగు ఏలీయా చెప్పినట్లుగా ఆనందమునకు పరిపూర్ణతయైన ఆయన రూప్యములోనికి మార్చబడుట అను గొప్ప ధన్యతలోనికి ప్రవేశించినట్లయితే ఎంత బాగుండును!

జూనియస్ : నిజంగా ఆ ఆశీర్వాదకరమైన దర్శనం మన సంతోషాన్ని పరిపూర్ణం చేస్తుంది. అది మన హృదయాలను ప్రేమ మరియు ఆనందములతో నింపి, దానిని అనుభవించేవారు తప్ప వేరెవరూ వ్యక్తీకరించలేని విధంగా వారిని పరిపూర్ణు లనుగా చేస్తుంది.

త్రియేక దేవుని కళ్ళారా చూసి, ఆనందమునకు పరిపూర్ణతయైన ఆయన సారూప్యములోనికి మార్చబడుట ఎంత గొప్ప ధన్యత.

అయితే, నీవు ఒక విషయాన్ని గ్రహించాలి. ఇక్కడ ఉన్నవారిలో ఎవరును మహిమా ప్రభావములు కలిగిన దేవుని మహిమా వెలుగులోని ఒక చిన్న కాంతికిరణాన్నికూడ భరించలేరు. సృజించబడినవారైన పరిశుద్ధుల వెలుగును వర్ణనాతీతమైన సృష్టికర్తయొక్క మహిమా వెలుగుతో మనము ఏమాత్రం పోల్చలేము.
నేను

ఎపెనెటస్ : ఆశీర్వదించబడినవాడవైన ఓ జూనియస్, నీ మాటల్ని సంపూర్ణంగా అంగీకరిస్తున్నాను. అయితే, ఈ విషయంలో నాకు తెలియని కొన్ని సంగతులను గురించి నేను తెలుసుకోవాలని ఆశిస్తున్నాను. ఆనందానికి కర్తయైన సృష్టికర్త సన్నిధిలో నిరంతరం నివసించుటకన్నా గొప్ప ఆనందము మరొకటి లేదని నేను ఎరిగినందున, ఆయన దైవిక ప్రేమను అమితంగా అనుభవించి అనందిస్తోన్న నీ పెదవులతో ఆ ప్రేమను గురించిన మర్మాలను వినాలని నేను ఎంతగానో ఆశిస్తున్నాను. నేనును ఆయనను స్తుతించి ఆరాధించు లాగున ఈ విషయాలను నీకు తెలిసినంతవరకు నాకు తెలిపేందుకు నీవు ఏమాత్రం నిరాకరించవద్దు. క్రిందున్న లోకానికి ఏమాత్రం తెలియనిదియు, నీవు వాస్తవంగా అనుభవించి ఆనందిస్తోన్నదియునైన ఆయన ప్రేమను గురించిన మర్మాలను నానుండి నీవు ఏమాత్రం దాచిపెట్టవద్దు.

దేవుడు మనల్ని వేటితో ఆశీర్వదించాడంటే …

జూనియస్ : నా ప్రియ మిత్రమా, నిత్యత్వంలోని అన్ని యుగాలలో ఆయన దైవిక అధికారము మరియు ఆధిపత్యమును గురించిన స్తుతి కొనసాగుతూ ఉంటుంది. పరిశుద్ధులును దేవదూతలును ఒకటిగా చేరి ఆయనను గురించి గొప్ప పల్లవి పాడతారు. ఆయన మాత్రమే నీచే ప్రేమించబడుటకు మరియు స్తుతించబడు టకు అర్హుడని నీవు ఎరుగులాగున నీవు నన్ను కోరినవిధంగా ఆయనను గురించి నాకు తెలిసినంతవరకు నేను నీకు తెలుపుతాను.”ఆయన ఇక్కడున్న పరిశుద్ధులలోను దేవదూతలలోను ఉన్న ప్రేమ కేవలం ఆయన మనపట్ల కనబరచిన ప్రేమయొక్క ప్రతిబింబమే.

ఇక్కడున్న పరిశుద్ధులలోను దేవదూతలలోను ఉన్న ప్రేమ కేవలం ఆయన మనపట్ల కనబర చిన ప్రేమయొక్క ప్రతిబింబమే.

మనలను మొదట ప్రేమించెను గనుక మనము ఆయనను ప్రేమించుచున్నాము” అని అయన యెదపై ఆనుకొని ఆయన ప్రేమను అనుభవించిన ఆయన ప్రియమైన శిష్యుడు అన్నాడు (1 యోహాను 4:19).

కావున నా ప్రియమైన ఎపెనెటస్, మనపట్ల దేవుడు చూపించిన ప్రేమ ఆయనపట్ల మనకున్న ప్రేమకు పునాది అయినందున, ఆయన ప్రేమను గురించిన తలంపులను మరియు వాటిద్వారా మనము పొందు లాభములను నేను నీకు మొదట తెలుపుతాను. అవి లెక్కకు మించి నవిగా ఉన్నాయి. వాటి మొత్తమును ఎవరునూ లెక్కించలేరు.

ఆయన అనుగ్రహించిన జ్ఞానము మరియు సంపదలనుబట్టి ఒక వ్యక్తి ప్రశంసింప బడవచ్చు. కాని ఆ వ్యక్తికి జ్ఞానాన్ని ఇచ్చినవాడు దేవుడు కాడా? ఆ వ్యక్తికి సంపదను అనుగ్రహించి ఆశీర్వదించినది దేవుడుకాడా?

అయితే, వాటిని మనము ఒక క్రమమైన పద్ధతిలో ఉంచినప్పుడు, క్రింది లోకంలో ఆయన మనపట్ల కనబరచిన ఆయన ప్రేమకు మరియు ఆయన మంచి తనానికి మనము ఎంతగా ఋణపడి యున్నామో మనకు ఆర్థమవుతుంది.

మనము కలిగియున్నవన్నీ కేవలం ఆయన ఈవియే

జూనియస్ : మొట్టమొదట, క్రింది లోకంలో మనము కలిగియున్నవన్నీ ఆయన ఈవియే. మనకున్న శ్రేష్టమైనవన్నీ ఆయనకు మనము ఇచ్చినప్పటికీ, మనమింకను ఆయనకు ఋణపడే ఉంటాము. మనము కలిగియున్నవన్నీ, మనము అనుభవిస్తున్నవన్నీ కేవలం ఆయన ఉచితమైన కృపయే. వాటన్నిటి కొరకు మనము ఆయనకు ఎంతగానో ఋణపడియున్నాము : “ఆయనే మనలను పుట్టించెను”(కీర్తనలు 100:3).

ఒక కుమ్మరి చేతిలో ఉన్న మట్టిలాగా మనము ఆయన చేతిలోని మట్టియైయున్నాము (యెషయా 64:8). ఆయన మనలను ఎలా అయినా సృజించియుండవచ్చు. లేదా మన శూన్యతలోనే ఆయన మనలను వదలివేసి ఉండవచ్చు. ఆయన మనకు అనుగ్రహించిన అనేక రకము లైన ఆశీర్వాదములన్నీ ఆయన ప్రేమను మనకు స్పష్టంగా బయలుపరుస్తున్నాయి. దేవుని ప్రేమను ఎవరైతే చూడలేకపోతున్నారో వారు నిజంగా గ్రుడ్డివారే.

ప్రియ నేస్తమా, ఈ సమయంలో భయం కరమైన గాలితుఫానులలో చిక్కుకొని భీకరమైన అలలమధ్యన కొట్టుమిట్టాడుతోన్న దౌర్భాగ్యులవైపు ఒక్కక్షణం నీ ఆలోచనలను మళ్ళించు. మరణకరమైన వ్యాధిబాధల్లో అల్లాడుతోన్న రోగులవైపుకూ, మరణకూపాల్లాంటి వైద్యశాలలవైపుకూ నీ మనస్సును మళ్ళించు.

ఆయన అనుగ్రహించిన జ్ఞానము మరియు సంపదలనుబట్టి ఒక వ్యక్తి ప్రశంసింపబడవచ్చు. కాని ఆ వ్యక్తికి జ్ఞానాన్ని ఇచ్చినవాడు దేవుడు కాడా? ఆ వ్యక్తికి సంపదను అనుగ్రహించి ఆశీర్వదించినది దేవుడుకాడా? మనము అనుభవించేవన్నీ నిజంగా దేవుని ద్వారానే మనకు అనుగ్రహించబడ్డాయి. ఒక భిక్షకునికి ఎవరైనా రెండు లక్షల రూపాయలు ఇచ్చారను కోండి. ఆ డబ్బుతో అతడు ఆహారాన్నీ, వస్త్రాలనూ మాత్రమేగాక తనకు అవసరమైన వన్నీ కొనగలడు. ఆ డబ్బు అతనికి ఇవ్వబడక పోతే అతడు వాటన్నిటినీ కొనగలడా?

విషాదములన్నిటినుండి విడుదల

జూనియస్ :తన అపారమైన ప్రేమనుబట్టి క్రిందిలోకంలో ఆయన మనకు అనేక ఈవు లను అనుగ్రహించుట మాత్రమేగాక, ఆనేక రకములైన బాధలనుండికూడ ఆయన మనకు విడుదలను అనుగ్రహిస్తున్నాడు. అవన్నీ ఆయన దైవిక ప్రేమను మనకు బయలుపరుస్తున్నాయి. అవన్నీ ఈ లోకంలో విలువైనవిగా ఎంచబడక పోయినప్పటికీ, క్రింది లోకంలో అవి చాల అమూల్యమైనవిగానే ఎంచబడుతున్నాయి. ప్రియ నేస్తమా, ఈ సమయంలో భయంకరమైన గాలితుఫా నులలో చిక్కుకొని భీకరమైన అలలమధ్యన కొట్టుమిట్టాడుతోన్న దౌర్భాగ్యులవైపు ఒక్కక్షణం నీ ఆలోచనలను మళ్ళించు.

ఆ సమయంలో తమకు మరణంతప్ప వేరే శరణంలేదని వారు నిశ్చయించుకొంటారు. మరణకరమైన వ్యాధిబాధల్లో అల్లాడుతోన్న రోగులవైపుకూ, మరణకూపాల్లాంటి వైద్యశాలల వైపుకూ నీ మనస్సును మళ్ళించు. ప్రియ నేస్తమా, వాటివైపు ఒక్కసారి నీవు నీ దృష్టిని కేంద్రీకరించు. వాటన్నిటిలోనుండి ఆ దౌర్భాగ్యులైన మానవులను విడిపించే కృపాహస్తం నీకు కనిపించడం లేదూ? వాటన్నిటిలో వారిని ఆదరించి, ఓదార్చి, వారి కన్నీళ్ళు తుడిచి, వారిని ధైర్యపరచే దైవిక ప్రేమ నీకు కనిపించడం లేదూ?

కొన్నిసార్లు తన ప్రియమైన పిల్లలను శిక్షించేందుకోసం లేదా పరీక్షించేందు కోసం వ్యాధిబాధలను లేదా ఉపద్రవములను ఆయన ఎన్నుకొంటాడు. ఆ పరిస్థితులద్వారా వారు వెళ్ళడం అవసరమని ఆయన అనుకొంటాడు. వీటన్నిటిలో కూడా ఆయన ప్రేమ మనకు కనిపిస్తుంది. ఎందుకనగా, వారు పాపములో పడకుండా వారిని సంరక్షించేందుకు ఆయన వారికోసం ఆ మార్గాన్ని ఎన్ను కొంటాడు.

ఎపెనెటస్, క్రిందిలోకంలో తల్లులు తమ పిల్లల ఆరోగ్యంకోసం నొప్పిని కలిగించే మందును పూయడం నీవు చూడలేదా? తమ పిల్లలు దీర్ఘకాలం వ్యాధితో బాధపడేకంటే కొంతసేపు ఆ మందు కలిగించే నొప్పిని భరించి నివారణ పొందటం మంచిదని వారు భావిస్తారు కదా?

కావున, మన ప్రియమైన పరలోక తండ్రి మనము పాపపు ఆధిపత్యము క్రింద నలుగుతున్న సమయంలో, దానినుండి మనల్ని విడిపించేందుకు వ్యాధి బాధలను మనకు అనుగ్రహించడంలో ఆయన ప్రేమ మనకు కనిపించడంలేదా? ఆయన భయంకరమైన పాపరోగంతో బాధపడుతోన్న తన ప్రియ పిల్లలను స్వస్థపరచే ఒక మంచి వైద్యుడు!

ఎపెనెటస్, దేవుడు మోషేద్వారా సంపదను గురించి ఇచ్చిన హెచ్చరిక నీకు జ్ఞాపకముందా? సంపద విస్తరించినప్పుడు తమ సుఖభోగాలుతప్ప మానవులకు మరేవీ జ్ఞాపకముండవు. అంతేగాక, అది వారిని “మా సామర్థ్యము మా బాహు బలము ఇంత భాగ్యము మాకు కలుగ జే సెనని” అనుకొనేలా చేస్తుందని ఆయన వారిని హెచ్చరించాడు (ద్వితీ 8:17).

తల్లులు తమ పిల్లల ఆరోగ్యంకోసం నొప్పిని కలిగించే మందును పూయడం నీవు చూడలేదా? తమ పిల్లలు దీర్ఘకాలం వ్యాధితో బాధపడేకంటే కొంతసేపు
ఆ మందు కలిగించే నొప్పిని భరించి నివారణ
పొందటం మంచిదని వారు భావిస్తారు కదా?

ఇశ్రాయేలీయులు అలా అలోచింపక, దానికి భిన్నంగా తమ దేవుని వారు జ్ఞాపకంచేసుకొన వలెనని అయన వారిని హెచ్చరించాడు. ఎందు కంటే, వారు “భాగ్యము సంపాదించుకొను టకై వారికి) సామర్థ్యము కలుగజేయు వాడు ఆయనే” (ద్వితీ 8:18). వాస్తవానికి వారికేగాక భూలోకములోనున్న ప్రతి ఒక్కరికీ అలాంటి హెచ్చరిక తప్పక అవస రము. ఎందుకనగా, దేవుడే తనకు ధాన్యమును ద్రాక్షారసమును నూనెను దయచేశాడని మానవ స్వభావం త్వరగా మరచిపోతుంది గనుక.

ఆయన ప్రేమ

జూనియస్ : మూడవదిగా, దేవుని మంచితనం అత్యధికంగా ఆయన ప్రేమ లోని లాభాలను మనకు బయలుపరుస్తుంది. మనము క్రిందిలోకంలో ఉన్నప్పుడు ఆత్మీయ వరములను మరియు ఆనందము లను గురించిన వాగ్దానమును దేవుడు మనకు అనుగ్రహించాడు. అది మనకు ఎంతో ఆదర అంతేగాక, నిత్య ణనూ ప్రోత్సాహాన్నీ ఇచ్చింది. మైన పరలోక ఆనందముకొరకు ఎదురు చూస్తూ తాత్కాలిక ఆనందాలవైపు అది మన లను చూడకుండా చేసింది.

క్రిందిలోకంలో దేవుడు మనపై చూపించిన దయాకనికరాలు అనేకములైనప్పటికీ, అవన్నీ ఆయనను మనము స్తుతించి ఆరాధించేందుకు పరలోకరాజ్యంలో మనల్ని ప్రోత్సహిస్తున్నప్పటికీ, క్రిందిలోకంలో ఆయన మనపట్ల ప్రదర్శించిన ప్రేమ అన్నింటికన్నా ఎంతో ఉన్నతమైనది.

దేవుని ప్రేమ క్రిందిలోకంలో మన ఆప్తులు మరియు స్నేహితుల్లాగా కేవలం మన సమాధివద్దకు మాత్రమే వచ్చి ఆ తర్వాత వెనుదిరిగి పోయేది కాదు.

ఆ ప్రేమ క్రిందిలోకంలో మన ఆప్తులు మరియు స్నేహితుల్లాగా కేవలం మన సమాధివద్దకుమాత్రమే వచ్చి ఆ తర్వాత వెనుదిరిగి పోయేది కాదు. మన చీకటి కళ్ళు మూతలు పడినప్పుడు దేవుని ప్రేమ మనకు దేదీప్యమానంగా కనిపిస్తుంది. అది శరీరాశలనుండి మన దృష్టిని పూర్తిగా ఆత్మీయ విషయాలవైపు మరల్చుతుంది. చివరిగా అది మనల్ని ధన్యకరమైన ఈ స్థలానికి నడిపి, “బ్రతికియున్నవారికిని చచ్చినవారికిని ఉపకారము చేయుట మానని యితడు” (రూతు 2:20) అని బోయజును గురించి నయోమి చెప్పినట్లుగా మనమును కృతజ్ఞతా హృదయాలతో మన ప్రభువును గురించి చెప్పేందుకు మనల్ని ప్రేరేపిస్తుంది.

కావున, మన రక్షకునికి అత్యంత ప్రియమైన శిష్యుడు ఇలా పలికాడు: “ఇప్పుడు మనము దేవుని పిల్లలమైయున్నాము. మనమిక ఏమవుదుమో అది ఇంకను ప్రత్యక్ష పరచబడలేదుగాని, ఆయన ప్రత్యక్షమైనప్పుడు ఆయన యున్నట్లు గానే ఆయనను చూతుము గనుక ఆయనను పోలియుందుమని యెరుగుదుము” (1 యోహాను 3:2). ప్రస్తుతము నా ఇతివృత్తము అదే.

నా ప్రియ స్నేహితుడవైన ఎపెనెటస్, కేవలం దేవుని ప్రేమ మాత్రమే మనకు పరలోక ప్రవేశాన్ని కలుగజేస్తుంది. పరలోకంలో మనము పొందే ఆనందాన్ని మనము వేరే దేనితోనూ పోల్చలేము. నిజమైన ఆనందానికి పరలోకం కేంద్రస్థానమై ఉంది. భూలోక సుఖభోగాలేవీ వాటితో సమానంకావు.

దేవుని ప్రేమ మాత్రమే మనకు పరలోక ప్రవేశాన్ని కలుగజేస్తుంది. పరలోకంలో మనము పొదే ఆనందాన్ని మనము వేరే దేనితోనూ పోల్చలేము. నిజమైన ఆనందానికి పరలోకం కేంద్రస్థానమై ఉంది.

పరలోక ఆనందాలను భూలోక సుఖభోగాలతో మనం ఏమాత్రం పోల్చలేము. అవి చాల ఉన్నతమైనవి. ఈ విషయాన్ని గురించి అపొస్తలుడైన పౌలు మనకు ఇలా చెప్పాడు : “దేవుడు తన్ను ప్రేమించువారికొరకు ఏవి సిద్ధపర చెనో అవి కంటికి కనబడలేదు, చెవికి వినబడ లేదు, మనుష్య హృదయమునకు గోచ రము కాలేదు” (1 కొరింథీ. 2:9).

వర్ణనాతీతమైన పరలోక ఆనందములు

జూనియస్ :మా స్వంత అనుభవాలు ఈ విషయాన్ని ఋజువుచేస్తున్నాయి. క్రింది లోకంలో మన ఊహలన్నిటినీ ఇక్కడి సుఖభోగాలు అధిగమిస్తున్నాయి. పరిపూర్ణ సంతోషమును గురించి క్రిందిలోకంలో మనము ఊహించిన దానికన్నా ఇక్కడ మనము అనుభవిస్తోన్న ఆనందము ఎంతో ఉన్నతమైనది. ఇక్కడ మేము అనుభవిస్తున్న మా సంతోషకరమైన అనుభవాలు మా గత ఊహలన్నిటినీ అధిగమిస్తున్నాయి.

పరలోకంలో మాకు కనిపించేదీ మేము అనుభవించేదీ కేవలం ఆనందమే. క్రిందిలోకంలోని మా తప్పిదములు, వైఫల్యాలు, నిరాశలు మున్నగు దుఃఖకరమైన వాటినన్నిటినీ ఇక్కడి మా సంతోషం మరచిపోయేలా చేస్తోంది. ఇక్కడ మేము అనుభవిస్తోన్న ఆనందాన్ని పరిశుద్ధ లేఖనాలుకూడ సరైనవిధంగా వివరించలేక పోయాయి.

క్రింది లోకంలోని మా తప్పిదములు, వైఫల్యాలు, నిరాశలు మున్నగు దుఃఖకరమైన వాటినన్నిటినీ ఇక్కడి మా సంతోషం మరచిపోయేలా చేస్తోంది.

ఎపెనెటస్, భూలోకంలో ఉన్న సమయంలో ఊహిం చిన ఆనందాన్ని మేము ఇక్కడ అనుభవించి అనందించి సంతృప్తి నొందడమేగాక, ఆ లోకంలో ఉన్నప్పుడు మేము ఏమాత్రం ఊహిం చని ఎన్నో ఆనందములనుకూడ ఇక్కడ మేము అనుభవించి ఆనందించి ఆశ్చర్యపడుతూ ఉంటాము.

ఊహలకు మించిన ఆనందము

జూనియస్ : క్రిందిలోకంలో, అప్పుడప్పుడే నూతనంగా జన్మించిన శిశువు ఆ లోకంలోనున్న ఆనందాలను గురించి ఏమీ ఎరుగడు. అయితే, ఆ శిశువు పెరిగి పెద్దవాడౌతుండగా, ఆ ఆనందాలను క్రమక్రమంగా గ్రహించగలుగుతాడు. అంతేగాక, తన ముందున్న భవిష్యత్ ఆనందాలను కూడ అతడు కొంతవరకు ఊహించగలడు.

మహిమకరమైన ఈ ప్రదేశంలోనికి ప్రవేశించేవారికి అనేక విధములైన ఆధిక్యతలు అనుగ్రహించబడతాయి. వాస్తవానికి చెప్పాలంటే, వారు ఇక్కడ అనుభవిస్తూ ఉన్న ఆనందములను గురించి వారు అసలు ఎన్నడూ ఊహించి ఉండరు. ఇక్కడున్న ఆనందాలు మనకు ఏమాత్రం తెలియనివి. మనము ఊహించని ఆనందాలు మనకు ఎదురైనప్పుడు, అవి మనకు ఎక్కువ సంతృప్తినీ సంతోషాన్నీ ఇస్తాయి.

అతిశయోక్తి అవసరము

జూనియస్: ఎపెనెటస్, నేను ఇప్పుడు చెప్పే మాటలు నీకు అతిశయోక్తు లుగా అనిపించవచ్చు. ఇక్కడి మహిమకరమైన సంగతులను గురించి నేను నీకు వివరించేటప్పుడు నీవు ఎన్నడూ వినని వ్యక్తీకరణలు నీకు వినిపిస్తూ ఉండ వచ్చు. ఇక్కడ మా ఇతివృత్తము ఈ ఆశీర్వాదకరమైన ప్రదేశములో స్తుతి ఆరాధ నలు చెల్లించుటయే. అందులోనే మా ఆనందమంతా ఇమిడివుంది. అదికాక, లెక్కలేనన్ని పరలోక ఆనందాలు ఇక్కడ మాకోసం నిల్వచేయబడి ఉన్నాయి. నా మాటలు అతిశయోక్తులవలె నీకు అనిపించినప్పటికీ, ఈ ఆశీర్వాదకరమైన పరలోక ఆశీర్వాదాలను వివరించేందుకు అంతటి అతిశయోక్తి తప్పక అవసరము.

పరలోక ఆనందాలు క్రింది లోకంలోని ఆకాశంలో కనిపించే నక్షత్రములంత విస్తారమైనవి. అవి లెక్కకు మించినవి. ఆ నక్షత్రములు భూమికి బహు దూరంగా ఉన్నందున అవి చాల చిన్నవిగా కనిపిస్తాయి. అయితే, అవి పరిమాణంలో చాల పెద్దవి. అవి ఒక్కొక్కటి భూమికంటే చాల పెద్దవి. ఎపెనెటస్, నీవు ఇంకను మర్త్యుడవు అయినందున, నీకు ఇక్కడి విషయాలను వివరించేందుకు నీకు అర్థమయ్యే ఉదాహరణలతో నేను వివరించ వలసి వచ్చింది. ఉన్నవి ఉన్నట్టుగా వాటిని నీకు వివరించేందుకు నేను ప్రయాసపడ్డాను.

కోరికలు తీర్చబడ్డాయి

జూనియస్ : ఎపెనెటస్, క్రింది ప్రపంచంలోని మన ఊహలన్నిటినీ ఇక్కడి పరిశుద్ధులు అనుభవిస్తున్నారు. మా నిత్య ఆనందాన్ని పరిపూర్ణం చేస్తూ మేము అనుభవిస్తోన్న ఆనందములన్నిటిని పేరుపేరునా మేము లెక్కించవలెనని మేము బోధించబడ్డాము. వేదాంతములోని నటనా బోధలవలెగాక, మేము ఇక్కడ నిజమైన ఆనందాన్ని అనుభవిస్తున్నాము.

నా మాటలు అతిశయోక్తులవలె నీకు అనిపించినప్పటికీ, ఈ ఆశీర్వాదకరమైన పరలోక ఆశీర్వాదాలను వివరించేందుకు అంతటి అతిశయోక్తి తప్పక అవసరము.

ఒకప్పటి మా కోరికలను మాటల రూపంలో గాక, వాస్తవ రూపంలో మేము ఆ ఆనందాన్ని అనుభవించి ఆనందిస్తున్నాము. అవన్నియు మా విష యంలో పరిపూర్ణముగా నెరవేర్చబడినవిగా ఉన్నాయి.

పరిశుద్ధుల సహవాసంలో …

జూనియస్ : లేఖనాలు మనకు తెలుపుతోన్నవారును, భూలోకంలో ప్రశం సించబడుతోన్నవారును, ఈ పరలోక మహిమలో “సంపూర్ణసిద్ధి పొందిన నీతిమంతులును” (హెబ్రీ. 12:23) అయిన పరిశుద్ధులను ఇక్కడ మేము చూడటం మాత్రమేగాక, ఇక్కడ మేము నిరంతరం వారి సహవాసంలో ఆనందిస్తూ ఉంటాము.

భూలోకంలో ఉన్నప్పుడు మనము చూసేందుకుకూడా ఏమాత్రం వీలులేని మహిమకరమైన పరిశుద్ధ దూతలతోకూడా ఇక్కడ మేము సహవాసాన్ని కలిగి ఉంటాము.

అంతేగాక,  భూలోకంలో ఉన్నప్పుడు మనము చూసేందుకుకూడా ఏమాత్రం వీలులేని మహిమకరమైన పరిశుద్ధ దూతలతోకూడా ఇక్కడ మేము సహవాసాన్ని కలిగి ఉంటాము.

గొట్టెపిల్ల సన్నిధిలో …

జూనియస్ : ఎపెనెటస్, వీటన్నిటికీ మించి, “జగదుత్పత్తి మొదలుకొని వధింపబడియున్న గొఱ్ఱపిల్ల” (ప్రకటన 13:8) సన్నిధిని మేము ఇక్కడ కలిగి ఉంటాము. లేఖనాలు అద్భుతమైనవిధంగా మనకు ప్రత్యక్షపరచిన మన మహిమా రక్షకుడు మనకొరకు శ్రమనొంది మనకు గొప్ప రక్షణను అనుగ్రహించాడు. ఆయన మన స్తుతులకు ఎంతైనా పాత్రుడు.

అవును ఎపెనెటస్, ఇక్కడ మేము పరిశుద్ధుడగు ఆ దైవికవ్యక్తిని నిరంతరం కళ్ళారా చూస్తుంటాము. మానవులను తన సారూప్యములోనికి మార్చి వారిని తన పరిశుద్ధ పరలోక రాజ్యములోనికి ప్రవేశించేందుకు అర్హులనుగా చేసేందుకు ఆయన మానవ స్వభావమును ధరించి, మనుష్యులమధ్య తన గుడారమును వేసికొని, ఎన్నో బాధలను అనుభవించి, దీనుడుగాను దరిద్రుడుగాను భూ లోకంలో జీవించాడు.

భూలోకంలో తాను జీవించిన కాలమంతటిలో ఆయన పాపరహితుడుగాను, నిందారహితుడుగాను, పరిపూర్ణుడుగాను, తన శత్రువులైన యూదా మతపెద్దలుకూడా “ఈయన సమస్తమును బాగుగా చేసియున్నాడు” (మార్కు 7:37) అని పలుకునట్లుగాను జీవించాడు. అంతేగాక, ఆయనను బంధించి తీసికొనివచ్చుటకు ఆయన శత్రువులచే పంపబడినవారు సహితము ఆయనను గురించి మాట్లాడుతూ, “ఆ మనుష్యుడు మాటలాడి నట్లు ఎవడును ఎన్నడును మాటలాడ లేదని” సాక్ష్యమిచ్చారు (యోహాను 7:46).

సింహాసనాసీనునిగా హెచ్చింపబడిన ఆయన మెరిసే కళ్ళు అగ్నిజ్వాలల్లాగా కనిపిస్తుంటాయి.

అయితే ఎపెనెటస్, మహిమపరచబడిన ఈ దేవుని కుమారుడు మనకొరకు శ్రమనొంది తన యాజకధర్మమును జరిగించుటకుగాను భూమి మీద “దాసుని స్వరూపమును” (ఫిలిప్పీ. 2:7) ధరించాడు. అయితే, ఇక్కడ ఆయనను మనము “రాజులకు రాజును ప్రభువులకు ప్రభువును” అయిన తేజోమయునిగా చూస్తున్నాము (1 తిమోతి 6:15). ఇప్పుడు ఆయనకు భూమిమీదను పరలోకములోను ఘనతయు మహి మయు ప్రభావమును సర్వాధికారమును ఇవ్వబడి యున్నవి (మత్తయి 28:18).

ఆయన మహిమను వీక్షిస్తూ…

జూనియస్ : ఆయన ఇక్కడ ఎంత ప్రకాశమానంగా వెలుగుతూ ఉంటాడంటే ఆయనను చూసిన ప్రతిఒక్కరూ, ఆయనను ఆనందంతో ఆరాధించక మౌనంగా ఉండలేరు. ఆయనను నిరంతరం వీక్షించే పరిశుద్ధులు పెండ్లికుమారుని అందాన్ని వర్ణిస్తూ సొలొమోను పాటను నిరంతరం జ్ఞాపకం చేసుకొంటూ ఉంటారు. “అతడు అతి కాంక్షణీయుడు” అని వారు ఆయనను చూసి సంభ్రమాశ్చర్యాలతో అంటారు (పరమగీతము 5:16).

సింహాసనాసీనునిగా హెచ్చింపబడిన ఆయన మెరిసే కళ్ళు అగ్నిజ్వాలల్లాగా కనిపిస్తుంటాయి. ఆ కళ్ళలోకి నేరుగా చూసేవారి హృదయాలలోనికి ఆ కళ్ళలోని కాంతికిరణాలు స్వచ్ఛమును పరిశుద్ధమును సజీవమునైన సెరాఫీమువలె ప్రవేశిస్తాయి.

నిజంగా ఎపెనెటస్, దైవిక లేఖనాలు మనకు తెలుపుతున్న విధంగా, “దేవుడు తన్ను ప్రేమించువారికొరకు ఏవి సిద్ధపరచెనో అవి పరలోక దర్శనములు మరియు అందుగల మహిమలు కంటికి కనబడలేదు, చెవికి వినబడలేదు, మనుష్య హృదయమునకు గోచరము కాలేదు” (1 కొరింథీ 2:9). పరిశుద్ధుడగు దేవుడు తాను అధికంగా ప్రేమించే తన ఏకైక కుమారునియొక్క శ్రమలు మరియు విధేయతలకు ప్రతిగా ఉన్నతమైన బహుమానాలతో ఆయనను హెచ్చించాడు.

ఆ ప్రియ ప్రభునియొక్క మహిమనూ, ఆయన సౌందర్యాన్నీ వివరించడం ఎవరితరమూ కాదు. ఆయనను బట్టియే దేవుడు ఆయనచే ఎన్నుకొనబడిన లెక్కకు మించిన విశ్వాసుల సమూ హమును మానవ ఊహలకు అతీతమైన ఈ మహిమా రాజ్యంలోనికి అనుమతిం చేందుకు ఇష్టపడ్డాడు.

తన సేవకులలో అనేకులకు నక్షత్రములను పోలిన కాంతిని అనుగ్రహించిన సర్వోన్నతుడగు సర్వశక్తిగల దేవుడు, నీతిసూర్యుడు అయిన తన ప్రియకుమారునికి కోటి సూర్యుల తేజస్సును అనుగ్రహించాడు. ఆ మహిమా ప్రభువుయొక్క తేజస్సును ప్రస్తుత నీ మర్త్యస్థితిలో నీవు వీక్షించలేక పోయినప్పటికీ, నీవు ఈ పరలోక మహిమలో ప్రవేశించినప్పుడు ఆయన మహిమా తేజస్సును తప్పక వీక్షించి ఆనందిస్తావు.

ఆయన స్వాగతాన్ని మేము స్వీకరిస్తాము

జూనియస్ : అయితే, మన ప్రియ రక్షకునియొక్క మహిమకరమైన తేజస్సు మరియు ఆయన గొప్పదనం ఆయన కృపాకనికరాలను ఏమాత్రం తక్కువ చేయవుగాని, ఇంకను అధికంచేస్తాయి. తాను పునరుత్థానుడై, పరలోక మహిమ లోనికి ఆరోహణుడైన తర్వాతకూడా ఆయన తన కృపాకనికరాలను ఇనుమడింపజేస్తూ, “ఇదిగో నేను తలుపునొద్ద నిలుచుండి తట్టుచున్నాను, ఎవడైనను నా స్వరము విని తలుపు తీసినయెడల, నేను అతని యొద్దకు వచ్చి అతనితో నేనును, నాతోకూడ అతడును భోజనము చేయుదుము” ప్రకటన 3:20) అని పలకడాన్ని ఆపలేదు.

తన సేవకులలో అనేకులకు నక్షత్రములను పోలిన కాంతిని అనుగ్రహించిన సర్వోన్నతుడగు సర్వశక్తిగల దేవుడు,నీతిసూర్యుడు అయిన తన ప్రియకుమారునికి కోటి సూర్యుల తేజస్సును అనుగ్రహించాడు.

అంతేకాదు, చివరిగా ఆ మహిమగల రాజు నమ్మకస్తులైన తన ప్రతి సేవకునీ చూసి చిరునవ్వు నవ్వుతూ ” భళా, నమ్మకమైన మంచి దాసుడా” అని ప్రేమపూర్వకంగా అభినందిస్తూ ఆహ్వా నిస్తాడు (మత్తయి 25:21).

యేసు ప్రత్యక్షత పరలోకాన్ని పరమానందభరితంగా చేస్తోంది

జూనియస్ : మహిమపరచబడిన మన రక్షకునియొక్క తేజస్సునూ, ఆయన ఆనందాన్నీ నేను నీకు వివరిస్తున్నప్పుడు నీవు ఆశ్చర్యపడవద్దు. ఎలాంటి కారు మేఘాలూ ఇప్పుడు తనను ఆటంకపరచలేని విధంగా ఆ నీతిసూర్యుడు ఇప్పుడు ఇక్కడ అత్యంత కాంతివంతంగా ప్రకాశిస్తున్నాడు. హెబ్రీ గ్రంథకర్త అభివర్ణించిన విధంగా “మహిమా ప్రభావములతో” (హెబ్రీ. 2:7) కిరీటము ధరించిన యేసును ఇప్పుడు నేను కళ్ళారా చూస్తున్నానని నీకు చెబుతున్న మాటలకు నీవు ఆశ్చర్యపడవద్దు. ఎందుకనగా, నాకోసం క్రిందిలోకంలో ఎంతగానో హింసించబడిన ఆయన ఇక్కడ రాజ్యపరిపాలన చేయటం పరలోకాన్ని మరింత మహిమకరంగా చేస్తుండటం చూసి నేను ఆనందిస్తున్నాను.

అంతేగాక, గొప్పదియు వివరించడానికి అసాధ్యమైనదియునైన మన విమోచకుని సంతోషము, మనకు ఆయనపై ఉన్న ప్రేమను ఆధారంచేసికొని ఇంకను అధికమవుతూ ఉంటుంది. ఇక్కడ మా ఆనందము అత్యంత అధికమైనదై నప్పటికీ, మన విమోచకుని సంతోషము మా సంతోషాన్ని అధికం చేస్తోందని నీకు చెప్పేందుకు నేను చాల సంతోషిస్తున్నాను.

నాకోసం క్రిందిలోకంలో ఎంతగానో హింసించబడిన ఆయన ఇక్కడ రాజ్యపరిపాలన చేయటం పరలోకాన్ని
మరింత మహిమకరంగా చేస్తోండటం చూసి నేను ఆనందిస్తున్నాను.

అందుకే, తాము “ఆ నామము కొరకు అవమానము పొందుటకు” (అపా.కా. 5:41) పాత్రులమని భూమిమీద విషాదకరమైన పరిస్థితుల్లో తమ జీవితాలను గడుపుతూ వచ్చిన అపొస్తలులు అనుకొంటూ వచ్చారు. అయితే ఇప్పుడు ఆయనతోకూడా రాజ్యపరిపాలన చేస్తోన్న ఆ ఆశీర్వాదకరమైన వ్యక్తుల ఆనందాన్ని గురించి నీవేమనుకొంటున్నావు? అనేక రకాలైన బాధలద్వారా వారిని నడిపించిన ఆయన ఇప్పుడు వారిని సేదదీర్చి, “మన సమాధానార్థమైన శిక్ష అతని మీద పడెను, అతడు పొందిన దెబ్బలచేత మనకు స్వస్థత కలుగు చున్నది” (యెషయా 53:5) అని వారు అనేలా చేశాడు.

యజమానుని సంతోషములో మేము పాలుపొందుచున్నాము

జూనియస్ : ఎపెనెటస్, తన సిలువద్వారా మనలను విమోచించిన ఆ ప్రేమా ప్రభువు తన మహిమా కిరీటముద్వారా మనల్ని ఇంకెంతగా ఇక్కడ సంతోషా నందాలతో నింపుతాడో నీవు ఎప్పుడైనా ఆలోచించావా? తన యజమానుని సంతోష ములో పాలుపొందేందుకు నమ్మకస్తులైన తన పనివారిని ఆయన అనుమతించడం మాత్రమే గాక, వారిని స్వయంగా అందులోనికి ఆహ్వాని స్తాడు (మత్తయి 25:21 చూడుము).

తన యజమానుని సంతోషములో పాలు పొందేందుకు నమ్మకస్తులైన తన పనివారిని ఆయన అనుమతించడం మాత్రమేగాక, వారిని స్వయంగా అందులోనికి ఆహ్వానిస్తాడు.

భూమి మీదను పరలోకములోను మన సంతోషానికి క్రీస్తుయేసే మూలము. తన దయాకనికరముల చొప్పున ఆయన మన సుఖదుఃఖాలలో నిరంతరం పాలుపొందుచున్నాడు. తన శ్రమలద్వారా ఆయన మన బాధలను తగ్గిం చడు, లేదా తన ఆనందముద్వారా మన ఆనందాన్ని ఆయన అధికము చేయడు.

విశ్వాసంలో మరణించిన మా స్నేహితులను మరియు మా కుటుంబ సభ్యులను మేము కలుసుకొంటున్నాము

జూనియస్ : ఆ విధంగా మా ఆశీర్వాదపు కిరీటమును మమ్ములను విమోచిం చిన ప్రభువును అయిన క్రీస్తుయేసుయొక్క ఆశీర్వాదకరమైన సన్నిధిలోను, పరలోక సౌఖ్యాలతో నిండిన మా పరలోక గృహాలలోను మేము అనుభవిస్తోన్న ఆనందాన్ని నేను పరీక్షించిన తరువాత, నీవు ఈపాటికే గమనించిన ఒక విషయాన్ని నీకు వివరించేందుకు ఇప్పుడు నేను ప్రయత్నిస్తాను.

ఇక్కడ మేము మా అన్నయ్య అయిన యేసును మాత్రమేగాక, భూమిమీద ఆయనయందలి భయభక్తులలోను విశ్వాసంలోను మరణించిన మా స్నేహితులను, సన్నిహితు లను, బంధువులను, కుటుంబసభ్యులనుకూడ కలుసుకొని వారి సహవాసంలో ఆనందిస్తున్నాము. ఈ వాస్తవము మమ్ములను మరింత ఆనందములోనికి నడిపిస్తోంది.

మాకంటె ముందుగా ఇక్కడకు చేరిన పరిశుద్ధులను మేము కనుగొని కలుసుకొంటున్నాము

జూనియస్ : మా స్నేహితులను, బంధువులను, సమకాలీనులను మాత్రమే గాక, అన్ని యుగాలలోను జీవించిన పరిశుద్ధులందరినీకూడా మేము ఇక్కడ కలుసుకొని వారితో కలిసి ఆనందిస్తున్నాము. కావున, మెస్సీయాకు ముందు కాలంలో భూమిమీద జీవించిన ఏలీయాను నీవు కనుగొని సంభాషించినట్లుగా, మన ఆది పితరుడైన ఆదామునుకూడా ఇక్కడ నీవు కనుగొని సంభాషించగలవు.

పరిశుద్ధ లేఖనములనుండి నీవు ఈ విషయాన్ని ఎప్పుడో ఎరిగినందున, ఇది నీకు క్రొత్త విషయమని నేను భావించడం లేదు. పునరుత్థానమునొందిన  పరిశుద్ధులు దేవదూతలవలె ఉందురని మన రక్షకుడు తానే స్వయంగా చెప్పాడు (మత్తయి 22:30).ప్రవక్తయైనదానియేలు మరియు అపొస్త లుడైన యోహానుల దర్శనములలోకూడా ఈ విషయం దృఢీకరించబడింది. ధనవంతుడు మరియు భిక్షకునికి సంబంధించిన ఉపమాన ములో వ్యక్తులను మరియు వారి ప్రస్తుత స్థితిని మాత్రమేగాక, వారి గత జీవితాన్నికూడా తండ్రి
యైన దేవుడు ఎరిగియున్నాడు (లూకా 16:19-25).

మెస్సీయాకు ముందు కాలంలో భూమిమీద జీవించిన ఏలీయాను నీవు కనుగొని సంభాషించినట్లుగా, మన ఆది పితరుడైన ఆదామునుకూడా ఇక్కడ నీవు కనుగొ సంభాషించగలవు.

అంతేగాక, మహిమకరమైన మహాదినాన భక్తిపరులైన థెస్సలొనీకయులు తన కిరీటముగా ఉండవలెనని అన్యులకు అపొస్తలుడైన పౌలు ఆశించాడు (1 థెస్స. 2:19,20). మన ప్రియుడగు దానియేలు చెప్పిన విధంగా, నీతిమార్గము ననుస రించి నడుచుకొనునట్లు వారు అనేకులను త్రిప్పినందున, ఆకాశమండలములోని జ్యోతులను పోలినవారై వారు ప్రకాశిస్తారు (దానియేలు 12:3).

ఎపెనెటస్, మన విమోచకుడు పరిశుద్ధ పర్వతముపై రూపాంతరము చెందుటను గురించియు, ఆ సమయంలో మోషే ఏలీయాలు ఆయనతో మాట్లాడుటను గురించియు నీవు అనేకసార్లు చదివి ఉంటావని నేను నమ్ము తున్నాను. ఆ సమయంలో అక్కడ ఉన్న శిష్యులు మోషే ఏలీయాలను ఎంత బాగా గుర్తించారో కదా! అది పరిశుద్ధులు ఒకరినొకరు బాగుగా యెరిగిన ఒక పరలోకము వంటిది.

మన జ్ఞానము తన నిష్కపటస్థితిలో మొదట ఆదాము కలిగియుండిన జ్ఞానమునకు తక్కువైనదని నీవు తలంచుచున్నావా? హవ్వ తనవద్దకు మొట్టమొదటిసారిగా తీసికొనిరాబడి నప్పుడే ఆదాముకు ఆమె ఎవరో తెలుసు.అందుకే అతడు “నా యెముకలలో ఒక యెముక, నా మాంసములో మాంసము” అని ఆమెను సంబోధిస్తూ అన్నాడు (ఆదికాండము 2:23).

నేను నీకు మరో అద్భుతమైన విషయాన్ని తెలపాలని అనుకొంటున్నాను. ఇక్కడున్న పరిశుద్ధు
లందరూ ఒకరినొకరు ఎరిగేందుకు జ్ఞానము అనుగ్రహించబడింది.

ఇక నీకు మరిన్ని ఉదాహరణలు ఎందుకు? నీ స్వంత అనుభవమే నీకు ఈ సత్యాన్ని బయలుపరచింది కదా? కొంతకాలము తరువాత, నీవు అమర్త్యతను దాటివచ్చి నప్పుడు, ఈ విషయాన్ని నీవు మరిన్ని స్పష్టమైన ఋజువులతో కనుగొంటావు.

పరిపూర్ణ ఐక్యత

జూనియస్ : అయితే నా ప్రియ నేస్తమా, నేను నీకు మరో అద్భుతమైన విషయాన్ని తెలపాలని అనుకొంటున్నాను. ఇక్కడున్న పరిశుద్ధులందరూ ఒకరినొకరు ఎరిగేందుకు జ్ఞానము అనుగ్రహించబడింది.

అంతేగాక, ఇక్కడున్న పరిశుద్ధులందరూ దేవునితో మాత్రమేగాక, ఒకరితో నొకరు ఎడతెగని పరిపూర్ణమైన సహవాసాన్ని కలిగియుంటారు. ఒకరికొకరు పరిచయము లేకుండా వారిమధ్య అంగీకారము కుదరదు. అంగీకారము లేకుండా ఇరువురిమధ్య సహవాసము అసాధ్యము. అలా అంగీకారము లేకుండా ఇరువురిమధ్య సహవాసము కుదిరినప్పటికీ, వారిమధ్య నిజమైన సంతోషము ఉండదు. ఇక్కడున్నవారిలో ఒకరికొకరు పరిచయం లేనట్లయితే వారిమధ్య సహవాసము ఉండదు. అప్పుడు ఇక్కడున్నవారిలో సంతోషము కొదువ ఉన్నట్టే. అయితే, ఇక్కడ, “జ్యేష్ఠుల సంఘము” (హెబ్రీ 12:23) అద్వితీయుడగు దేవుని కాంతివంతమైన దర్శనమునుండి సంతోషమును పొందుతున్నందునను, దాని ఫలితంగా ఒకరితోనొకరు స్వచ్ఛమైన సంతోషముతో సహవాసం చేస్తున్నందు నను, వారందరిని ఎడతెగని నిత్యప్రేమ ఒకటిగా ఐక్యపరుస్తోంది.

పరిపూర్ణ ప్రేమ

జూనియస్ : భూమిమీద మన ప్రేమ ప్రకృతిసిద్ధమైన సంబంధబాంధవ్యాల పైనను ఎదుటివారి యోగ్యతల పైనను ఆధారపడి ఉంటుంది. అయితే ఇక్కడ అలాకాదు. ఇక్కడున్న పరిశుద్ధులందరిలో దేవుని ప్రేమ పొర్లిపారుతుంటుంది. ఎదుటివారి అర్హతలు మరియు యోగ్యతలతో నిమిత్తంలేకుండా ఆ దైవిక ప్రేమ ప్రతిఒక్కరినీ ప్రేమించేందుకు పురికొల్పుతుంది. తాను క్రీస్తును “శరీరరీతిగా” (2 కొరింథీ.5:16) యెరిగియుండినట్లయితే, తాను ఆయనను ఎన్నటికీ ఎరిగి యుండకపోదునని అపొస్తలుడైన పౌలు తాను భూమిపై ఉన్నప్పుడు మనకు చెప్పాడు. మన ప్రియ ప్రభువుయొక్క పునరుత్థానము మరియు ఆరోహణములనుబట్టి అతడు మరో ప్రపంచా నికి కొనిపోబడి, పరలోక రాజుగానున్న ఆయన సహవాసాన్ని అనుభవిస్తున్నాడు.

భూమిమీద మన ప్రేమ ప్రకృతిసిద్ధమైన సంబంధబాంధవ్యాల పైనను ఎదుటివారి యోగ్యతల పైనను ఆధారపడి ఉంటుంది. అయితే ఇక్కడున్న పరిశుద్ధులందరిలో దేవుని ప్రేమ పార్టీపారుతుంటుంది.

మా ఆత్మీయ సంబంధము ప్రకృతిసిద్ధమైన సహవాసము లాంటిది కాదుగాని, అది శాశ్వత మైనది. ఇక్కడ మేమందరము ఒకే పరలోక తండ్రితోను, సమాధానాధిపతియు మా సంతోషకరమైన సహోదరత్వానికి శిరసైన యేసుక్రీస్తుతోను నిరంతర సహవాసాన్ని కలిగియున్నాము. క్రింది లోకంలో ఒక వ్యక్తి ప్రవర్తన మరియు గుణలక్షణములను బట్టి ఎదుటివారి ప్రేమ ఆధారపడి ఉంటుంది. పరిశుద్ధత, జ్ఞానవివేకములు, మంచితనము మొదలగు ఆకర్షణలపై భూలోక ప్రేమ ఆధార పడి ఉంటుంది. ఇవన్నీ ఆయా వ్యక్తులమధ్య ప్రేమానురాగాలనూ సాన్నిహిత్యాన్నీ పెంపొం దింపజేస్తాయి.

ఒక వృద్ధుని చర్మము ముడతలుపడి ఉన్న ప్పటికీ, అతని ఆకారము అసహ్యకరంగా ఉన్నప్పటికీ, అతని మంచితనాన్నిబట్టి అతడు భూలోకంలో అందరిచే ప్రశంసించబడి ప్రేమించబడతాడు. అదేవిధంగా, ఒక అందమైన వ్యక్తిలో మంచితనం లేనట్ల యితే, అతడు అందరిచే ద్వేషించబడతాడు.

కింది లోకంలో ఆత్మీయ ప్రేమకూడా అపవిత్రమైనదే. అత్యంత పరిశుద్ధులైన వారు అక్కడ ఎక్కువగా ప్రేమించబడతారు: బలహీనతలున్నవారు
ద్వేషించబడతారు.

ఎపెనెటస్, శరీర సంబంధమైన కళ్ళకన్నా తేటగానున్న కళ్ళనూ, భౌతిక వెలుగుకన్నా స్వచ్ఛమైన వెలుగునూ, శారీరక అందంకన్నా శ్రేష్టమైన దైవిక అందాన్నీ నీవు భూమిమీద చూసేవుంటావు. అందుకే, “భక్తులే శ్రేష్టులు; వారు నాకు కేవలము ఇష్టులు” రాజరికపు ప్రవక్తయైన దావీదు తెలిపాడు (కీర్తనలు 16:3).

క్రిందిలోకంలో ఆత్మీయ ప్రేమకూడా అపవిత్రమైనదే. అత్యంత పరిశుద్ధులైన వారు అక్కడ ఎక్కువగా ప్రేమించబడతారు; బలహీనతలున్నవారు లేదా దోషము లున్నవారు తక్కువగా ప్రేమించబడతారు లేదా ద్వేషించబడతారు. అయితే, ఇక్కడ అలాకాదు. ఇక్కడ అందరూ అందరిచే ప్రేమించబడతారు. ఇక్కడ పరిపూర్ణతకు అవసరమైన మహిమకరమైన మంచితనములన్నిటియొక్క కలయికను దేవుని స్వరూపము పరిపూర్ణము చేస్తోంది. ఇక్కడ ప్రతి పరిశుద్ధుడును మొట్టమొదటి మాదిరియైన దేవునితో కచ్చితంగా అంగీకరిస్తాడు. వారిలో వెలుగొందుతోన్న దైవిక సౌందర్యము నిత్యము వారిలో నివసిస్తూ ఉంటుంది. ఆ సౌందర్యము అగ్నిజ్వాలలచేగాని, గాయములచేగాని చెక్కుచెదరదు.

అంతేగాక, క్రిందిలోకంలో పరిశుద్ధుల వాస్తవ హృదయ పరిస్థితి సరైన విధంగా కనిపించదు. వారిలోని పరిశుద్ధత అతికొద్దిగా మాత్రమే మనకు కనిపిస్తుంది. భూమిని మనము గమనించినప్పుడు, అది పూర్తిగా అందమైన మొక్కలతోను పుష్పాలతోను నిండివుంటుంది. అయితే, భూమియొక్క సంపదంతా దాని అంతర్భాగంలో కనిపించకుండా దాగివుంటుంది. అలాగే, భూమిమీద ఉన్న విశ్వాసులలోని పరిశు ద్ధత వారి చర్యలలోను క్రియలలోను కనిపిస్తుంది. అయితే, పైకి కనిపించే ఆ పరిశుద్ధతలోని స్వచ్ఛత ఆంతర్యంలో దాగివుంటుంది.

అయితే, ఇక్కడ బాహాటంగా కనిపిస్తూ ఉంటుంది. వారిలో దేవుని పరిశుద్ధుల ఆంతర్యం అద్దంలో కనబడినట్టు పరిశుద్ధత స్పష్టంగా బయలుపరచబడుతూ ఉంటుంది. వారిలోని ఆ దైవిక సారూప్యత పరిశుద్ధ నేత్రానికి ఎంత ఆకర్ష ణీయంగా కనిపిస్తూ ఉంటుందో! ఇక్కడ నా సహపరిశుద్ధులు అమర్త్యమైన నా సౌందర్యంతో తేజోవంతంగా ప్రకాశిస్తూ ఉండటాన్ని నేను వీక్షిస్తూవుంటాను।

భూమిమీద మానవుల మధ్యనున్న ప్రేమ ఇచ్చిపుచ్చుకొనే సిద్ధాంతంపై
ఆధారపడి ఉంటుంది. ఎదుటివారు ఎంతగా తమ్మును ప్రేమిస్తే అంతగా వారు ప్రేమిస్తారు.

భూమిమీద మానవుల మధ్యనున్న ప్రేమ ఇచ్చిపుచ్చుకొనే సిద్ధాంతంపై ఆధారపడి ఉంటుంది. ఎదుటివారు ఎంతగా తమ్మును ప్రేమిస్తే అంతగా వారు ప్రేమిస్తారు. అయితే, ఇక్కడ మాకు అలాంటిదేమీ కనిపించదు. ఇక్కడున్న అందరిలో ప్రేమధారలు పొర్లి ప్రవహిస్తూ ఉంటాయి. ప్రేమయొక్క ఈ ఔన్నత్యస్థితి ఎంత సంతోషకరమైనది! “సహోదరులు ఐక్యత కలిగి నివసించుట ఎంత మేలు! ఎంత మనోహరము!” (కీర్తనలు 133:1) అని పలికిన కీర్తనాకారుని పలుకులు ఎంత రమ్యమైనవి। ఇక్కడున్న తన సహపరిశుద్ధులతో తాను అనుభవించనైయున్న ఈ ప్రేమాఐక్యతలను అతడు ముందుగానే చూసి ఆనందపారవశ్యాలతో ఆ కీర్తన వ్రాశాడు।

ప్రేమ అనునది భూలోకంలో మన జీవితాలలోను మన సమాజాలలోను అత్యంత అద్భుతమైనది మరియు బలమైనది. అలాగైతే, “మనము ఏకమై యున్నలాగున, వారును ఏకమై యుండవలెనని నీవు నాకు అనుగ్రహించిన మహిమను నేను వారికి ఇచ్చితిని” (యోహాను 17:22,23) అని ప్రార్థించిన మన రక్షకుని ప్రార్థనా నెరవేర్పును పరిశుద్ధులు ఇక్కడ కళ్ళారా చూడటం ఎంత అద్భుతమైన విషయం!

ఇక్కడ ప్రేమ ఒక వ్యక్తినుండి మరో వ్యక్తిలోనికి ప్రవహిస్తూ, ఒక వ్యక్తిలోని మహిమ ఇంకో వ్యక్తిలోనికి బయలువెళ్ళుతూ అందరినీ ఆనందంతో నింపుతుంది.

సర్వోన్నతుడగు దేవుడు తన స్వభావములో ఎల్లప్పుడూ ఏకరీతిగా ఉన్నాడు. అంతేగాక, ఎల్లప్పుడూ ఆయన ఏకరీతిగానే ఉంటాడు. ఆయన ఎన్నడును మారని మార్పుచెందనివాడు. అదేవిధంగా, మారని మార్పుచెందని ఆయన ప్రేమతో నింపబడిన పరిశుద్ధులు ఇక్కడ నిరంతరం ఆయన ప్రేమను మరియు ఐక్యతను ప్రతిబిం బింపజేస్తూ ఉంటారు. ఇక్కడ ప్రేమ ఒక వ్యక్తి నుండి మరో వ్యక్తిలోనికి ప్రవహిస్తూ, ఒక వ్యక్తిలోని మహిమ ఇంకో వ్యక్తిలోనికి బయలు వెళ్ళుతూ అందరినీ ఆనందంతో నింపుతుంది. ఈ పరలోక అగ్నియొక్క శక్తి అంతటి ప్రభావము గలది. అది ఇక్కడి పరిశుద్ధులను అంతగా ఐక్యపరచి, సన్నిహితమైన ఆనందాన్ని వారిలో పెంపొందింపజేసి, ప్రతి ఒక్కరి హృదయాల్లో అందరూ నివసించు నట్లునూ, అందరి హృదయాల్లో ప్రతి ఒక్కరూ నివసించునట్లునూ చేస్తుంది.

పరిపూర్ణ స్నేహము

జూనియస్ : ఎక్కడైతే ఇలాంటి ప్రేమ పొర్లిపారుతూ ఉంటుందో, అక్కడ ఆనందం వెల్లివిరుస్తుంటుంది. అలాగైతే, దైవిక ప్రేమ పొర్లిపారే పరలోకంలో ఎంతటి ఆనందం వెల్లివిరుస్తుంటుందో కదా! వారి సహవాసము మరియు వారి సంభాషణ అత్యానందముతో నిండినది. భూలోకంలోనున్న ప్రియస్నేహితుల సహవాసములోను వారి సంభాషణలోను ఎంతటి ఆనందం మరియు వినోదం మనకు కనిపిస్తుందో కదా! తమ ఆలోచనలను మరియు తలంపులను వారు ఒకరితోనొకరు పంచుకొంటున్నప్పుడు, అవి వారిని ఎంత సన్నిహితంగా చేస్తాయో కదా! పరిపూర్ణత లేకుండా భూలోకంలో స్నేహము సాధ్యముకానప్పటికీ, వారి సంభాషణల్లో ప్రేమయొక్క ఆనందము స్పష్టంగా కనిపిస్తూ ఉంటుంది. స్నేహంలో మెచ్చదగినవన్నీ పరలోకంలో పరిపూర్ణత చెందుతాయి. మానవుని బుద్ధిహీనతను బట్టియు వారి బలహీనతనుబట్టియు అసంపూర్ణంగా ఉన్నవి ఇక్కడ సంపూర్ణము చేయబడతాయి. ఇక్కడి పరిశుద్ధులందరిలో ప్రేమానురాగాలు పొర్లిపారు తుండగా వారందరూ తమకు ఇవ్వబడిన దైవిక ఆశీర్వాదాలను సమిష్టిగా అనుభవిస్తూ ఉంటారు.

ఐక్య స్తుతి

జూనియస్ : సింహాసనం చుట్టూ పరిశుద్ధులు మరియు దేవదూతలు చేసే మధురమైన స్తుతిగానాలు నీకు వినిపించడం లేదా ఎపెనెటస్? అత్యల్పులైన తమకు ఆయన ప్రేమను అనుభవించే ఆధిక్యతను అనుగ్రహించినందుకు వారు ఆయనకు కృతజ్ఞతాస్తుతులు చెల్లిస్తున్న సన్నివేశం నీకు కనిపించడంలేదా నేస్తమా? తమపట్ల ఆయన కనబరచిన దయాప్రేమల కొరకును, తమపట్ల ఆయన చూపిన కృపాకని కరములకొరకును, అయోగ్యులును ఎన్నికలేని వారమునైన తమ్మును ఘనత చెందిన పాత్రలుగా ఆయన ఎన్నుకొన్నందుకును, భయంకరమైన పాపపుసంకెళ్ళనుండి తమ్మును ఆయన విడిపించినందుకును, ఇప్పుడు ఘన పరచబడి మహిమపరచబడిన తన ప్రియ కుమారుని మరణముద్వారా తమ పాపములనుండి తమ్మును విమోచించి నీతిమంతులనుగా తీర్చినందుకును వారాయనకు నిరంతరం కృతజ్ఞతాస్తుతులు చెల్లించి ఆనందిస్తుంటారు.

తన ప్రియ కుమారుని మరణముద్వారా తమ పాపములనుండి తమ్మును విమోచించి నీతిమంతులనుగా తీర్చినందుకు వారాయనకు నిరంతరం కృతజ్ఞతాస్తుతులు చెల్లించి ఆనందిస్తూ ఉంటారు.

ఆయనను మేము నిరంతరం స్తుతిస్తూ ఆరాధిస్తూ ఉంటాము ఎపెనెటస్! ఆయనను స్తుతించడంలో మేమేన్నడూ అలసిపోము. అవును, రెక్కలు కలిగిన కెరూబులు మరియు సెరూపులు ఆయన మంచితనాన్ని గురించియు, ఆయన మహిమా ప్రభావములను గురించియు ఆయనను నిరంతరం ఆసక్తితో కీర్తిస్తూఉంటారు.

ఆ అద్భుతమైన కార్యక్రమంలో ఇక్కడున్న పరిశుద్ధులందరూ పాలు పంచుకొంటారు. ఆయనను ఆరాధించుటలో ఎంత ఆనందముందని। క్రింద ఉన్న ప్రపంచంలోని ప్రజలు ఈ పరలోకంలో ప్రతిధ్వనిస్తోన్న పరిశుద్ధుల స్తుతి గానాలును గనక వినగలిగితే, తాముకూడా స్తుతిగానాలు చేసే ఆ గుంపులో చేరాలన్న లోతైన ఆశ వారిలో ఎంతగా జనిస్తుందో కదా!

లేఖనముల మర్మములు బయలుపరచబడినవి

జూనియస్ : స్నేహితులు సన్నిహితులు బంధువులు మొదలగువారిని గురించిన సంతోషముకన్నను, స్నేహితులు మరియు ఇతరులతో మనముచేసే సహవాసముకన్నను, దైవిక మర్మములను గురించిన జ్ఞానము నా మట్టుకు నాకు లోతైన సంతోషాన్ని ఇస్తుంది. భూలోకంలో అత్యుత్తమ బోధకులు సహితము మత సంబంధమైన మర్మములను సరైనవిధంగా బోధించలేక పోతున్నామని ఒప్పుకొంటారు. అయితే, అనేకమంది గొప్ప గొప్ప వేదాంత పండితులు, విద్వాంసులు, విమర్శకులు సహితము గ్రహించలేని లేఖనమర్మములను ఇక్కడ నేను చక్కగా గ్రహించగలుగుతున్నాను. కారణం, సర్వశక్తుడగు దేవుని ఉద్దేశాలను నేను గ్రహించుటే. ఇక్కడ మేము సమస్తమును సులభముగా గ్రహించగల జ్ఞానమును పొందియున్నాము. కావున, క్రింది లోకంలో అత్యంత క్లిష్టముగా కనిపించిన లేఖనభాగములను సహితము ఇక్కడ మేము సులభముగా గ్రహించ గలుగుతున్నాము.

అనేకమంది గొప్ప గొప్ప వేదాంత పండితులు,
విద్వాంసులు, విమర్శకులు సహితము గ్రహించలేని లేఖనమర్మములను ఇక్కడ నేను చక్కగా గ్రహించగలుగుతున్నాను.

ఎపెనెటస్, ప్రపంచాన్ని పరిపాలించుటలో దేవుని ప్రవర్తనను ప్రశ్నించేందుకు మంచి విశ్వా సులను సహితము శోధించిన అనేక గూఢ మైన సంగతులు ఇక్కడ మాకు స్పష్టంగా బయలుపరచబడ్డాయి. ఉపద్రవములు సంభ వించినప్పుడు, శ్రమలు హింసలు బాధలు విస్త రించినప్పుడు, నిరపరాధులు శిక్షించబడి నప్పుడు మనము దేవుని చర్యలను బహుగా అయితే, అవి ఎందుకు సంభవించాయో ఇక్కడ మేము స్పష్టంగా గ్రహించి దేవుని జ్ఞానాన్ని కొనియాడి కీర్తిస్తాం. క్రింది ప్రపంచంలో జ్ఞానులనబడే వ్యక్తులు సహితము అన్యాయములుగా అభిప్రాయపడే విషయాలు సహితము ఇక్కడ మాకు న్యాయమైనవిగా బయలుపరచబడతాయి.

అత్యంత అర్థవంతంగా మాట్లాడేవాడు అయినప్పటికీ, నిర్దయుడగు యోబు స్నేహితులలో ఒకడగు బిల్దదు, భూమిమీద నివసించేవారిని గురించి మాట్లాడుతూ, “మనము నిన్నటివారమే, మనకు ఏమియు తెలియదు, భూమిమీద మన దినములు నీడవలె నున్నవి” అని చాల కాలమునకు మునుపే మనకు తెలిపాడు (యోబు 8:8). ప్రపంచ నటనావేదికపై మానవాళి నటించే సుదీర్ఘ నాటకంలోని ఒకటి లేదా రెండు దృశ్యా లను మాత్రమే అతికొద్ది పరిమాణము కలిగిన మానవ జీవితాలు చూడగలవు.

కావున, ఆ నాటకములోని దర్శకుని ఉద్దేశమేమిటో వారు ఏమాత్రం గ్రహించలేరు. వారు ఆ నాటకంలోని ఏదో కొంత మధ్యభాగాన్నిమాత్రమే చూసి నందున, ఆ నాటకంలోని ప్రారంభంగాని అంతంగాని వారికి తెలియవు.

ప్రపంచ నటనావేదికపై మానవాళి నటించే సుదీర్ఘనాటకంలోని ఒకటి లేదా రెండు దృశ్యాలను మాత్రమే అతికొద్ది పరిమాణము కలిగిన మానవజీవితాలు చూడగలవు. కావున, ఆ నాటకములోని దర్శకుని ఉద్దేశమేమిటో వారు ఏమాత్రం గ్రహించలేరు. వారు ఆ నాటకంలోని ఏదోకొంత మధ్యభాగాన్ని మాత్రమే చూసినందున,  ఆ నాటకంలోని ప్రారంభంగాని అంతంగాని వారికి తెలియవు.

అయితే, ప్రపంచ పరిపాలనలో దైవిక ప్రవర్తన మనకు పూర్తిగా బయలుపరచబడినప్పుడు, ఆయా రాజ్యల్లోను రాష్ట్రాల్లోను కుటుంబాల్లోను వ్యక్తులమధ్యను జరిగే ప్రతిసంఘటనా న్యాయ మైనదిగాను, సమయానుకూలమైనదిగాను, అత్యంత అవసరమైనదిగాను మనము గ్రహి స్తాము. మనము భూలోకంలో ఉన్నప్పుడు దేవుని తృణీకరించేందుకు మనల్ని శోధించిన కార్యాలు ఇక్కడ ఆయనను స్తుతించి కొనియాడేందుకు మనల్ని ప్రోత్సహిస్తాయి. ఆయన అద్భుతమైన చర్యలపట్ల అప్పుడు మనము సంతృప్తినొంది ఆనందిస్తాం.

భూసంబంధమైన పరీక్షలకుగల కారణములు

జూనియస్ : దేవుని సాధారణ కార్యాలు మరియు ఆయన అద్భుతమైన జ్ఞానముతో కూడిన దైవిక మంచితనాన్ని కనుగొనే అనేక విషయాలపట్ల ఇక్కడ మేము ఆశ్చర్యంతో ఆనందించి ఆయనను ఆరాధిస్తాం. ఒక్కొక్కరిపట్ల ఆయన జరిగించిన ఆయా కార్యాలకుగల కారణాలను ఆయన తన దయచొప్పున మాకు బయలుపరుస్తాడు. ఎపెనెటస్, నా మట్టుకైతే, భూమిమీద నేను జీవించిన కాలంలో నేను ఎదుర్కొన్న అనేకములగు ఘోరమైన శ్రమలు న్యాయమైనవిగాను అవసరమైనవిగాను నేను ఇక్కడ కనుగొన్నాను. వాటన్నిటిలో దేవుని దయాకనికరాలనుకూడా నేను కనుగొన్నాను.

ఇక్కడ మేము పరిశుద్దుల తోను దేవదూతలతోను మాత్రమేగాక, సృష్టికర్తయైన దేవునితోకూడా సంభాషిస్తూ సహవాసము చేస్తాము.

ఎపెనెటస్, భూమిమీద నేను ఎదుర్కొన్న శ్రమలు కష్టాలు బాధలు వేదనలు కేవలం నాకు అవసరమైనవనీ సమయానుకూలమైనవనీ నేను ఇక్కడ పూర్తిగా ఒప్పింపబడ్డాను. అవన్నీ నా నిరీక్షణను ఏమాత్రం చెరిపివేయలేదుగాని, అవి దానిని ఇంకను బలపరిచాయి. వాటిద్వారా నా సంక్షేమము ఏమాత్రము గాయ పరచబడలేదుగాని, దానికి బదులుగా, నా మేలునిమిత్తమే భూమిమీద ప్రతిదీ జరుగుతూ వచ్చింది (రోమా 8:28 చూడుము).

అవును ఎపెనెటస్, భూమిమీద నా గ్రుడ్డితనముయొక్క గ్రహింపును ఆవరించిన కారుమబ్బులన్నీ ఈ మహిమా ప్రదేశంలోనికి నేను ప్రవేశించిన మరుక్షణమే తొలగిపోయాయి. నా కష్టాలలో నేను చేసికొనిన నిర్ణయాలు, వాటిద్వారా నేను పొందిన కృంగుదల, అవి నా విశ్వాసాన్ని కదిలించిన విధానము, నాకు ఇప్పుడు బహుమానాలుగా మారాయి.

పరిశుద్ధులు దేవుని సహవాసాన్ని అనుభవిస్తారు

జూనియస్ : ఎపెనెటస్, ముగింపు మాటగా నేను చెప్పదలచేది ఏమనగా, ఇక్కడ మేము పరిశుద్ధులతోను దేవదూతలతోను మాత్రమేగాక, సృష్టికర్తయైన

దేవునితోకూడా సంభాషిస్తూ సహవాసము చేస్తాము. ఇక్కడ మేము పరలోక సన్నిధిని మాత్రమేగాక, దాని నిర్మాణకుడైన దేవుని సన్నిధినికూడా అనుభవించి ఆనందిస్తున్నాము. మా సమస్తములో సమస్తమైన ఆయనను మేము ఉన్నట్టుగానే చూస్తున్నాము.

యుగయుగాలుగా తన మహిమను బయలుపరచుచున్న మహిమగల దేవుని సన్నిధినీ, ఆయన సన్నిధిలోని ఆనందాలనూ తప్ప ఇక్కడ మేము మరి దేనినికూడా ఆశించము. ఆయనను స్తుతించి ఆరాధించేందుకు మరిన్ని నాలుక లను తప్ప మరి వేటినీ మేము ఇక్కడ ఆశించము. మాకు ఆయన దయచేసిన ఈవులకు ప్రతిగా ఆయనను మరెక్కువగా స్తుతించి ఆరాధించే సామర్థ్యమును తప్ప మరి దేనినీ మేము ఇక్కడ ఆశించము.

పరిశుద్ధులు పరిపూర్ణ ఆనందాన్ని అనుభవిస్తారు

జూనియస్ : ప్రకాశమానమైన ఈ పరలోక గృహాలలో నివసించేవారికి ఏదియు కొదువ ఉండదు. మాకు అవసరమైనవీ, మేము ఆశించేవీ సమస్తమూ ఇక్కడ మాకు లభిస్తాయి. ఇక్కడ మాకు సమయమనేదే తెలియదు. సమయాన్ని గురించిన ధ్యాసకూడా ఇక్కడ మాకు ఉండదు. కాలము ఎలా దొర్లిపోతుందోకూడా ఇక్కడ మాకు తెలియదు. ఇక్కడ మా ఆనందము ఎల్లప్పుడూ తాజాగా ఉంటుంది. శతాబ్దాలు గడిచినా అది పాతగిలదుగాని, అది మొదట్లో ఎంత తాజాగా ఉండేదో ఎల్లప్పుడూ అంతే తాజాగా ఉంటూ మాకు ఆహ్లాదాన్ని కలిగిస్తూ ఉంటుంది. ఇక్కడ మా సంతోషానికి ఉన్న ప్రత్యేకత అదే. అది ఎల్లప్పుడూ ఒకేవిధంగా ఉంటుంది. అది ఎల్లప్పుడూ తాజాగా ఉంటుంది. ఇక్కడ మాకు అలసట అనేదే తెలియదు. అసంపూర్ణతకు ఇక్కడ తావేలేదు.

ఇక్కడ మాకు సమయమనేదే తెలియదు. సమయాన్ని గురించిన ధ్యాసకూడా ఇక్కడ మాకు ఉండదు. కాలము ఎలా దొర్లిపోతుందోకూడా ఇక్కడ మాకు తెలియదు.

ఎపెనెటస్, ఇలా నేను ఎన్నని చెప్పుకుపోను? ఇక్కడ మేము అనుభవిస్తున్న ఆధిక్యతలను ఎన్నని నీకు వివరించను? అవి లెక్కకు మించినవి! అవి నీ ఊహలకు అందనివి!

పరిశుద్ధుల ఆనందం నిరంతరం తాజాగా ఉంటుంది

జూనియస్ : ఇక్కడ మా ఆశీర్వాదస్థితి ఎంతో ఉన్నతమైనది అయినందు నను, ఇక్కడ మేము అనుభవిస్తున్న ఆశీర్వాదాలు లెక్కకు మించినవి అయినందు నను, వేర్వేరు విధములైన మార్పులను ఇక్కడ మేము ఆశించము. ఇక్కడ వాటి అవసరత మాకు అస్సలు ఉండదు. ఇక్కడ సమస్తమూ పరలోకానికి కేంద్రబిందు వైన దేవునికి సంబంధించినవిగానే ఉంటాయి. ఇక్కడ మేము అనుభవించే ఆనందాలు లెక్కకు మించినవి. అవన్నీ ఒక ప్రకాశమానమైన వజ్రమువలె వివిధ కోణాల్లో విభజించబడి కాంతులు వెదజల్లుతూ ఉంటాయి. సరిగ్గా చెప్పాలంటే, ఇక్కడ మేము అనుభవించే వివిధ ఆనందాలన్నీ దేవునిలోనే ఇమిడి, ఆయన చుట్టూ కేంద్రీకరించబడి ఉన్నాయి. అవన్నీ మమ్మల్ని సంపూర్ణంగా సంతృప్తి పరుస్తూ, అలసటలేకుండా వాటిని అనుభవించేందుకు మమ్మల్ని ప్రోత్సహిస్తాయి. వాటిలో ఏవీ మమ్మల్ని నిరాశకు గురిచేయవు.

ఇతర ఆనందములు మనుష్యులు ధరించే వస్త్రములవలె త్వరగా పాతగిలిపోతాయి. అయితే, పరలోకంలో మేము అనుభవించే ఆనందములు అరణ్య ప్రయాణంలో ఇశ్రాయేలీ యులు ధరించిన వస్త్రములవలె నిరంతరం క్రొత్తగా ఉంటాయి. ఒక అయస్కాంతమును తాకిన సూది కొన్ని యుగాల తర్వాతకూడా మొట్టమొదట దానికి అతుక్కుపోయినట్లుగానే ఎలా ఉంటుందో, అలానే ఇక్కడి పరిశుద్ధులు తమ పరలోక తండ్రితో మొట్ట మొదట ఐక్యపరచబడినప్పుడు ఎలా ఉన్నారో, ఎన్ని యుగాల తర్వాత అయినా అదే తాజాదనంతో ఆయనలో ఆనందిస్తూ ఆయనతో జతపరచబడి ఉంటారు.

మా అనుభవాలు అధికమైనప్పుడు, అవి మాకు తారాస్థాయిలో
ఆనందాన్ని కలిగిస్తున్నప్పుడు, వాటిని మేము పదేపదే
రుచిచూచి ఆనందించేందుకు ఇష్టపడతాం.

మా సంతోషము మా అనుభవాలద్వారా అభివృద్ధి చెందనట్లయితే, మా అనుభవాలు అంత సంతోషకరమైనవి కానట్టే. మా అనుభవాలు అధికమైనప్పుడు, అవి మాకు తారాస్థాయిలో ఆనందాన్ని కలిగిస్తున్నప్పుడు, వాటిని మేము పదేపదే రుచిచూచి ఆనందించేందుకు ఇష్టపడతాం. అలాంటి అనుభవాలు మాకు నిత్యమైన అనుభవాలుగా మారినప్పుడు, అవధులులేని మా ఆనందాన్ని ఎవరు వర్ణించగలరు? ఆ ఆనందానుభవాలను మేము అత్యంత అమూల్యమైన విగా భావిస్తూ, వాటన్నిటికోసం మేము నిరంతరం దేవునికి కృతజ్ఞతాస్తుతులు చెల్లిస్తూవుంటాము.

ఎపెనెటస్, నేను నీకు క్లుప్తంగా చెప్పాలంటే, తరిగిపోని మా ఆనందములు ఇక్కడ లెక్కకు మించినవిగా ఉన్నాయి. వాటన్నిటినీ మేము అనుభవించాలంటే నిత్యత్వంలో మేము నివసించే కాలము సరిపోదేమో!

పరిశుద్ధుల ఆనందము కొలవలేనిది

జూనియస్ : అయితే ఎపెనెటస్, ఇంకను శరీరంలోనే ఉన్న నీవు, నేను నీకు వివరిస్తోన్న విషయాలను వినేందుకు అలసిపోయి ఉంటావని నేను అనుకొంటున్నాను. కావున, ఇప్పుడు నేను మా ఆనందముయొక్క ఒకే ఒక లక్షణాన్ని మాత్రమే నీకు తెలిపి ముగిస్తాను. ఇక్కడి ఆనందమును మరియు మహిమను అనుభవించే పరిశుద్ధులు వాటిని తమలోతాము పంచుకొనరు. లేదా, ఇతరుల ఆనందమువల్ల తమ ఆనందము ఏమాత్రం తక్కువకాదు. ఈ పరలోక ఆనందపు సముద్రము ఎంత విస్తారమైనదంటే, ఇక్కడున్న పరిశుద్ధులు మరియు దేవదూతలు నిరంతరం వాటిని అనుభవిస్తున్నప్పటికీ అవి ఏమాత్రం తరిగిపోవు!

తరిగిపోని మా ఆనందములు ఇక్కడ లెక్కకు మించినవిగా ఉన్నాయి. వాటన్నిటినీ మేము అనుభవించాలంటే నిత్యత్వంలో మేము నివసించే కాలము సరిపోదేమో!

అంతేకాదు, క్రింది ప్రపంచంలో అనేక దేశాలు ఉన్నాయి. వాటన్నిటినీ ఉన్నప్పటికీ, వాటిలో ఎక్కువభాగం సముద్ర మేము అనుభవించాలంటే జలాలచే విభజించబడి ఉన్నప్పటికీ, ప్రతి నిత్యత్వంలో మేము దేశమూ వెలుగుయొక్క లాభాన్ని సమానంగా నివసించే కాలము అనుభవించి ఆనందిస్తూ ఉంటాయి. ఇతర సరిపోదేమో! దేశాలు ఆ వెలుగును ఉపయోగించుకొన్నందున తమకు ఆ వెలుగు తక్కువ అవుతుందని ఏ దేశమూ ఫిర్యాదు చేయదు. అన్ని దేశాలూ ఆ వెలుగును సమృద్ధిగా అనుభవిస్తూ ఉంటాయి.

నీతిసూర్యునికీ, క్రింది ప్రపంచంలో ప్రకాశించే సూర్యునికీ మధ్య ఈ విషయంలో నిజంగా తేడావుంది. క్రింది ప్రపంచంలో ప్రకాశించే సూర్యుడు తన ప్రసన్నతద్వారా గ్రహాలన్నిటిని మరుగుపరుస్తుండగా, అత్యంత ప్రకాశమానంగా వెలుగొందే నీతిసూర్యుడగు మన ప్రభువు మాత్రము తన ప్రసన్నతద్వారా తనచుట్టూ ఉన్న పరిశుద్ధులనందరినీ తేజోవంతంగా ప్రకాశింపజేస్తున్నాడు. ఈ విషయంలో “మనకు జీవమైయున్న క్రీస్తు ప్రత్యక్షమైనప్పుడు మీరును ఆయనతోకూడ మహిమయందు ప్రత్యక్షపరచబడుదురు” (కొలస్సీ. 3:4) అని అపొస్తలుడైన పౌలు పలికిన మాటలు వాస్తవమైనవి.

“నేను … నా ప్రియునిదానను, అతడును నావాడు” పరమ గీతము 6:3) అనునది తన విమోచకుని గురించి ప్రతి పరిశుద్ధుడును చేయు ఆనందగానమైయున్నది. ఎందుకనగా ఆయన వ్యక్తిగతంగా ప్రతి ఒక్కరికీ చెందినవాడు. దేవునియందు నమ్మికయుంచినవారందరినీ ఆయన తన మందిర సమృద్ధితో తృప్తిపరచి, ఆనంద నదీజలాలను త్రాగేలా చేస్తాడని తన విమోచకునికి స్తుతి గీతాలు ఆలపించుటలో అత్యంత నైపుణ్యము కలిగిన దావీదు చెప్పాడు (కీర్తనలు 36:8).

నేను ఇంతవరకు పరలోక కనానును గురించి నీకు క్లుప్తంగా వివరించాను.దాని వాస్తవస్థితిలో వెయ్యవభాగముకూడా నేను నీకు తెలుపలేదు.

విస్తారమైన జనసమూహములు ఒకే నది జలాలను త్రాగినప్పటికీ, దానిలోని నీరు ఏ మాత్రం తరిగిపోవు. దానిలోని నీరు ఎవరికి ఎంత అవసరమో అంతగా వారు ఆ నీటిని స్వేచ్ఛగా త్రాగవచ్చు. అనుమతి పొందినవారే తప్ప వేరెవరూ దానిలోని నీరు త్రాగేందుకు ఏమాత్రం అనుమతించ బడరు. అదేవిధంగా, ఎవరైతే దేవునిలో ఆనందిస్తూ అయన సన్నిధిని అనుభవిస్తూ ఉంటారో, వారు ఆయన జీవజలనదిలోని నీటిని తృప్తిగా త్రాగి ఆనందించేందుకు అనుమతించబడతారు.

ఎపెనెటస్, నేను ఇంతవరకు పరలోక కనానును గురించి నీకు క్లుప్తంగా వివరించాను. దాని వాస్తవస్థితిని వెయ్యవభాగముకూడా నేను నీకు తెలుపలేదు. అయినప్పటికీ, పాలుతేనెలు ప్రవహించే ఈ దేశాన్ని గురించి నీవు అర్థంచేసికో డానికీ, దీనిని గురించిన ఆశ నీలో అధికం చేయడానికీ నేను నీకు చెప్పిన విష యాలు చాలు. ఇక్కడికి వచ్చి ఇందులోని ఆనందాన్ని వ్యక్తిగతంగా అనుభవించేంత వరకు ఎవరునూ ఈ మహిమా రాజ్యాన్ని గురించి సంపూర్ణంగా గ్రహించలేరు.

జూనియస్ తన సంభాషణను ముగించాడు. నేను అతనికి పదేపదే కృతజ్ఞ తలు తెలిపాను. అతడు నాకు చెప్పిన మాటల్లో ఏదికూడా నాకు విసుగుకలిగించ లేదని నేను అతనికి తెలిపాను. అంతేగాక, నాకు అతడు తెలిపిన విషయాలన్నీ నాకు అమితానందాన్ని కలిగించాయని నేను అతనికి తెలిపాను. నా విమోచకుని కృపాసమృద్ధిద్వారా ఇక కొద్దికాలంలో నేను పాలుపొందబోతున్న ఆ మహిమా రాజ్యాన్ని గురించీ, అందులోని సంతోషాన్ని గురించీ ఎన్నో వాస్తవాలను తెలిసి కోవడం ఎంత అద్భుతమైన విషయం!

జూనియస్ : ఇక మర్త్యమగు నీ శరీరము మరణించేవరకు “విశ్వాసము చేతను ఓర్పుచేతను” (హెబ్రీ 6:12) వేచియుండుట మాత్రమే ఇక నీకు మిగిలివుంది. అప్పుడు నేను చెప్పిన విషయాలకన్నా మరెక్కువ విషయాలను చూడటమేగాక, నీవు స్వయంగా అనుభవించి ఆనందిస్తావు. ఇప్పుడైతే సింహా సనం యెదుట పరిశుద్ధులును దేవదూతలును పాడే మధురగీతాలను నీ చెవులు వినలేవు. పరిశుద్ధులు నిరంతరం ఇక్కడ ఆలపించే స్తుతిగీతాలను నీ నాలుక ఆలపించలేదు. మర్థ్యులైన ఇతర మనుష్యులకంటె నీ కళ్ళు బలపరచబడినప్పటికీ, ఈ అద్భుతమైన ప్రదేశాన్ని నింపుతోన్న మహిమను అవి ఏమాత్రం చూడలేవు. క్రిందిలోకంలోనున్న మనుష్యులెవ్వరికీ ఇవ్వబడనంత గొప్ప ఆధిక్యతను నీకు అనుగ్రహించి నిన్ను ఈ మహిమా ప్రదేశానికి రప్పించిన దేవుని కృపను నీవు నిరంతరం కొనియాడుతూ ఉండాలి.

ఎపెనెటస్ తన తల్లిని చూడాలని ఆశించుట

ఎపెనెటస్ : నేను ఈ ఆశీర్వాదకరమైన మహిమలో ప్రవేశించుట అనునది సంభవించేందుకు ఇంకను కొంతకాలం పడుతుంది. ఎన్నటికీ అంతంకాని ఈ నిత్యమహిమా రాజ్యంలో ప్రవేశించే ఆ శుభసమయంకోసం నేను విశ్వాసము తోను ఓర్పుతోను వేచియుంటాను. నాలో ప్రారంభించబడిన దేవుని మహిమా కార్యము నిరంతరం నిలిచివుంటుందని నేను ఆశిస్తున్నాను. కాని జూనియస్, ఇక్కడ నేను నిన్ను చూసి నీతో సంభాషించిన విధంగా నా తల్లినికూడ చూసి ఆమెతో సంభాషించలేనా? ఆమె ఇక్కడి పరిశుద్ధులలో తప్పక ఉంటుందని నేను విశ్వసిస్తున్నాను. నా బాల్యదినాల్లో ప్రతిదినం బైబిలు చదవమని ఆమె నాకు చెబుతూ ఉండేది.

భక్తితో కూడిన ఆమె బోధలు నన్ను నిత్యమైన పరలోకం వైపు చూసేలా చేశాయి. చివరిగా తన మరణశయ్యపై ఆమె నాతో మాట్లాడుతూ, చివరివరకు ప్రభువును సేవించమని నాకు ఆజ్ఞాపించింది. ఈ ప్రదేశంలో నన్ను చూసి ఆమె తప్పక ఆనందిస్తుందని నేను అనుకొంటున్నాను.

భూసంబంధమైన సంబంధ బాంధవ్యాలకు పరలోకంలో తావుండదు

జూనియస్: ఎపెనెటస్, నీవు ఆశించి నట్లుగా నీ తల్లి ఇక్కడే ఉంది. అంతేకాదు, ఆమె నిన్ను చూసి తప్పక ఆనందించి దేవుని మరింత మహిమపరుస్తుంది. కాని ఎపెనెటస్, ఈ సంతోషకరమైన స్థలంలో ప్రాపంచిక సంబంధబాంధవ్యాలు ఏమాత్రం ఉండవు. ఇక్కడ ఆడ మగ అన్న తారతమ్యాలుకూడా అస్సలు ఉండవు. ఇక్కడ అందరూ ఆత్మ స్వరూపులై దేవదూతలవలె ఉంటారు (మత్తయి 22:30). ఎందుకనగా, ఆత్మల్లో లైంగిక బేధాలు ఉండవు. ఇక్కడ అన్ని రకాల సంబంధాలూ దేవునియందు కనుమరుగైపోతాయి.

ఈ సంతోషకరమైన స్థలంలో ప్రాపంచిక సంబంధబాంధవ్యాలు ఏమాత్రం ఉండవు. ఇక్కడ ఆడ మగ అన్న తారతమ్యాలుకూడా అస్సలు ఉండవు. ఇక్కడ అందరూ ఆత్మస్వరూపులై దేవదూతలవలె ఉంటారు.

అయినప్పటికీ, క్రింది లోకంలో నీకు తల్లిగా ఉండిన వ్యక్తిని ఇక్కడ నీవు ప్రస్తుతం చూసి ఆమెతో సంభాషించగలవు.

జూనియస్ నన్ను నా తల్లివద్దకు తీసుకెళ్ళి ఆమె యెదుట నిలువబెట్టాడు. ఆమె నా యెదురుగా
ఉన్నప్పటికీ నేను ఆమెను గుర్తుపట్టలేకపోయాను. ఎందుకనగా, ఆమె ఒక తేజోనక్షత్రంలో ప్రకాశిస్తూ నాకు కనిపించింది.

అతడు అలా చెప్పడం ముగించి, నా చెయ్యి పట్టుకొని వింటిలోని బాణం కంటె వేగంగా అమరత్వపు వస్త్రాలను ధరించి ప్రకాశిస్తోన్న అనేకమంది పరిశు దులను దాటించుకొంటూ నన్ను తీసుకెళ్ళ సాగాడు. అలా నేను వారిని దాటి వెళుతుండగా వారు ఆశ్చర్యంగా నావైపు చూడసాగారు. మర్థ్య మైనవియు దయనీయమైనవియునైన నా వస్త్రా లనుబట్టియే వారు అలా నావైపు వింతగా చూశా రని నేను ఆ తర్వాత తెలుసుకొన్నాను. అలా జూనియస్ నన్ను నా తల్లివద్దకు తీసుకెళ్ళి ఆమె యెదుట నిలువబెట్టాడు. ఆమె నా యెదురుగా ఉన్నప్పటికీ నేను ఆమెను గుర్తుపట్టలేకపోయాను. ఎందుకనగా, ఆమె ఒక తేజోనక్షత్రంలా ప్రకాశిస్తూ నాకు కనిపించింది.

జూనియస్ నిష్క్రమణ

జూనియస్ : నా ప్రియ నేస్తమా, ఎపెనెటస్, నాకిక సెలవా? నీవు నానుండి ఆశించినదానిని నేను నెరవేర్చాను. కాసేపటి తర్వాత నీ సంరక్షకుడైన దేవదూత నీ వద్దకు వచ్చి నిన్ను క్రింది లోకానికి తీసుకెళతాడు.

నీవు అక్కడకు వెళ్ళాక, భౌతిక నేత్రాలతో పరలోక మహిమలను తిలకించేందుకు నిన్ను అనుమతించిన దైవిక ప్రేమను మరియు దైవిక అద్భుతాలను నీవు ఏమాత్రం మరువవద్దు, నిరంతరం వాటియందు ఆనందించడాన్నిగాని సర్వోన్నతుడగు దేవుని స్తుతించి ఆరాధించడాన్నిగాని నీవు ఎన్నడూ నిలిపివేయవద్దు.

ఎపెనెటస్ తన తల్లిని కలిసికొనుట

జూనియస్ నన్ను విడిచి వెళ్ళగానే నా యెదుట ప్రకాశిస్తోన్న వ్యక్తివైపు నేను అడుగులు వేసాను. ఆమె నాకు అత్యంత కాంతివంతంగా కనిపిస్తూ, మహిమ కరంగా ప్రకాశిస్తోంది. ఆమె ముఖకాంతిని నేను అస్సలు చూడలేకపోయాను. ఏలీయా మరియు జూనియస్లకంటే ఎక్కువగా ఆమె ప్రకాశిస్తోంది. ఆమెను నిదానించి చూసి ఆమె నిజంగా నా తల్లేనని నేను నిర్ధారించుకొన్నాక, నేను ఆమెతో మాట్లాడటం ప్రారంభించాను.

ఎపెనెటస్ : అమ్మా, ఈ ఆమరత్వపు స్థితిలో అత్యంత ప్రకాశమానంగా వెలుగొందుతోన్న నిన్ను చూస్తుంటే నాకు మహదానందంగా ఉంది.

దేవుని విశ్వాస్యతకు సాక్ష్యల పలుకుట

తల్లి : ప్రియమైన ఎపెనెటస్, నేను ఏమైయున్నానో అది కేవలం సింహాసనా సీనుడైయున్న దేవునియొక్కయు గొఱ్ఱపిల్లయొక్కయు కృపయే స్తుతియు మహిమయు ప్రభావమును వారికే చెందునుగాక. ఎందుకనగా, నా ప్రస్తుత స్థితికి కేవలం వారు మాత్రమే కారణం.

నేను ధరించినదిగా నీవు చూస్తోన్న ఈ మహిమావస్త్రము విమోచకుడగు యేసు వెలుగు కిరణాల ప్రతిబింబం మాత్రమే! అవును ఎపెనెటస్, ఆయన మొదట తన నీతివస్త్రమును నాకు ధరింపజేసి యుండనట్లయితే, ఈ మహిమ వస్త్రాన్ని నేను ఎన్నటికీ ధరించియుండలేను.

నీవు ఇక్కడకు ఎలా వచ్చావని నేను నిన్ను ప్రశ్నించను. ఎందుకనగా, ఏలీయా ఈపాటికే నిన్ను గురించి నాకన్ని విషయాలూ చెప్పాడు. కేవలం అపారమైన దైవిక కృప మాత్రమే నిన్ను ఇక్కడకు అనుమతించిందని నేను గుర్తిస్తు న్నాను. దానికోసం ఆయన నిత్యమూ స్తుతించబడునుగాక.

నేను ధరించినదిగా నీవు చూస్తోన్న ఈ మహిమావస్త్రము విమోచకుడగు యేసు వెలుగు కిరణాల ప్రతిబింబం మాత్రమే!

ఎపెనెటస్, ఎన్నో ప్రమాదాలను తప్పిస్తూ దైవిక కృప మా ఆత్మలను ఈ మహిమలోనికి నడిపించింది! దైవిక ప్రేమ నన్ను దర్శించిన సమయంలో నేను నిత్యనాశనానికి ఎంత సమీపంగా ఉన్నానో నేను ఎన్నటికీ మరువలేను. ఒకప్పుడు నేను దారిద్ర్యంలోను, గ్రుడ్డితనంలోను, దిగంబరత్వంలోను ఉన్న సమయంలో, (ప్రకటన 3:17 చూడుము) పాపపు మురికి కూపంలో నేను కొట్టుమిట్టాడుతున్న సమయంలో ఆయన సమృద్ధియైన కృప దయనీయమైన ఆ స్థితిలో నన్ను కనుగొని తన అపారమైన ప్రేమతో నా మురికినంతా కడిగి నా పాపాన్ని పరిహరించింది.

నేను ఆ సమయంలో కేవలం కారుచీకటిని తప్ప మరేమీకాను. అయితే, ఎంత అద్భుతమైన మార్పు! ఎంత సంతోషకరమైన విమోచన! నేను ఇప్పుడు సంపూర్ణంగా వెలుగు, ప్రేమ మరియు ఆనందాలతో నింపబడ్డాను.

ఒకప్పుడు నేను దారిద్ర్యంలోను దయనీయమైన స్థితిలోను కొట్టుమిట్టాడుతూ జీవించాను. అయితే, ఇప్పుడు నేను పరలోక ఐశ్వర్యంతో నింపబడ్డాను. ఇప్పుడు పరలోక ధననిధులలోనుండి నేను స్వీకరించగలిగినంతగా నేను స్వీకరించి అనుభవిస్తూ ఆనందిస్తున్నాను. ఒకప్పుడు నేను దిగంబరిగా జీవించాను, ఇప్పుడైతే మహిమా వెలుగుతో కూడిన వస్త్రములను నేను ధరించియున్నాను.

ఒకప్పుడు నేను దైవిక సన్నిధిని కోల్పోయి నిత్య నరకానికి వారసురాలనుగా ఉండెడిదానను. ఇప్పుడైతే దేవుని సన్నిధికాంతిచే నేను నింపబడ్డాను. అప్పటి స్థితికీ ఇప్పటి స్థితికీ నాలో ఎంతటి వ్యత్యాసం! గాలి తుఫానుల మధ్య గాఢాంధ కారపు రాత్రిలాంటి భౌతిక జీవితం తర్వాత వెలుగు దినంలాంటి ఈ పరలోక అనుభవం ఎంత ఆహ్లాదకరమైనది! గత వేదనలన్నీ ఎంతటి ఆనందాన్నీ సంతోషాన్నీ ఉత్పత్తిచేశాయి! ఇవన్నీ జయవీరుడైన నా విమోచకునికి హల్లెలూయ పాటలు పాడేందుకు నన్ను ప్రేరేపిస్తున్నాయి.

గాలి తుఫానుల మధ్య గాఢాంధకారపు రాత్రిలాంటి భౌతిక జీవితం తర్వాత వెలుగు దినంవంటి ఈ పరలోక అనుభవం ఎంత ఆహ్లాదకరమైనది!

నా తల్లి ఇంతటి ఉన్నతమైన పరిశుద్ధస్థితిలో ఉన్నందుకు నేను అమితమైన సంభ్రమాశ్చర్యా నింపబడ్డాను. కాసేపు నా నోటనుండిలతో మాటరాలేదు.

ఎపెనెటస్ : నా ప్రియమైన తల్లీ, నిజంగా పరలోకంలో ఉన్న పరిశుద్ధులలో ఒకరివలె నీవు మాట్లాడుతున్నావు.

తల్లి : ఎపెనెటస్, ఇది ఏదో ఒక వింతగా నీవు భావించవద్దు. ఇక్కడ దైవిక ప్రేమ మరియు కృపలద్వారా మేము అనుభవించే అద్భుతాలెన్నో మా స్తుతిగానా లకు మూలకారణాలుగా ఉన్నాయి. అంతే కాదు, ఒకప్పుడు నేను నీకు తల్లిగా ఉండి నప్పటికీ, ఇక్కడ నీవు నన్ను తల్లిగా సంబోధించ కూడదు. ఎందుకంటే, భౌతిక సంబంధ బాంధ వ్యాలకు ఇక్కడ ఏమాత్రం తావుండదు. పరలోక కుటుంబమునకు తండ్రియైన దేవునితో మాత్రమే ఇక్కడ మా సంబంధబాంధవ్యాలు పెనవేసుకొని ఉంటాయి.

ఒకప్పుడు నేను నీకు తల్లిగా ఉండినప్పటికీ, ఇక్కడ నీవు నన్ను తల్లిగా సంబోధించకూడదు. ఎందుకంటే, భౌతిక సంబంధ బాంధవ్యాలకు ఇక్కడ ఏమాత్రం తావుండదు.

అంతేగాక ఎపెనెటస్, నేను నీకు ఇంకో విషయాన్నికూడా తెలపాలని ఆశిస్తున్నాను. భూమిమీద నా శరీరమునుండి జన్మించిన కుమారునిగాకాక, ప్రభువును ప్రేమించి ఆయనయందు భయభక్తులు కలిగిన వ్యక్తిగా నీవు నాకు ఇక్కడ అత్యంత ప్రియమైనవాడవు. విశ్వాసముద్వారా నీవు ఆయన దత్తపుత్రుడవు. మా సంతోషపు ఊట అయిన దేవుని సహవాసాన్ని కలిగియుండుటే ఇక్కడ మాకున్న గొప్ప ఆధిక్యత. ఆయననుండియు ఆయనద్వారాను మాత్రమే మేము ఇక్కడ సమస్తాన్నీ అనుభవించి ఆనందిస్తున్నాము. ఆయనను అనుభవించి ఆయనయందు ఆనందించుటద్వారా మేము ఇక్కడ సమస్తాన్నీ పొందుతున్నాము (ఎఫెసీ 3:20 చూడుము).

ఆ తర్వాత నేను ఏ స్థితిలో నా తండ్రినీ, నా సహోదరులనూ భూమిమీద వదలి ఇక్కడకు కొనితేబడ్డానో నేను వివరించడం తనకు ఇష్టమా కాదా అని నేను ఆమెను ప్రశ్నించాను.

తల్లి : అవేవీ నాకు చెప్పవద్దు. ఎందుకనగా, నేను నా భౌతిక శరీరాన్ని వదలివేసినందున, నా భౌతిక సంబంధబాంధవ్యాలనుకూడ నేను వదలివేసాను. ఇక్కడ దేవుడే నాకు సమస్తమైయున్నాడు. నాకు ఇప్పుడు భర్తలేడుగాని, నా ఆత్మకు ఒక ఆశీర్వాదకరమైన పెండ్లికుమారుడు ఇక్కడ నాకున్నాడు. ఆయన మానవ కుమారులందరికంటే అత్యంత సుందరుడు. ఆయనే నేను ఎక్కువగా ఆశింపదగినవాడు. ఆయనతోటి సంబంధబాంధవ్యాలు తప్ప మరే సంబంధ బాంధవ్యాలూ నాకు ఇక్కడ లేవు. ఇక్కడున్న మేమందరము ఇప్పుడు ఒకే తండ్రి పిల్లలము మరియు ఒకే యజమానుని దాసులము. ఆయన సేవయే మాకిప్పుడు పరమానందమును పరిపూర్ణ స్వేచ్ఛయునై యున్నది.

నాకు ఇప్పుడు భర్తలేడుగాని, నా ఆత్మకు ఒక ఆశీర్వాదకరమైన పెండ్లికుమారుడు ఇక్కడ నాకున్నాడు. ఆయన మానవ కుమారులందరికంటే అత్యంత సుందరుడు. ఆయనే నేను ఎక్కువగా ఆశింపదగినవాడు. ఇక్కడున్న మేమందరము ఇప్పుడు ఒకే తండ్రి పిల్లలము. మరియు ఒకే యజమానుని దాసులము.

అయితే, నేను భూమిమీద వదలివచ్చిన ఒకప్పటి నా కుటుంబసభ్యుల విషయానికొస్తే, నేను వారిని దేవుని కృపాహస్తాలకు వదలివేసాను. అందుకు నేను అమితంగా ఆనందిస్తున్నాను. వారందరుకూడా నాలాగా ఈ మహిమకర మైన పరలోక రాజ్యానికి రావాలన్నదే నా ఆశ. అప్పుడు నా సంతోషం ఇంకను అధికమౌతుంది. అయితే, వారు దేవుని కృపను నిరాకరించి, తమ రక్షణకు విరోధియైన సాతానుని వెంబడించి, తమ అవిశ్వాసముద్వారా నాశనమైనట్లయితే, తన న్యాయతీర్పునుబట్టి దేవుడు మహిమపరచబడ తాడు. అప్పుడుకూడా ఆయన మహిమార్థం ఆయన మహిమలో నేను ఆనందిస్తాను. అయితే ప్రియమైన ఎపెనెటస్, నీవు తిరిగి భూలోకానికి దిగిపోయి వారిని కలుసుకొన్న తరువాత, వారికి దేవుని ప్రేమను గురించి తెలిపి వారిని నీతి మార్గంలో నడిపించడం మంచిది. అందుకే నీవు ఈ మహిమకరమైన పరలోకపట్టణానికి తీసికొనిరాబడ్డావన్న విషయాన్ని నీవు మరచి కు .

హతసాక్షులు దేవుని మహిమపరుస్తారు

నేను అలా నా తల్లితో సంభాషిస్తుండగా లెక్కించలేని విస్తారమైన సమూహం నా యెదురుగా నన్ను దాటిపోయింది. వారందరూ ప్రకాశమానమైన తెల్లని వస్త్రాలు ధరించి ఉన్నారు. అంతటి తెల్లని వస్త్రాలను నేను ఎన్నడూ చూడలేదు. వారి వస్త్రాలు ఉదయకాలపు కాంతిలాగా మెరుస్తున్నాయి. వారందరూ మహిమ కిరీటాలను తమ తలలపై ధరించియున్నారు. అవన్నీ ధగధగా మెరుస్తున్నాయి. వారిలో ప్రతిఒక్కరూ విజయసూచకమైన ఒక ఖర్జూరమట్టను తమ కుడిచేతిలో పట్టుకొనియున్నారు. వారు అలా వెళుతూ, “సింహాసనాసీనుడైన మా దేవుని కిని గొఱ్ఱపిల్లకును మా రక్షణకై స్తోత్రమని మహాశబ్దముతో” (ప్రకటన 7:10) కేకలు వేయడాన్ని నేను విన్నాను. ఆ తర్వాత తమ ముఖములను తమ రెక్కలతో కప్పుకొని వెళుతోన్న దేవదూతల సమూహాన్ని నేను చూశాను. వారు ప్రకాశమానంగా కనిపిస్తున్నారు. వారందరూ “యుగయుగములవరకు మా దేవునికి స్తోత్రమును మహిమయు జ్ఞానమును కృతజ్ఞతా స్తుతియు ఘనతయు శక్తియు బలమును కలుగును గాకని” (ప్రకటన 7:12) కేకలు వేస్తూ వెళ్ళడాన్ని నేను విన్నాను.

వారందరూ “యుగయుగములవరకు మా దేవునికి స్తోత్రమును మహిమయు జ్ఞానమును కృతజ్ఞతాస్తుతియు ఘనతయు శక్తియు
బలమును కలుగును గాకని” కేకలు వేస్తూ వెళ్ళడాన్ని నేను విన్నాను.

తమ చేతుల్లో ఖర్జూరపు మట్టలు పట్టు కొని వెళుతోన్న విస్తారమైన ఆ సమూహము ఎవరని నేను నా తల్లిని ప్రశ్నించాను. వారం దరూ భూలోకంలో క్రీస్తు నిమిత్తము అమితంగా శ్రమలను సహించి మరణించిన హతసాక్షు లని ఆమె నాకు తెలిపింది. వారందరూ గొట్టె పిల్ల రక్తంలో తమ వస్త్రములను ఉదుకుకొన్నా రనికూడ ఆమె నాకు తెలిపింది. వారు జయసూచకంగా తమ చేతుల్లో ఖర్జూరపు మట్టలను పట్టుకొని ఉన్నారు (ప్రకటన 7:9,13,14). వారు ఎక్కడనుండి వచ్చారని నేను ప్రశ్నించాను. వారందరూ –“నాథా, సత్యస్వరూపీ, పరిశుద్ధుడా,యెందాక తీర్పు తీర్చకయు, మా రక్తము నిమిత్తము భూనివాసులకు ప్రతిదండన చేయకయు ఉందువని బిగ్గరగా” ప్రకటన 6:10) మొర పెడుతూ బలిపీఠం క్రిందనుండి వచ్చారని ఆమె నాకు తెలిపింది.

ఎపెనెటస్ : ఇక్కడున్న పరిశుద్ధులందరూ దేవుని సమాధానాన్నీ ఆనందాన్నీ అనుభవిస్తూ విశ్రాంతి తీసుకొంటూ ఉంటారని నేను అనుకొన్నాను. ఒకప్పటి తమ సహజీవులపట్ల వారికి ఇక ఎలాంటి తలంపులూ ఉండవని నేను అభిప్రాయ పడ్డాను. నేను అలా ఎందుకు ఆలోచించానంటే, హతసాక్షులైన అనేకులు తమ విరోధులకోసం ప్రార్థిస్తూ మరణించడాన్ని గురించి నేను విన్నాను. అయితే, వారి క్షమాగుణం ఇక్కడ తారుమారు కావడం నన్ను ఆశ్చర్యానికి గురిచేస్తోంది.

హతసాక్షులైన అనేకులు తమ విరోధులకోసం ప్రార్థిస్తూ మరణించడాన్ని గురించి నేను విన్నాను. అయితే, వారి క్షమాగుణం ఇక్కడ తారుమారు కావడం నన్ను ఆశ్చర్యానికి గురిచేస్తోంది.

తల్లి : ఇక్కడున్న పరిశుద్ధులందరూ నిత్యవిశ్రాంతినీ, దేవుని సమాధానాన్నీ, పరలోక ఆనందాన్నీ కలిగియున్నారన్న మాట వాస్తవమే. అందులో వారు సంతోషి స్తున్నారనేందుకు ఎలాంటి అనుమానమూ లేదు. అయితే, వారందరూ తమ్మును తాము దేవుని చిత్తానికి సంపూర్ణంగా సమర్పించుకొన్నందున, అన్ని విషయాలలోను దేవుని చిత్తము నెరవేర్చ బడాలని వారు తప్పక కోరుకొంటారు. కావున, తమ్మును తీవ్రమైన శ్రమలకు గురిచేసి పరిశు ద్ధులయొక్కయు హతసాక్షులయొక్కయు రక్తాన్ని త్రాగిన (ప్రకటన 17:6) క్రీస్తు విరోధులకు తీర్పు తీర్చే విషయంలో దేవుని నామము ఘనపరచ బడునట్లుగా ఆయన చిత్తము నెరవేర్చబడాలని వారు తప్పక ఆశిస్తారు. ఆయన తీర్పు ఏదో వారికి బాగా తెలుసు.

ఎందుకనగా, బబులోను పతనమైనప్పుడు ఒక క్రొత్త పాట వారి నోట ఉంచబడుతుంది. అప్పుడు వారు “పరలోకమా, పరిశుద్ధులారా, అపొస్తలులారా, ప్రవక్తలారా, దానిగూర్చి ఆనం దించుడి, ఏలయనగా దానిచేత మీకు కలిగిన తీర్పుకు ప్రతిగా దేవుడు ఆ పట్టణమునకు తీర్పు తీర్చియున్నాడు” (ప్రకటన 18:20)  అని పలుకుతూ ఆనందగానాలు చేస్తారు.

అవును, అప్పుడు వారు ఇంకను ఇలా సంతోషగానాలు చేస్తారు –

“ప్రభువును స్తుతించుడి, రక్షణ మహిమ ప్రభావ ములు మన దేవునికే చెల్లును; ఆయన తీర్పులు సత్య ములును న్యాయములునై యున్నవి; తన వ్యభిచార ముతో భూలోకమును చెరిపిన గొప్ప వేశ్యకు ఆయన తీర్పు తీర్చి తన దాసుల రక్తమునుబట్టి దానికి ప్రతి దండన చేసెను” ప్రకటన 19:1,2).

కావున, కొద్దివారేమి గొప్పవారేమి ఆయన నామమునకు భయపడు ఆయన సేవకులందరు దేవునికి స్తుతిగీతాలు పాడతారు. అప్పుడు పరిశుద్ధులు హల్లె లూయ పాటలు పాడతారు. కావున, “నాథా, సత్యస్వరూపీ, పరిశుద్ధుడా, యెందాక తీర్పు తీర్చకయు, మా రక్తము నిమిత్తము భూనివాసులకు ప్రతిదండన చేయకయు ఉందువని బిగ్గరగా” ప్రకటన 6:10) వారు బలిపీఠం క్రిందనుండి చేసే మొర ప్రతీకారవాంఛతో చేసేది కాదుగాని, దేవుని నీతియుక్తమైన తీర్పులకుగాను ఆయన మహిమపరచబడాలన్న ఆశతోనే వారు అలా మొరపెడతారు.

భూమిమీద జరిగే సంభవాలు పరలోకంలో ఉన్న పరిశుద్ధులకు తెలుసా?

ఆమె జవాబు నన్ను సంతృప్తిపరచింది. ‘భూమిమీద జరుగుతున్న సంభవాలు పరలోకంలో ఉన్న పరిశుద్ధులకు తెలుసా? లేదా?’ అని నేను తెలుసుకోవాలను కొన్నాను. ఆ మాటే నేను నా తల్లిని అడిగాను.

తల్లి : ఇక్కడ మాకున్న ధ్యాసంతా కేవలం మా సంతోషాలకు ఊటయైన దేవుణ్ణి గురించి తెలుసుకోవటమే. మిగతా విషయాలపై మాకు అస్సలు ధ్యాస ఉండదు. ఇతరులను గురించిన విషయాలపై మాకు అస్సలు ఆసక్తి ఉండదు. వాటిని గురించి మేము అసలు పట్టించుకోము. ఆయన కళ్ళకు మాత్రమే సమస్తమూ కనిపిస్తూ ఉంటుంది. మేము మహిమపరచబడిన వారమైనప్పటికీ, మేము ఇంకను మా పరిధిలో ఉండవలసినవారమే. ఒకే సమయంలో అన్ని ప్రదేశాల్లోనూ ఉండుట అనగా ‘సర్వాంతర్యామి’గా ఉండుట అనునది కేవలం దేవునికి మాత్రమే ఉన్న ఒక ప్రత్యేకమైన లక్షణం.

అయినప్పటికీ, రక్షణకు వారసులైన విశ్వాసులకు (హెబ్రీ 1:14) సహాయం చేస్తూ వారికి పరిచర్య చేసేందుకు పంపబడే దేవదూతలద్వారా క్రింది లోకంలో ఉన్న సంఘముయొక్క అభివృద్ధి లేదా పతనమును గురించిన సమాచారము మాకు తెలియపరచబడుతూ ఉంటుంది. మేము సింహాసనాసీనుడైనవానికిని
మేము మహిమపరచ బడిన వారమైనప్పటికీ, మేము ఇంకను మా పరిధిలో ఉండవలసినవారమే.

మేము మహిమపరచబడిన వారమైనప్పటికీ, మేము ఇంకను మా పరిధిలో ఉండవలసినవారమే. ఒకే సమయంలో అన్ని ప్రదేశాల్లోనూ ఉండుట అనగా ‘సర్వాంతర్యామి’గా ఉండుట అనునది కేవలం దేవునికి మాత్రమే ఉన్న ఒక ప్రత్యేకమైన లక్షణం.

ఒకే సమయంలో అన్ని ప్రదేశాల్లోనూ ఉండుట అనగా ‘సర్వాంతర్యామి’గా ఉండుట అనునది కేవలం గొఱ్ఱపిల్లకును స్తుతిగానాలు చేస్తూ వారిని మహిమపరచేందుకు మాకు తెలియపరచబడిన ఈ సమాచారము మమ్ములను ప్రోత్సహిస్తుంది. తన సంఘాన్ని దేవుడు కాపాడి నడిపించే విధా నము మమ్ములను అమితంగా ఆనందపరు స్తుంది. క్రీస్తు శరీరమైన సంఘము సంపూర్ణంగా సిద్ధపరచబడేంతవరకు ఆయన దానిని సంర క్షించి, పోషించి, తద్వారా ఆయన మహిమ పరచబడాలని మేమందరం ఆశిస్తాం. ఆ సంఘాన్నిబట్టి మేము దేవుని హృదయ పూర్వ కముగా ఆరాధిస్తాం.

పరిశుద్ధులు పరలోకంలో తమ కాలాన్ని ఎలా వెళ్ళబుచ్చుతారు ?

నేను ఇంకొక విషయాన్ని గురించి మాత్రమే ఆమెను ప్రశ్నిస్తానని ఆమెతో చెప్పాను. ఎందుకనగా, నా మార్గదర్శియైన దేవదూత నాకొరకు రావడానికి సిద్ధంగా ఉన్నాడని నేను తలంచాను. పరలోకంలో పరిశుద్ధులు తమ కాలాన్ని ఎలా వెళ్ళబుచ్చుతారో, వారి సాధారణ సంభాషణ ఏ అంశాలపై సాగుతుందో నాకు తెలుపమని నేను నా తల్లిని అడిగాను.

భూలోకంలో గంటలు,రోజులు, వారములు, నెలలు, సంవత్సరములుగా కాలము విభజించబడి ఉంటుంది. అయితే, ఇక్కడ అలాంటివేవీ లేవు. ఇక్కడ రాత్రి పగలు అన్న భేదం ఉండదు. సంవత్సరాన్ని విభజించేందుకు ఇక్కడ ఋతువులు లేవు.

తల్లి : ఓ నా ఎపెనెటస్, ఈ ప్రకాశమానమైన ప్రదేశంలోకూడ నీవు భౌతిక ఆలోచనలచే ఎంతగా నింపబడి ఉన్నావు! నీ మర్త్యశరీరాన్ని ఇంకను చీకటి ఆలోచనలు ఎంత దట్టంగా ఆవరించివున్నాయి! మేము ఇంకను మర్త్యమైన శరీరాన్ని ధరించుకొన్నవారమని తలంచి నీవు మాట్లాడుతున్నావు. మాలోని మర్త్యత “మ్రింగివేయబడినదని” (2 కొరింథీ 5:4) నీవు గ్రహింపకున్నావు.

ఇక్కడ కాలము నిత్యత్వంలోనికి ఎలాంటి అంతం లేకుండా మార్చబడుతుంది. క్రింది లోకంలో కాలము నిరంతరం మార్పు చెందుతూ ఉంటుందన్న విషయం వాస్తవం. అక్కడ గంటలు, రోజులు, వారములు, నెలలు, సంవత్సరములుగా కాలము విభజించబడి ఉంటుంది. అయితే, ఇక్కడ అలాంటివేవీ లేవు. ఇక్కడ రాత్రి పగలు అన్న భేదం ఉండదు. రోజుల్ని విభజించేందుకు ఇక్కడ రాత్రులు లేవు. సంవత్సరాన్ని విభజించేందుకు ఇక్కడ ఋతువులు లేవు. ఇక్కడ విభజించబడని ఒకే ఒక కాలం శాశ్వతంగా కొనసాగుతూ ఉంటుంది. కావున ఎపెనెటస్, కాలాన్ని వెళ్ళబుచ్చే సమస్యే ఇక్కడ ఉత్పన్నంకాదు.

పరలోకంలో పరిశుద్ధుల సంభాషణ

తల్లి : ఇక నీ ప్రశ్నలోని రెండవ భాగానికి వస్తే, మా మధ్యలో జరిగే సంభాషణను నిత్యత్వం మాత్రమే నిర్ణయిస్తుంది. నిత్యత్వంలో లెక్కకు మించినయుగాలన్నింటిలో అవిరామంగా చేసేంతటి పని మాకోసం ఇక్కడ ఏర్పాటు చేయబడి ఉంది. ఇక్కడ మా ఆనందం ఉత్పత్తి కావడం మాత్రమే గాక, అది అనునిత్యం అధికం చేయబడుతూ ఉంటుంది. జ్ఞానముకన్నా ఆత్మకు ఆనందకర మైనది మరేముంది? నిత్యత్వంలో మేము అన్వేషించవలసింది ఎంత ఉంటుందో నీవు ఆలోచించు.

మా జ్ఞానము అభివృద్ధిచెందు కొలది, ఆ జ్ఞానమునకు కర్తయైన దేవునికి మరెక్కువగా మేము స్తుతులు చెల్లిస్తూవుంటాం. ఇక్కడ మా సంతోష మంతా ఆయనకు స్తుతులు చెల్లిస్తూ ఆయనయందు ఆనందించడమే. అలాగే, ఇక్కడ మా సంభాషణలన్నీ త్రియేక దేవుని చుట్టూ పరిభ్రమిస్తూ ఉంటాయి.

ఎపెనెటస్, క్రింది లోకంలో ఇంకనూ కనుగొనబడని దేవుని మర్మాలు ఎన్నో మిగిలివున్నాయి! అక్కడ మానవ గ్రాహ్యానికి గోచరంకాని మర్మాలు ఇంకను ఎన్నో మిగిలివున్నాయి! ఒక విత్తనంనుండి ఒక వృక్షం ఎలా వస్తుందో ఎవరికి తెలుసు?
ఒక మొక్కనుండి మొగ్గ మొలకెత్తి, అందమైన పుష్పంగా ఎలా మారుతుందో ఎవరు చెప్ప గలరు?

ఇక్కడ మా సంతోషమంతా ఆయనకు స్తుతులు చెల్లిస్తూ ఆయనయందు ఆనందించడమే. అలాగే, ఇక్కడ మా సంభాషణలన్నీ త్రియేక దేవుని చుట్టూ పరిభ్రమిస్తూ ఉంటాయి.

అయస్కాంతపు రాయి సూదులను ఎందుకు ఆకర్షిస్తుందో మర్త్యులైన మానవుల్లో అత్యంత జ్ఞానులైనవారికి సహా తెలియదు. మానవులకు నిరంతరం కనిపించే అనేక సంభవాలు ఎలా సంభవిస్తున్నాయో వారికి తెలియదు. అయితే, అవన్నీ ఇక్కడ మాకు బహిర్గతం చేయబడ తాయి. వాటి రహస్యాలన్నీ మాకు తెలియజేయబడతాయి. దేవుని స్తుతించి కొనియాడేందుకు అవన్నీ మమ్మును పురికొల్పుతాయి.

అంతేకాదు, గ్రహాలకూ నక్షత్రాలకూ సంబంధించి భూమిమీద మనుష్యులు గ్రహించలేనివి, వ్యర్థమైన జ్యోతిష్యులు తెలిసినట్లు నటించే అనేక అంతరిక్ష విషయాలు మరియు వాటి కారణాలు ఇక్కడ పరిశుద్ధులకు స్పష్టంగా తెలియ పరచబడతాయి. తద్వారా వారు దేవుని ఆశ్చర్యకార్యములనుబట్టి ఆయనను స్తుతించి ఆరాధిస్తారు.

ఇవన్నీ మా జ్ఞానంవల్ల మాకు బయలుపరచబడవుగాని, ఆయా విషయాలను సమీక్షించుటద్వారానూ, తద్వారా మా జ్ఞానము అధికమవుటద్వారానూ మాకు బయలుపరచబడతాయి. ఇక్కడ మేము ఒకే ఒక చూపుతో అనేక విషయాలను గ్రహించగలము. క్రిందిలోకంలో అనేక సంవత్సరాలపాటు నేర్చుకొనే విషయాలను మేము ఒకే ఒక్క క్షణంలో నేర్చుకొనగలము. మా కదలికలలోని వేగముకూడ మాకు ఈ విషయంలో సహాయపడుతుంది. అంతేగాక, దేవుని ఆశ్చర్య కార్యాలనూ, అవి సంభవించుటకుగల కారణాలనూ ఇక్కడ మేము ఎల్లప్పుడూ ధ్యానిస్తూ ఉంటాము. అలా మేము ఎంత ఎక్కువగా ధ్యానిస్తామో, అంత ఎక్కువగా మేము ఆయన ఆశ్చర్యకార్యాలను గ్రహించి తద్వారా మా ఆనందానికి కర్తయైన ఆయన మహిమగల నామాన్ని కీర్తిస్తాము.

ఇక్కడ మేము ఒకే ఒక్క చూపుతో అనేక విషయాలను గ్రహించగలము. క్రిందిలోకంలో అనేక సంవత్సరాలపాటు నేర్చుకొనే విషయాలను మేము ఒకే ఒక్క క్షణంలో నేర్చుకొనగలము.

ఎపెనెటస్, ఈ విధమైన ధ్యానములు క్రిందిలోకంలో నాకు అమితానందాన్ని ఇచ్చేవి. అయితే, అక్కడ నేను ఆయా విషయాలను ఎంత ఆలోచించినా గ్రహించ లేకపోయేదాన్ని. కాని, ఇప్పుడు నా జ్ఞానము అధికము చేయబడినందున, క్రింది ప్రపంచంలో నేను చూడలేని అనేక సంగతులను ఇక్కడ నేను స్పష్టంగా చూడగలగటం మాత్రమేగాక, అవి సంభవించుటకుగల కారణములనుకూడా సంపూర్ణంగా గ్రహించగలుగుతున్నాను. క్రింది లోకంలోని జనులు సమస్తాన్నీ తమ స్వార్థ దృష్టితో చూస్తారు గనుకను, వారు వాటిని సృష్టికర్తను ఘనపరచే దృష్టితో ఏమాత్రం చూడరు గనుకను, వాటిని వారు ఏమాత్రం గ్రహించలేరు.

అయితే, సృష్టిలోని ఆయా అంశాలు ఎలా సృజించబడ్డాయో, ఆయన అనంత జ్ఞానముచేత అవన్నీ ఎలా పరిపాలించబడుచున్నాయో దైవికజ్ఞానంతో మేము పరిశీలించి గ్రహించినప్పుడు, “జనులు సైన్యములకధిపతియగు యెహోవాచేత దాని నేర్చుకొందురు. ఆశ్చర్యమైన ఆలోచనశక్తియు అధిక బుద్దియు అనుగ్రహించువాడు ఆయనే” (యెషయా 28:29) అని ఆయనను నిత్యత్వంలోని యుగాలన్నింటిలో మేము స్తుతించి ఆరాధిస్తాం.

మన గొప్ప విమోచకుడు బేత్లహేములో జన్మించాలని నిత్యుడగు తండ్రి ఆజ్ఞాపించాడు. అందుకే ప్రవక్తయైన మీకా ఇలా ప్రకటించాడు:

“బేత్లహేము ఎఫ్రాతా, యూదావారి కుటుంబము లలో నీవు స్వల్పగ్రామమైనను నాకొరకు ఇశ్రాయేలీయు లను ఏలబోవువాడు నీలోనుండి వచ్చును; పురాతన కాలము మొదలుకొని శాశ్వతకాలము ఆయన ప్రత్యక్ష మగు చుండెను.” (మీకా 5:2)

అయితే, ఆయన జననదినం సమీపించినప్పుడు ఆయనకు జన్మనివ్వబోవు కన్యక అయిన మరియ తనకు ప్రధానము చేయబడిన భర్త అయిన యోసేపుతో నజరేతులో నివసిస్తూ వచ్చింది. తన గర్భములోని శిశువుకు జన్మనిచ్చేందుకు ఆమె ఇంకను నజరేతులోనే వేచివుంది. అలా జరిగినట్లయితే అనేక సంవత్సరాల క్రితం దైవిక ప్రేరణతో మీకా ప్రకటించిన ప్రవచనానికి అది భిన్నంగా ఉంటుంది.

అయితే, ఆ సమయంలో, ప్రతి ఒక్కరూ ప్రజాసంఖ్యలో తమ పేర్లను నమోదు చేసుకొనుటకుగాను తమ తమ స్వస్థలములకు వెళ్ళవలెనని అప్పటి రోమా చక్రవర్తియైన కైసరు ఔగుస్తు ఆజ్ఞాపించాడు. ఫలితంగా, అది భారమైన ప్రయాణ మైనప్పటికీ, కన్యయైన మరియ తనకు ప్రధానము చేయబడిన భర్తతో కలిసి బేత్లహేముకు వెళ్ళవలసివచ్చింది (లూకా 2:1-5 చూడుము).

ఆయన ప్రతి సంభవాన్నీ తన స్వంత మహిమ నిమిత్తమును, తన ప్రజల మేలు నిమిత్తమును జరిగించువాడైయున్నాడు.

మీకా ప్రవచించిన ప్రవచనము ప్రకారము అక్కడ సజీవుడగు ప్రభువు జన్మించాల్సి ఉంది. కైసరు ప్రజాసంఖ్య వ్రాయుటద్వారా సుంకము రూపంలో తన ఖజానా నింపుకొన వలెనని అనుకొన్నాడు. అయితే, దైవిక ప్రణాళిక దానిని మెస్సీయా జననానికి సంబంధించిన ప్రవచన నెరవేర్పుకు సాధనంగా ఉపయోగించుకొంది. ఇది దేవుని అనంతమైన జ్ఞానాన్ని గురించి మనకు తెలుపు తుంది. ఆయన ప్రతి సంభవాన్నీ తన స్వంత మహిమ నిమిత్తమును, తన ప్రజల మేలు నిమిత్తమును జరిగించువాడైయున్నాడు.

దేవుని ఏర్పాటు బయలుపరచబడుట

తల్లి : ఎపెనెటస్, నేను నీకు ఇప్పుడొక సంభవాన్ని గురించి చెబుతాను. క్రింది లోకంలో ఒక వ్యక్తి తన స్నేహితునివద్దకు వెళ్ళి కొన్ని రోజులు అతనితో గడిపి రావాలని నిర్ణయించుకొని తన గుఱ్ఱమెక్కి వెళుతుండగా క్రిందపడి అతని కాలు విరిగిందట. ఫలితంగా అతడు ఇక ప్రయాణం చేయలేకపోవడంతో తాను ఆశించినవిధంగా తన స్నేహితుని ఇంటికి వెళ్ళలేకపోయాడు. తన స్నేహితుని ఇంటికి వెళ్ళలేకపోయినందుకు ఆ వ్యక్తి చాల నిరాశచెందాడు.

నాశనకరమైన మా పాపమార్గమునుండి మమ్మును ఆయన ప్రక్కకు మళ్ళించనట్లయితే మేము ఎలా నాశనమైయుండేవారమో మాకు ఇక్కడ స్పష్టంగా కనిపిస్తుంది.

ఆ సమయంలో తన కాలు విరగడం తనకొక గొప్ప పరీక్షగాను, ఒక గొప్ప శ్రమగాను అతడు తలంచి అమితంగా బాధపడ్డాడు. అయితే, కొద్దిరోజుల తర్వాత అతనికొక సమాచారం అందింది. తాను తన స్నేహితుని ఇంట్లో బస చేయదలచిన రాత్రి ఆ ఇల్లంతా మంటల్లో కాలి బూడిదైపోయిందట! ఆ రాత్రి ఆ ఇంట్లో ఉన్న వారందరూ ఆ మంటల్లో కాలి చనిపోయారట! తాను గొప్ప పరీక్షగాను శ్రమ గాను తలంచిన తన కాలు విరగడం అనేది తనకొక ఆశీర్వాదకరమైందిగా అప్పుడు అతడు తెలుసుకొన్నాడు.

తన కాలు విరగడం అనేది తన ప్రాణాన్ని రక్షించింది. దైవిక ప్రేమ మరియు మంచితనాలను గురించిన అలాంటి ఉదంతాలెన్నో మనం చెప్పుకోవచ్చు. అలాంటి ఉదంతాలు ఇక్కడి పరిశు ద్ధులను దేవునికిని గొఱ్ఱపిల్లకును హల్లెలూయ స్తుతిగానాలు చేసేందుకు ప్రోత్సహిస్తాయి.

అంతేకాదు ఎపెనెటస్, తన కృపద్వారా తమ్మును తన మహిమలోనికి తీసుకొనివచ్చిన సర్వోన్నతుడగు దేవునికి ఇక్కడి పరిశుద్ధులు నిత్యం స్తుతిగానాలు చేస్తుంటారు. నాశనకరమైన మా పాపమార్గమునుండి మమ్మును ఆయన ప్రక్కకు మళ్ళించనట్లయితే మేము ఎలా నాశనమైయుండేవారమో మాకు ఇక్కడ స్పష్టంగా కనిపిస్తుంది.

మేము నాశనకరమైన మార్గంలో ప్రవేశించకుండునట్లుగా ఆయన అనేకసార్లు మా మార్గాలను ముళ్ళతుప్పలతో నింపాడు. మమ్మును ఇక్కడకు తెచ్చేందుకు ఆయన ఉపయోగించిన ఆయా పద్ధతులను తలంచుకొన్నప్పుడు మేము ఆయనకు స్తుతిగానాలు చేయకుండా ఉండలేము. మేము ఆలా ఆయనకు స్తుతిగానాలు చేస్తున్న సమయంలో ఆయన మాపై తన ముఖ కాంతు లను ప్రసరింపజేస్తాడు. అలా ఆయన ముఖకాంతులు మాపై ప్రసరించబడేకొద్దీ, మేము ఆయన సారూప్యములోనికి మార్చబడుతూ ఉంటాము. అదే మా అత్యు న్నతమైన ఆనందం.

ఎపెనెటస్, నీ చివరి ప్రశ్నకుకూడ నేను జవాబు చెప్పాను. అమరత్వపు వస్త్రాన్ని ధరించుకొని నీవు ఇక్కడకు వచ్చినప్పుడు, దీన్ని నీవు మరెక్కువగా గ్రహించగలుగుతావు. ఈ మధ్యకాలంలో నీవు పొందిన కృపకు తగినట్లుగా నడుచుకొనవలెనని” (ఎఫెసీ 4:1) నేను ఆశిస్తున్నాను. నీవు సాధించిన దేన్ని గురించికూడా నీవు ఎన్నడూ అతిశయించవద్దు. కాని, ఆయన కృపకోసం దేవునికి స్తుతులు చెల్లించు. నీవు ఇక్కడ కనిన వినిన సంగతులన్నీ నీకు ఒకేఒక పాఠాన్ని బోధింపనివ్వు : నీ వ్యర్థమైన నీచస్థితిని చూసి నిన్నునీవు అసహ్యించు కొనేలా అవి నీకు ఒక పాఠం బోధింపనివ్వు.

తాను అతిశయించకుండునట్లు తన “శరీరంలో ఒక ముల్లు” ఉంచ బడిందని నీలాగా ఇక్కడకు ప్రవేశించేందుకు అనుమతి పొందిన అపొస్తలుడైన పౌలు ఒకసారి ఆనందంతో అన్నాడు.

‘నీవు ఇక్కడ కనిన వినిన సంగతులన్నీ నీకు ఒకే ఒక పాఠాన్ని బోధింపనివ్వు – నీ వ్యర్థమైన నీచస్థితిని చూసి నిన్నునీవు అసహ్యించుకొనేలా అవి నీకు ఒక పాఠం బోధింపనివ్వు.

తాను ప్రభువువలన పొందిన లెక్కలేనన్ని కృపలనుబట్టి (2 కొరింథీ. 12:7) అతడు ఎంతో ఆనందిం చాడు. అతని ఉదాహరణ నీలో వినయమనస్సు కలుగజేయనివ్వు. వినయము అన్ని విధములైన శోధనలనుండి నిన్ను గొప్పగా సంరక్షిస్తుంది. దేవుడు దీనమనస్సు గలవారిని హెచ్చించి గర్విష్టులను అణచివేస్తాడు.

తల్లి నిష్క్రమించుట

తల్లి : నీ సంరక్షకుడైన దేవదూత రావడం నాకు కనిపిస్తోంది. కావున ఎపెనెటస్, నీవు ఇక్కడకు తిరిగి వచ్చేంతవరకు నీకు నా హృదయపూర్వకమైన వీడ్కోలు. నీవు ఇక్కడకు వచ్చాక, మనం మరి ఎన్నడూ విడిపోము.

అలా ఆమె నాతో చెప్పి నావద్దనుండి వెళ్ళిపోయింది. ఆ తర్వాత నన్ను భూ లోకం నుండి అక్కడకు తీసుకొని వచ్చిన దేవదూత అమితమైన ప్రకాశమానంగా వెలుగుతూ నా యెదుట కనిపించాడు. నేను అతనికి వంగి నమస్కరించాను.

దేవదూత:నీవు సింహాసనాసీనుడైన దేవునికి మాత్రమే నమస్కరించు. నాకు నీవు నమస్క రించవద్దు. నేను నీలా ఒక సృజించబడిన వాడను మాత్రమేనని నేను నీకు ఇంతకు మునుపే చెప్పాను. కావున దేవునికి మాత్రమే నీవు నమస్కరించి ఆయనను మాత్రమే నీవు ఆరాధించు. ఎందుకనగా, ఆయన మాత్రమే ఆరాధనలకు అర్హుడు. ఇకపోతే, పరలోక మహిమను నీవు పూర్తిగా వీక్షించావా?

నేను నిన్ను ఎక్కడనుండి తీసుకొచ్చానో ఆ భూలోకానికి తిరిగి నిన్ను తీసుకెళ్ళాలని నేను ఆజ్ఞాపించబడ్డాను. అయితే, దానికి ముందు అంధకార అధిపతియైన సాతాను రాజ్యానికి నేను నిన్ను తీసుకెళతాను.

ఎపెనెటస్ : పరలోక మహిమను నేను వీక్షించి అత్యానందభరితుడనయ్యాను. కాని, ఆ మహిమను నేను కొంతవరకే చూడగలిగాను. ఇక్కడ ప్రకాశిస్తోన్న వెలుగు నా కన్నులు వీక్షించలేనంత కాంతివంతంగా ఉంది. అయినప్పటికీ, ఇక్కడి దృశ్యాలు ఎంతో ఆహ్లాదకరంగా ఉన్నాయి. వాస్తవానికి శాశ్వతంగా ఇక్కడే ఉండిపోవాలన్న లోతైన ఆశ నాలో కలుగుతోంది.

దేవదూత : కాని, నేను నిన్ను ఎక్కడనుండి తీసుకొచ్చానో ఆ భూలోకానికి తిరిగి నిన్ను తీసుకెళ్ళాలని నేను ఆజ్ఞాపించబడ్డాను. అయితే, దానికి ముందు అంధకార అధిపతి అయిన సాతాను రాజ్యానికి నేను నిన్ను తీసుకెళతాను. సర్వోన్నతునికి విరోధంగా తిరుగుబాటు చేసినవారికి ఇవ్వబడిన న్యాయబద్ధమైన తీర్పునూ, పాపపు బహుమానాన్నీ అక్కడ నీవు వీక్షిస్తావు.

అయితే, ఈ విషయంలో నీవేమీ భయపడవద్దు. ఎందుకనగా నేను నిన్ను అక్కడ కొంత సమయంవరకే ఉంచి, అక్కడి సంగతులను నీకు చూపించిన తర్వాత తిరిగి భూలోకానికి తీసుకెళతాను. నీ మర్త్యశరీరం అంతమయ్యేవరకు నీవు భూమిమీదే ఉంటావు. ఆ తర్వాత నీవు ఇక్కడి పరిశుద్ధులతో కలిసి ఉండు నట్లుగా నేను నిన్ను తిరిగి ఇక్కడకు నడిపిస్తాను.

దేవదూత పలికిన చివరి మాటలు నన్ను అమితంగా ప్రోత్సహించి నాలో నూతన జీవాన్ని నింపాయి. ఎందుకనగా, పరలోకాన్ని వదలి భూమిపైకి తిరిగి వెళ్ళడం నన్ను అమితంగా కృంగదీసింది. అయితే, నేను తిరిగి ఇక్కడకు వస్తానన్న తలంపు నాకు ఊరట కలిగించింది. కాని, ఇప్పుడు పరలోకంనుండి భూమిపైకి వెళ్ళకమునుపు నరకానికి వెళ్ళాలన్న తలంపు తిరిగి నన్ను నిరాశకు గురిచేసి నన్ను కృంగదీసింది.

అయినప్పటికీ, నేను అక్కడనుండి భూమిపైకి తిరిగి వెళ్ళుట అనునది దైవిక ఉద్దేశమనీ, అక్కడ కొంతకాలం జీవించి నా మర్త్యశరీరాన్ని వదలివేసిన తర్వాత నేను తిరిగి పరలోకానికి వస్తాననీ తలంచినప్పుడు, నేను ఎంతో గొప్ప ఆదరణ పొందాను. నాలో ఇప్పుడు పూర్తిగా దేవుని చిత్తానికి లోబడే మనస్తత్వం ఉండ టాన్ని నేను కనుగొన్నాను. కావున, నేను నా మార్గదర్శి అయిన దేవదూతతో నిశ్చయతతోను ధైర్యముతోను తిరిగి మాట్లాడటం ప్రారంభించాను.

ఎపెనెటస్ : సర్వోన్నతుడగు దేవుడు ఏమైతే నాకు ఆజ్ఞాపిస్తాడో దానికి విధేయత చూపించేందుకు నేను ఎల్లప్పుడూ సిద్ధంగా ఉంటాను. ఆయన కృపను నేను ఈపాటికే గొప్పగా అనుభవించాను. ఆయన సన్నిధి నాతో ఉన్నట్లయితే నరకంలోకూడా నేను భయపడను.

దేవదూత : ఎక్కడైతే దేవుని సన్నిధి ఉంటుందో అక్కడే పరలోకం ఉంటుంది. మనం నరకంలో ఉన్నప్పుడుకూడా ఆయన మనతో ఉంటాడు.

దేవుడు వేరే లోకాలనుకూడా సృజించాడా?

ఆ తర్వాత సర్వోన్నతుని సింహాసనం క్రిందనుండి వంగుతూ అమితమైన వేగంతో దేవదూత నన్ను పరలోకంనుండి బయటకు తీసుకొచ్చాడు. అలా మేము అత్యంత వేగంతో పయనిస్తున్న సమయంలో అంతరిక్షంలో అనేకమైన పెద్దపెద్ద అగ్నిగోళాలు నాకు కనిపించాయి.

కాంతివంతమైన ఆ ఆకాశదీపాలను నేను చూసినప్పుడు, దేవదూతతో వాటిని గురించి నేను సంభాషించడం ప్రారంభిం చాను. అంతరిక్షంలో అలా వ్రేలాడుతోన్న ప్రతి నక్షత్రం ఒక ప్రపంచమని నేను భూమిమీద ఉన్న సమయంలో అనుకున్నానని అతనితో అన్నాను.

ఎక్కడైతే దేవుని సన్నిధి ఉంటుందో అక్కడే పరలోకం ఉంటుంది. మనం నరకంలో ఉన్నప్పుడుకూడా. ఆయన మనతోనే ఉంటాడు.

ఆ విషయం నిజమేనని నాకు అనిపిస్తోందనీ, ఎందుకనగా అంతరిక్షంలోనుండి అత్యంత చిన్నదిగా కనిపించే నల్లని భూగోళం ఒక ప్రపంచం అయినప్పుడు, అంతరిక్షంలో ఎంతో పెద్దవిగా కనిపించే ఆ అగ్నిగోళాలచుట్టూ అనేక లోకాలు ఉంటాయని నేను ఊహించాననీ నేను అతనితో అన్నాను. అయితే, ఇప్పుడు దీనిని గురించిన సత్యాన్ని

దేవదూతనుండి తెలిసికొనే అవకాశం ఉన్నందున ఆ విషయంలో నాకు వాస్తవాన్ని తెలియజేయమని నేను అతనిని అడిగాను.

దేవదూత : సర్వశక్తుడైన దేవునికి అసాధ్యమైనదేదీ లేదు. అంతేగాక, అనంతమైన ఈ విశ్వానికి హద్దులుకూడా ఉండవు. క్రింది లోకాన్ని సృజించేందుకు దేవుడు ఆరు దినాల సమయాన్ని తీసుకొన్నాడు. అయితే, ఆయన ఆశించి ఉంటే దాన్ని ఒకే ఒక్క క్షణంలోకూడ సృజించగలిగి ఉండేవాడు. ఆయన అనంతమైన శక్తి అంత గొప్పది. తనకున్న శక్తితో ఆయన ఏ మేం చేయగలడో అనంతశక్తిని కలిగిన ఆయన తప్ప మరెవరునూ చెప్పలేరు.

అయితే, ఆయనకు అనంతశక్తి ఉన్నందున దానితో ఆయన ఏమేం సృజించాడన్న విషయాన్ని గురించి చర్చించడం పరలోకంలో ఉన్నవారి పనికాదు. పరలోకంలోను భూమిమీదను తనకు ఇష్టమైనవన్నీ ఆయన జరిగిస్తాడు. మనకు ఆయన ఏవి బయలుపరుస్తాడో అవే మనకు తెలుసు. మనకు బయలుపరచ కుండా ఆయన వేటిని రహస్యంగా ఉంచాడో, అవన్నీ ఆయన నిత్యమైన ఉద్దేశంచొప్పున రహస్యంగా ఉంచబడ్డాయి. వాటిని గురించి ఆలోచించడం పరిశోధించడం సృజించబడినవారమైన మనకు అనవసరమైన ఆసక్తితప్ప మరొకటికాదు.

విశాలవిశ్వంలో అనేక నక్షత్రాలు ఉన్నందున, తనకు ఇష్టమై నట్లయితే ఆయన ఎన్ని లోకాలనైనా సృజించగలడు. అయితే, అలా ఆయన చేశాడా లేదా అన్న విషయం మనకు బయలుపరచబడలేదు. దానిని గురించి పరిశోధించి తెలుసుకోవడం మన పనికాదు.

నరకపు పొలిమేరల్లో

ఈ సమయానికల్లా మేము అంతరిక్షంనుండి అత్యంత తగ్గు ప్రదేశానికి చేరుకొన్నాము. అక్కడ నాకు భయంకరమైన స్వరూపాలు కనిపించాయి. అవన్నీ నా మార్గదర్శియైన దేవదూత వెలుగును చూచి పారిపోతున్నాయి.

ఎపెనెటస్ : నల్లగాను భయంకరంగాను వికారంగాను ఉన్న ఆ స్వరూపాలు తప్పక నరకలోకపు సైన్యసమూహాలు అయివుంటాయి.

దేవదూత :అవన్నీ భూమిపై ఇటు అటు తిరుగుతూ ఎవరిని మ్రింగుదుమా అని వెదుకుతోన్న దురాత్మలు (1 పేతురు 5:8). అవి ఇప్పుడు ఇక్కడనుండి పారి పోయినప్పటికీ, తమ చీకటి రాజ్యంలో అవి ఉండటాన్ని కొద్దిసేపట్లో నీవు చూడ బోతున్నావు. ఎందుకనగా, మనమిప్పుడు నరకలోకపు సరిహద్దుల్లో ఉన్నాం.